ميه القربه بقت سوده وفى ريحه شياط
 

يا شباب. من كأم يوم كان عند ريحه شياط خفيف بس قلت أعدى على الميكانيكى فقال لى ان القربة فاضيه وراح مزودها ميه بس لقى الميه لونها اسود
المهم انه غير ميه القربه وقال لى جرب يومين بس لقيت ريحة الشياط رجعت تانى ورحت له فقال لى دا الميه رجعت سوده تانى
المهم واحد صاحبى سحب شوية ميه من القربه وقال ان فيها زيت وان اللون الاسود ده ريحه شياط الزيت
الميكانيكى شيك ع زيت الموتور وقال انه كويس
حد يا سباب عنده راى

رد: ميه القربه بقت سوده وفى ريحه شياط
 

هى الميه نقصت تانى ؟
الزيت بينقص ؟
فى دخان من الشاكمان ؟
فى اى دخان بيطلع من حوض الماتور و العربية دايرة ؟

رد: ميه القربه بقت سوده وفى ريحه شياط
 

شكرا يا اخى
الواقع ولا اى شئ من هذا يحدث
واللى بيخرج من القربة شئ اشبه بالطين الاسود (بعد ما تركت الماء فى جركن فتكون هذا الراسب) وله ملمس الطين وقليل من الشحم ()
كل من راى المنظر بيقول ان الوكيل لم يشيك ع الماء من زمان (السياره موديل 2008)

رد: ميه القربه بقت سوده وفى ريحه شياط
 

طالما مفيش حاجة من ديى بتحصل يبقى ريحة الشياط كانت صدفة و غالبا من حاجة من الشارع لزقت على الشاكمان او ريحة من خارج العربية
غالبا العربية مفيهاش مشاكل
ممكن تغير ميه دورة التبريد بمياه مقطرة و بلاش غسيل للدورة بدل ما جدران السربنتينة تبتدى تتخرم

رد: ميه القربه بقت سوده وفى ريحه شياط
 

شكرا على اهتمامك
يعنى انت لا تؤيد غسيل البستم والرادياتور فى المحطة

رد: ميه القربه بقت سوده وفى ريحه شياط
 

فعلا لا أؤيد تماما غسيل الرادياتير فى المحطة مش حيجيلك من وراه غير انهيار جدران سربنتينة الرادياتير و سربنتينة السخن اللى فى التابلوه لان الرواسب و الصدأ هما اللى ملصمين الجدران فمش من مصلحتك تشيلهم
اقصى حاجة بدون غسيل و العربية باردة تنزل الميه و تحط ميه مقطرة بلاش ميه حنفية

بس تقصد ايه بغسيل البستم ؟

رد: ميه القربه بقت سوده وفى ريحه شياط
 

اولا شكرا ع الرد و الاهتمام
غسل البستم يعني ضخ تيار ميه ف مكان بدايه دوره التبريد ف الموتور
لتسليك انابيب الميه التى تعمل على تبريد الموتور و هى الان يبقى بها
بعض الرواسب. ()