|
ممكن اعرف ايهم افضل لادة ولا ماروتى
انا لسة ما اشترتش عربية ومحتار بين اللادة و الماروتى طبعا مستعمل لأنى لسة متوظف جديد و مرتبى على قدى يعنى حاجة كدة فى حدود 12 او 15 الف وطبعا الحجات الاساسية بالنسبة لواحد فى ظروفى قطع الغيار تكون متوفرة و رخيصة وصيانتها سهلة علما انى مابعرفش اسوق و هاتعلم السواقة عليها ان شاء الله |
رد: ممكن اعرف ايهم افضل لادة ولا ماروتى
اية ياجماعة 14 مشاهدة ومفيش رد انا واثق فيكم و عارف انكم اساتذة |
رد: ممكن اعرف ايهم افضل لادة ولا ماروتى
الاتنين كويسين ليك
ميال اكتر للماروتى حتبقى اسهل لك فى السواقة |
رد: ممكن اعرف ايهم افضل لادة ولا ماروتى
اقتباس:
|
رد: ممكن اعرف ايهم افضل لادة ولا ماروتى
اللادا ابعادها كبيرة و دركسيونها تقيل و مش ناعمة عامة
لكن الماروتى ابعادها صغيرة و سهلة الركن و المشى فى الزحمة و دركسيونها اسهل بص على العموم الحالة تحكم يعنى معاك ميزانية محدودة اللى حيفرق فى اختيارك حالة العربية سواء ديى او ديى او حتى غيرهم |
رد: ممكن اعرف ايهم افضل لادة ولا ماروتى
اللادا عربية خدمات و تحميل و سفر و خلافه
الماروتى لو معظم تنقلاتك لواحدك أو معاك 1 أو 2 الإثنين قطع غيارهم رخيصة الإمتياز فى صالح الماروتى لأن موديلها أحدث يعنى الـ 15 إللى معاك يجيبوا ماروتى تسعينات و يجيبوا لادا ثمانينات (طبعاً الماروتى هتبقى أحدث و غالباً أفضل) بس برضة المهم الحاله إللى تيجى أدامك حاول تجيب حاجه مش محتاجه شغل كتير (يعنى صاحبها ميقولكش محتاجه وش نضافه و لا طقم شنبر و لا .... الكلام ده بيفتح بعد كده و إنت مش حمل مصاريف دلوقتى |
رد: ممكن اعرف ايهم افضل لادة ولا ماروتى
جزاكم الله كل خير والله معلوماتكم انا استفدت منها بس اى سؤال استحملونى لأنى لسة يدوب باقول يا هادى وميح على الاخر |
| الساعة الآن 07:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017