عربية جولف 3 موتورها فيه صوت خشونة
 

العربية جولف 3 فيها موتور 2000 سى سى وكانت كويسة جدا و جت من فترة وسخنت وغيرت جوان وش سليندر و وش السليندر راح للخراط والشغل اتقفل على كدة وخلاص ومن ساعتها والموتور حاسس انه خشن ومش مظبوط وفيه صوت صباب وبتاكل زيت جامد وفى ريحة زيت محروق جامدة من غير جرى ولما بجرى بشم ريحة اكتر و البوجيهات كلها عليها زيت واصل لحد القلاوظ ميكانيكى قالى يبقى جلد صباب وانا فعلا شاكك ان المشكلة فى وش السيلندر لأن صوت الصبابات عالى وكل دا من ساعت ما الموتور سخن و الوش راح للخراط هل كدة وش السلندر لما اتخرط باظ ولا اية اللى حصل :Wkiss5:

رد: عربية جولف 3 موتورها فيه صوت خشونة
 

نصيحة شوف ميكانيكي غير ده خليه يفك ويودي الوش للخراط يكشف عليه يبقي افضل لو جبت وش جديد استيراد

رد: عربية جولف 3 موتورها فيه صوت خشونة
 

متابع .........

رد: عربية جولف 3 موتورها فيه صوت خشونة
 

تمام طيب انا عايز اعرف لو جبت وش استيراد وعايز اركب الجوان بقا بردو لازم يروح للخراط!!! معأنه ماسخنش ولا قفع هيبقى لسة مخلوع من على موتور لأن المواتير دى الخراطه فيها بتبوظها

رد: عربية جولف 3 موتورها فيه صوت خشونة
 

لا طبعا مش محتاج خراطة
الا بقى لو حتوديه للكشف فقط و لو طلع فيه الهوا ترجعه و تجيب غيره

رد: عربية جولف 3 موتورها فيه صوت خشونة
 

انا راي توفر الوقت والجهد والمال وتغير وش السلندر باخر - وهو متوفر ان شاء الله في الحرفيين.
والله اعلي واعلم

رد: عربية جولف 3 موتورها فيه صوت خشونة
 

تمام اوى انا كدة فهمت انى اغير الوش افضل وقريب هعمل الكلام دا وهقولكو على النتايج انشاء الله
بس عندى سؤال تانى . انا رفعت العربية من الجنب الامامى يمين وعشقت الفتيس على الرابع كأنى هظبط التقسيمة ولفيت العجلة ب ايدى للامام لقيت ان بلفها بصعوبه وعند صعود البستم رقم واحد لأعلى الاقى العجلة جريت مرة واحدة بسهولة جدا!!! وبعد كدة ترجع تخشن تانى وهكذا تلت تربع اللفه تقيلة وتيجى عند صعوت بستم رقم 1 تبقى ناعمة .. دا طبيعى ولا فى حاجة . احساسى انا انه مش طبيعى ؟؟؟