|
دخان ابيض
ساعات و انا بقرص على الغيار الاقى دخنه بيضه من الشكمان !! بس و هى وقفه مفيش كمان و انا ماشى لو اقل من 3 rpm مفيش دخنه فهل كده جلد الصبابات هى اللى فيها المشكله و لا المكنه فوتت و بساتم متكله و بتروح و تيجى جوا الشميز ؟؟ ده اول استفسار تانى حاجه هغير ديسك و اسطوانه و السيور بعون الله العربيه اكسنت 1500 لو حبيت اجيب الاصلى بتاعها بيبقى بكام و منين انا من المعادى و عايز حاجه كويسه مش مضروبه |
رد: دخان ابيض
السلام عليكم لو في دخان ابيض الصبح مع اول دواره يبقي جلد صباب لاحظها في دوارة الصبح بس غالبا العربيه محتاجه شنبر والله المستعان |
رد: دخان ابيض
باشا هو الصبح فى الدواره مفيش حاجه حتى و هى سخنه و واقفه مفيش حاجه ! طيب لو قولنا انها محتاجه شنبر يخشله ف كام فلوس و وقت و هل بعد فتره يرجع تانى الحوار ده و هل ده الاحسن و لا اجيب مكنه استيراد ؟؟ من حيث التكلفه كمان |
رد: دخان ابيض
اقتباس:
كل سنه وحضرتك طيب يا مهندس ولاء وانا مع راي المهندس ولاء المشكلة هتبقي مع وش السلندر - احتمال جوان - والشنبر علي حسب ما الميكانيكي يقرر بعد الفك والله العظيم اعلي واعلم |
رد: دخان ابيض
علي حد علمي ... عشان نقرر إن الموضوع طقم شنبر أم لا له أعراض معينة 1- ظهور دخان ابيض كثيف طول ما العربية دايرة سواء بقي ماشية او واقفة .. قارص عليها أو ماشي سلانسيه مثلا 2- نقص دائم يوميا بطريقة ملحوظة في منسوب الزيت .. مع ضياع لزوجته بسرعة 3- و دي أهم نقطة .. وجود زيت محروق علي شمعات الأحتراق (البوجيهات) * * * لأن طبعا طالما الشنبر بايظ هتلاقي هروب زيت من الشنابر حيث يصعد إلي غرفة الأحتراق فيحترق الزيت مع البنزين بشرارة البوجيهات مسببا دخان أبيض يخرج سواء من الشكمان و أيضا فتحة الفايظ في غطاء التاكيهات ... أتمني أن يكون الصورة وضحت تماما ... ما رايك في تجربة لذيذة و غير مكلفة .... أفصل من أن تذهب لصنايعي و تلاقي نفسك دفعت مبالغ طائلة و بدون داعي لو إنت لسة مغير زيت جديد مثلا من فترة قريبة تنزل تشتري زيت (ABRO Oil Treatment) عبوة 443 مل سعرها 15 جنيه و آدي صورة ليها http://www.abroeurope.com/images/OIL-TREATMENT.jpg يتم تسخين السيارة أولا ثم تبطلها يتم إضافة العبوة مع زيت الموتور ثم التدوير مرة أخري و تسخين السيارة و يتم هنا ملاحظة المشكلة هل إختفت الدخان البيض و لا مازال موجود و ضروري جدا متابعة منسوب الزيت يوميا ... هل ثابت أم في حالة نقصان و رجاء متابعة حالة البوجيهات ... هل مهببة فقط (هباب إسود) ... أم مهببة و عليها أثار زيت محروق ؟ آآآآسف للإطالة منتظر التجربة و الرد |
رد: دخان ابيض
ادهم باشا
الزيت مش بينقص كتير و مش يوميا كل شهر مثلا عادى البوجيهات اتغيرت و طلعت معليهاش اثار زيت http://imageshack.us/a/img18/5475/2svw.jpg |
رد: دخان ابيض
السلام عليكم اعمل الأول زي مابيقول لك م/ ادهم وجرب وشوف النتايج ضع عبوة ابرو وان شاء الله خير بس هي دخانه بيضاء ولا لونها مزرق شويه ولا مسود وهل يحدث نقصان في ماء التبريد او سخونه في المحرك لو لونها ابض ويوجد نقصان في ماء التبريد يبقي عندك مشكله في جوان وش السلندر لو لونها مزرق شويه يبقي الأبرو هيحل المشكله لو لونها مسود يبقي عندك مشكله في الكربيراتير او دائرة الأنجكشن والله المستعان |
| الساعة الآن 01:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017