عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

السلام عليكم ورحمه الله وبركاته

زى العنوان بالظبط بقالى شهرين عاوزه اشترى عربيه ودوخت ومش فاهمه اى حاجه
اولا انا سله متعلمه سواقه جديد
معايا 140000 وعاوزه عربيه كويسه مش كل شويه تعطل منى وادوخ بولادى الصغيرين
الاول ناس نصحونى باللانوس وبعدين قالوا لا مش حتناسب مركزى وضعى فى شغلى هاتى used البيجو 308 البانوراما وبعدين الجيتا ودلوقتى قالولى المرسيدس b150 وفى حد نصحنى ب bmw 316i وحد تانى قالى جيب ليبرتى والى قالى سكودا اوكتافيا
والى يقولى جديد احسن انا بجد تعبت ومش عارفه ارسى خالص
ياريت تدولنى يا شباب انتم بتفهموا فى العربيات اكتر مننا انه الاحسن
او ممكن اجيب ايه بالحدود ده بس اهم حاله اخر حاجه 2007 علشان انا مش حاقدر حاجه تعطل منى فى الشارع ومعايا ولادى وكمان عاوزه حاجه تستحمل القاهره والى بيحصل فى الشوارع من خبط وكسر وخربشه
وشكرا

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

خليك فى الأمان وهات يابانى .. عندك التويوتا ياريس وعندك اللانسر 1300 و 1600 عربيات ممتازه جداً

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

انا ارشح ليكى اى سياؤة زيرو علشان زى ما بتقولى متعطلش منك وانت معاكى الولاد او وانتى لوحدك حتى
السعر اللى معاكى ممكن تدفعى مقدمه وتقطسى الباقى لو انتى عاوزه عربيه بريستيج وممكن تجيبى رينو فلوينس او بيجو 508
لو عاوزه عربيه فى حدود السعر اللى معاكى يبقى هاتى بيجو 301 فيها اتنين ايرباج وفرامل abs
وشكلها شيك
ممكن تروحى معرض اوتو سمير ريان فى مدينه نصر هتلاقى هناك جميع العربيات معروضه واركبى واتفرجى وشوفى العربيه اللى هتستريحى فيها

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

التويوتا شوفتها الصاج بتاعها خفيف جدا وحاسه انها غاليه على الفاضى اصلا مش عارفه انا صح ولا لانى مش بفهم فى العربيات حشوف الانسر والف شكر على اهتمامك

اولا الف شكر لمرورك واهتمامك انا عاوزه كاش مش قسط و البيجو كتير قالى انه قطع غياره غالى جدا ومش متوفر فى مصر كتير هو والرينو طيب يعنى الكلام ده صح ولا

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

لانسر 2014 بومه كلاسيك انسب شىء فى حدود المبلغ المذكور
إعتمادية /قطع غيار معقولة /زيرو /اداء ممتاز
موجودة عند كثير من معارض السيارات

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

انا عدلت يارس قبل كده هيا فعلا صاجها مش قوى و كل الصاج الجديد كده لكن قوة موتورها و تصميمها ممتاز للشباب ميناسبش سيدات نفس الكلام بالنسبة للمرسيدى و البى ام و البيجو

لو عاوزه حاجه فخمة بس مستعمل ممكن الفولكس باسات و ممكن تدورى فى الاسكودا

لو عاوزه عربية حريمى و يكون فيها اوبشن كتير فأكيد هتلاقى فى الكيا حاجات زيرو و مناسبة ليكى

ابعدى عن العربيات الرجالى اللى اتصممت اصلات عشان تدى قدرة عالية و احساس بالسيطرة و فى نفس الوقت عاوزه حد بيفهم ميكانيكا عشان يقدر يصلح و يتابع معاها

شوفى اوتوماتك صالون واسع امكانيات كتيرة امان اكتر ما يمكن مش مهم المحرك بالنسبة ليكى مقارنة بشكل العربية و مفيش صاج قوى غير فى العربيات القديمة وفئات معينة من العربيات الرياضية الحديثة

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
 

الغالى ثمنة فية
حضرتك تذهبى لمعرض كبير ليكن سمير ريان تشوفى كل العربيات ويكون معاكى حد علشان تاخدى وتدى معاة وتحددى كام ماركة عجبتك ومالكيش دعوة برجال المعرض الا لما تكونى عاوزة تعرفى حاجة عن العربية وتصوريهم وتعرفى بيانتهم ممكن يطلع من المشوار دة مثلا 4 عربيات هتكونى محتارة مابينهم
هنا يكون خدمة ما بعد البيع من صيانة فتعرفى توكيها فين لان فية عربيات توكيلها بعيد جدا والواحد بيموت علشان يروح التوكيل علشان يعمل الصيانات هناك فالتوكيل الاقرب تروحى تسألى هناك من اصحاب العربيات هل بيهتمو بالعربية ولا لا والاسعار وتسألى اكثر من واحد صاحب عربية لحد ما تتطمنى بنسبة 100% لو اطمنتى بنسبة اقل ماتشتريش خالص وفكرى اكثر
انا عملت كدة وكنت محتار ما بين عربيتين وربنا وفقنى واخترت واحدة لان توكيها قريب منى وبالصدفة وجدت ناس معرفة بيعملو بالتوكيل وكانو يظبطولى كل حاجة
مجمل الكلام ماتشتريش العربية الا لما تكونى مقتنعة 100%بها لان بعد ما هتشتريها هتحسى انك اتسرعتى جدا علم السيارات كبير جدا وزى ما قلت الغالى تمنة فية
تحياتى