|
استشارة ضرورية بالله عليكو بخصوص ريحة الدم في العربية
السلام عليكم ورحمة الله وبركاته
كل سنة وانتو طيبين بمناسبة عيد الاضحي دلوقتي انتو عارفين الواحد اشتري اللحمة والكرشة والكوارع بقي ماهو عيد حطيت الحاجة في شنطة العربية ولما روحت لقيت طبعا دم نزل في الشنطة المهم نشفت الشنطة وقفلت العربية جيت رايح الصلاة الصبح بفتح العربية لقيت العربية من جوة كلها ريحتها دم والريحة لا تطاق طبعا فتحت كل الشبابيك بس الريحة فضلت موجودة السوال بقي الريحة دي تتشال ازاي بجد عشان الريحة لا تطاق بالله عليكو حد يجاوبني |
رد: استشارة ضرورية بالله عليكو بخصوص ريحة الدم في العربية
السلام عليكم دي مشكلة كل عيد عن نفسي بفرش مشمعات كثيره تحت اللحمه واول ما اوصل اشيلهم واغسل دواسة الشنطه الجلد واذهب الي اي كافيه في مكان مكشوف وافتح الشنطه للتهويه واجلس امامها اشرب كبايتان شاي حاول تذهب لمكان مكشوف فيه هواء متجدد وافتح الشنطه والعربيه ولو في دواسه او فرش ممكن تشيله وتغسله والله المستعان |
رد: استشارة ضرورية بالله عليكو بخصوص ريحة الدم في العربية
اقتباس:
وفي احد الاخوة قالي احط قطعة فحم في الشنطة وقطعة في صالون العربية عشان يمتص الروائح برده هل ده صح ولا خطأ |
رد: استشارة ضرورية بالله عليكو بخصوص ريحة الدم في العربية
ممكن تغسل دواسة الشنطة فى مغسلة وتتركها تجف فى مكان مفتوح او على سطح المنزل إن امكن
والسيارة من الداخل فى اى كار كير محترم مع وضع معطرات قوية والاهم من ذلك لتجنب هذا هو عمل فرش جلد للسبارة بالكامل والشنطة يسر الله امرك إن شاء الله |
رد: استشارة ضرورية بالله عليكو بخصوص ريحة الدم في العربية
اقتباس:
|
رد: استشارة ضرورية بالله عليكو بخصوص ريحة الدم في العربية
السلام عليكم الفحم كويس بس لو الريحه قليله مش ريحة عفن دم والله المستعان |
رد: استشارة ضرورية بالله عليكو بخصوص ريحة الدم في العربية
اولاً لو فيه حاجة لسه فيها بقايا دم لازم تتغسل كويس حتى اكتر من مرة
ثانياً الروائح اللى زى ديه عادة بتقعد كذا يوم لحد ما تروح لوحدها وممكن توصل لاسبوع حسب المكان اللى بتركن فيه وحسب تعرض العربية للشمس والهواء الافضل انك تعرض العربيه للشمس علشان بتعمل على تطهير العربيه والحراره بتخلى الروائح تتطلع وتتبخر اسرع والهواء طبعاً بيغير او بينقل الروائح بره العربيه اخيراً فيه معطرات كتير بتتباع بشكل سائل ممكن ترشها على الفرش يومياً لتخفيف الروائح ديه بس الاهم تتعرض للشمس والهواء كذا يوم وكل سنة وانت طيب عيد سعيد |
| الساعة الآن 12:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017