مصر موتورز مجتمع السيارات - بعد ما قررت اجيب 128 واحد ميكانيكى قالى انصحك خليك فى 132

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

بعد ما قررت اجيب 128 واحد ميكانيكى قالى انصحك خليك فى 132

[SIZE="6"]السلام عليكم ورحمة الله وبركاته[/si
زملاء المنتدى الكرام ياريت تكونوا بصحة كويسة
بصراحة انا فى حيرة كبيرة ناوى اشترى عربية صغيرة على قدى انا والاولاد مشوارى حوالى من 20 الى 25 كم كل يوم وميزانيتى فى حدود 13 او 14 الف جنيه وبعد ما قررت اجيب 128 واحد ميكانيكى قالى انصحك خليك فى 132 بس انا كنت عايز اعرف الفرق بين 128 و 132 من حيث توافر قطع الغيار واسعارها واستهلاك البنزين وكذلك قوة التحمل للاثنين مع العلم ان مشوارى بسيط جدا وانا من المنوفية يدوب اودى المدام المدرسة والاطفال عند جدتهم واروح انا الشغل حوالى 25 كم تقريبا رايح جاى
بصراحة الميكانيكى قالى شوية كلام قلقنى من 128 وفى نفس الوقت انا بتقبل شكل ال 128 عن 132 وبعدين هو عارض علي 132 موديل 73 1600 سى سى
برضه اهم حاجة عند ان اجيب عر بية ما تفتحش بوقها عليا وكل شوية عند الميكانيكى
ياريت مقارنة بسيطة بين ال 128 و ال 132

رد: لعد اذن الزملاء

لا طبعا
احتياجاتك دى ينطبق عليها الـ 128 اكتر من الـ 132
هاؤلك على حاجة واحدة بس فى الـ 132 هى ان موتورها بحوالى 7 الاف جنية
وفيها كارونا واكسات وعامود كردان يعنى اجزاء متحركة كتير وطبعا بتحتاج صيانة
مصروف البنزين لصالح الـ 28
صيانتها عموما هاتكون اكتر من الـ 28
مش معنى كدة ان العريبة الـ 28 افضل ولكن الـ 132 هتحتاج مجهود اكبر منك وحاجتها غالية
بالتوفيق ....

رد: لعد اذن الزملاء

ال 132 هتريحك عن 128 بمراحل شرط عربيه بيتي سليمه
كفاية عيب ال 128 الشهير فتح الشاسيه ساعتها ترمي العربيه احسن يإما نص امامي
ال 132 مكونات الات جرها كتير بس معمره والحاجه اللي هتعملها فيها هتشيل دماغك منها
كفايه انها 2 كامة موتور عفي 98حصان لو 1600 سي سي متقوولش لأ علي الطريق والسفر
عائليه واسعه
لو سليمه وصاجها تمام اشيك من 128
في كل الحالات ال 132 لا تقارن ب 128 نهائي
بس علشان تجيب واحده نضيفه اقل مبلغ 18000ج
التراس فيات 132

رد: لعد اذن الزملاء

اقتباس:

وميزانيتى فى حدود 13 او 14 الف جنيه

وبعدين احنا مش بنعمل مقارنة بين الـ 132 والـ 128 دى فئة ودى فئة تانى

اقتباس:

مش معنى كدة ان العريبة الـ 28 افضل

احنا بنقول على اختيار يناسب كل ظروفة

رد: لعد اذن الزملاء

اقتباس:

المشاركة الأصلية كتبت بواسطة mr_astra (المشاركة 925233)

وبعدين احنا مش بنعمل مقارنة بين الـ 132 والـ 128 دى فئة ودى فئة تانى

احنا بنقول على اختيار يناسب كل ظروفة

متشكر على ردك
بس انا بقارن علشان فى ميكانيكى عارض عليا 132 موديل 73 وبيقولى مش محتاجة غير حوالى 750 ج مصاريف و طالب 13 الف

رد: لعد اذن الزملاء

اقتباس:

المشاركة الأصلية كتبت بواسطة ahmed_el_22 (المشاركة 925447)

انسى !!!!!!!!!!
مفيش الكلام دة

رد: بعد ما قررت اجيب 128 واحد ميكانيكى قالى انصحك خليك فى 132

الميكانيكى هو اللى غير رايك وهو اللى عارض عليك واحدة ب13 وهتصرف عليها 750 بس !!

انصحك تهرب من الميكانيكى قبل العربيه