ستشارة فنية فى تغيير زيت فتيس
 

مساء الخير على احلى شباب فى المنتدى
كل سنة و حضراتكم بخير
دلوقتى انا فى حيرة و ارجو من حضراتكم الافادة
انا معايا عربية byd - f3 موديل 2013 و كنت عايز اغير زيت الفتيس لنوع زيت والف
فى واحد زميل هنا جربة و قال فرق شاسع بينة و بين اللى جاى مع العربية من حيث نعومة الغيار و سحب العربية علما بأنى مغير زيت للموتور بزيت فالفولين تخليقى 5w40 و فعلا فرق عن موبيل بتاع التوكيل
المهم
الكتالوج بينصح بنوع زيت gl4 لكن شركة والف مش متوفر عندهم غير gl5
و على ما عرفت ان gl5 بيعمل مشكلة لما الفتيس يبقى فية نحاس مع المدى الطويل
و لما كلمت الفنى فى التوكيل قالى الزيت فية اضافات تمنع التأكل بس انا مش مقتنع بكلامة
لكن شركة فالفولين منزلة زيت gl4 بس للاسف محدش جربة
فحضراتكم اية رأيكم احط gl5 من شركة والف وواحد مجربة و شكر فية - هو لسة حاطة جديد-
ولا احط زيت gl4 من شركة فالفولين و يبقى مع مواصفات العربية الصح بس مش متجرب
علما بأن الاتنين زيوت تخليقيةو تقريبا نفس التمن
ارجو الافادة و الرد - و اسف على الاطالة
شكرا

رد: ستشارة فنية فى تغيير زيت فتيس
 

حط زيى ما المواصفة طالبه
بس ايه الشكوى اساسا ؟ !

رد: ستشارة فنية فى تغيير زيت فتيس
 

متشكر جدا لاهتمام حضرتك يا استاذ احمد
المشكلة فى تقل فى الغيار التانى بالذات
و خصوصا من الاول للتانى او من التالت للتانى - ف اللى جرب زيت والف دة قالى فرق فى نعومة الغيار شوية
و عمال ادور على المنتديات الاجنبى على اضرار GL5 على الفتيس اللى فية نحاس الاقول متضاربة
و انا بصراحة مضايقنى قوى النقلة التانية علما بأن الموضوع دة منتشر فى العربية دى بالذات و التوكيل فشل فى حلها
او بيعمل مسكن مؤقت و بعد فترة صغيرة بيظهر تانى

رد: ستشارة فنية فى تغيير زيت فتيس
 

اكيد الدبرياج عاوز يعلي شوية

رد: ستشارة فنية فى تغيير زيت فتيس
 

طيب حاول تعرف ايه المسكن المؤقت اللى بيعمله التوكيل يمكن نقدر نستنتج منه حل دائم

رد: ستشارة فنية فى تغيير زيت فتيس
 

عزيزي

فضل زيت للفيتس لسيارتك هو

75w-90 GL-4

GL-5 غير مناسب للفيتس سيارتك

يفضل استعمال زيت ليكوي مولي الالماني بسبب جودتة العالية

الكمية بحدود 2 الى 3 لتر

يفضل تغييرة كل 30000 كم

واذا كانت سيارتك اتوماتيك فلها زيت هيدروليك حسب كتلوك السيارة


مع التقدير


سيف

العراق

رد: ستشارة فنية فى تغيير زيت فتيس
 

انا متشكر جدا جدا لاهتمام حضراتكم
بالنسبة للدبرياج انا وريتة لميكانيكى و قالى كويس مش محتاج حاجة - بس هو العقدة فى الغيار التانى فقط
بالنسبة لمسكن التوكيل للاسف محدش عارفة لان مافيش فرصة انى اكلم العمال فى التوكيل - و فعلا فكرة حلوة و هحاول اعرف المسكن دة
انا خلاص قررت هحط زيت 75w-90 GL-4 بس من فالفولين لان زيت ليكوي مولي مش مضمون فى مصر و بعدين بقالة فترة منتجاتة قليلة جدا و خايف من المضروب
لكن انى اللى جودتة تكون احسن فى الشركتين لو نفس 75w-90 GL-4
شكرا جدا