مشكله في دايو لانوس 2000
 

انا عندي دايو لانوس موديل 2000
في مشكله في الدواره الصبح بتغيب شويه واوقات لما يكون في مشوار وابطل شويه وادور تغيب مره وتدور من اول مره في مره تانيه وفي حاجه كمان ساعات بيكون في تنتيشه خفيفه لما بمشي ببطئ علي الثاني مثلا بس مش في كل الاوقات
وغيرت بيوجيهات وفلتر بنزين وفلتر هواء وبرضه لسه نفس المشكلتين
وحد قالي ممكن يكون حساس الكرانك هل ده صح ولا الحل ايه ياريت اللي يجاوب يكون جرب الموضوع ده لانه رخم جدااااا

رد: مشكله في دايو لانوس 2000
 

الغياب فى الدوارة لما العربية تبرد فى الغالب بسبب رشاشات بتسيل
جرب و انت بتدور ابقى دايس بنزين على الاخر من قبل ما تحط المفتاح و اول ما المارش يبتدى يلف شيل رجلك بسرعة
لو دارت يبقى فعلا الرشاشات بتسيل ( اصل الحركة ديى بتوقف الرشاشات فى اللانوس فتسهل الادارة لو الرشاشات بتسيل )
فى مراكز متخصصة لنظافة الرشاشات بالالترا سونيك و بتكشف عليهم و رخيصة و فى دقايق لو مفيش فايدة يبقى تغيرهم

لو المشكلة ديى راحت احتمال المشكلة التانية تروح معاها
حل المشكلة الاولانية الاول

رد: مشكله في دايو لانوس 2000
 

انا قررات عنها في المنتدي هنا وجربتها فعلا بس كنت بدوس علي بدال البنزين بعد لما احط المفاتاح واوقات كتير لما بفتح الكونتاك كمان وكان اوقات كتير كانت فتره الدواره بتقل بصوره ملحوظه وكان الصبح ساعات بيكون في برجله مع الحركه دي مش بتكون موجوده
وعاوز اسال عن حساس الكرنك ممكن يكون ليه علاقه بالموضوع ده؟؟؟؟؟؟؟؟؟؟؟؟؟؟

رد: مشكله في دايو لانوس 2000
 

هو فعلا ممكن بالرغم ان لمبة ال check مش منورة بس ممكن بافتراض انك خدت خبطة جامدة ناحيته فالقاعدة بتاعته لوحت او ترس الكرنك لوح او حصله حاجة
او جت عليه حاجة و لزقت عليه
بص عليه و اتاكد انه متثبت كويس و الترس طبيعى مفيهوش بوش

رد: مشكله في دايو لانوس 2000
 

شكرا علي الاجابه
طب لو ممكن صور له وهل اعرف ابص عليه انا ولا لازم ميكانيكي؟

رد: مشكله في دايو لانوس 2000
 

لا مش لازم ميكانيكى بس يفضل عشان خبرته و لو عنده بير او كوريك كبير يرفع العربية حيبقى اسهل
على العموم هو من الناحية اليمين تحت ......... عبارة عن لاقط مغناطيسى و على بعد يا دوب مليمتر من ترس مسنن راكب على الكرنك ورا سير الكاتينة و فيه سنة عريضة و بتأثير القوة الدافعة الكهربية المتولدة من عبور السنان امام الحساس و كمان باختلاف الفولتية بعبور السنة العريضة عن باقى السنان يقوم الكنترول يعرف وضع الكرنك بالتالى وضع البساتم و ال rpm و منه يقدر يدى قرار سليم لتوقيت الاشعال للبوجيهات و التقديم و التاخير و الرشاشات و توقيت فتحها و مدة الفتح بالملى ثانية
لو فى خلل فى قاعدة الحساس او فى الترس العربية حتهيس
لو فيه خلل فى الحساس او فيشته او ضفيرته او البن فى الكنترول .......... لمبة ال check تنور

http://i83.photobucket.com/albums/j3...h/IMG_3459.jpg

رد: مشكله في دايو لانوس 2000
 

طيب قبل ماروح للميكانيكي
في حالتي دي العيب الاقرب يكون فين
الرشاشات
ولا ترس وقاعده الكرنك (ولو انا اللي بصيت اعرف ازاي ان فيها مشكله او الترس بايظ ؟)
ولا الحساس (وبرضه ازاي اعرف الحساس بايظ ولا لا لما اشوفه ؟)