حد يعرف يظبط air flow meter
 

عربيتى جولف 3 وفيها موتور 2000 سى سى وفيها اير فلو ميتر حد يعرف مركز محترم يعرف يظبطه بالجهاز
ودى صورة الحساس

رد: حد يعرف يظبط air flow meter
 

لو المشكلة عندك ان العربية بتبرجس فى المشى عند دوسة بنزين محددة او اكتر يبقى انا حاسس ان العلاج حيبقى زيى الفيديو التوضيحى دا
http://www.youtube.com/watch?v=-11J8XawQtc
و بيتكلم عن ان نتيجة الزمن بتبتدى المقاومة المتغيرة تتمسح فى امكان على القوس فكل اللى عمله انه حاول يغير تراك نقطة التلامس بين الريشة و القوس
قال ان فيه طريقتين
1 - انه ينزل الرأس اللى راكب عليها الريشة لتحت اكتر على العامود و ده حيجبر الريشة انها تاخد تراك فوق التراك القديم و فعليا هو مقدرش ينزل الرأس لانها جايبا اخرها لتحت
2- و ديى الطريقة اللى نجحت معاه انه رفع الرأس لفوق على الاكس ...... طبعا كدا الريشة معدتش لامسة القوس راح تانى الريشة لتحت و لجوه همسة ......... بكدا تراك نقطة التلامس بقى تحت التراك القديم ...... و حقق ان تراك نقطة التلامس كأنه جديد زيرو و ضيع كل مشاكل البرجسة

قبل ما يعمل كدا نضف بكحول قوس التراك و ريشة التلامس و نضف كل الترامل و نقط تلامسها

رد: حد يعرف يظبط air flow meter
 

مانيوال الصيانة بتاع الفولكس عندى بس المشكلة انه 5000 صفحة !! و مش عارف ارفعه هنا بسبب الحجم

فحد يقولى طريقة مختصرة و ارفعهولكم


بخصوص الاير ماس فلو سينسور بتاعك فده نوع قديم جدا بيعتمد على وجود مقاومة متغيرة لتحديد حساسية الأستجابه عشان اشرحلك دية هحكيلك حدوته صغيرة


دواسة البنزين لما بتدوس العريبة بتاخد امر اوتوماتك للطرمبة انها تغذى الرشاشات بنسبة معينة مظبوط عليها الكمبيوتر

مثلا 1 ملى مكعب بنزين فى مقابل 10 ملى مكعب هواء

حلو كده العربية بتمشى عادى طيب عشان تجرى تعمل ايه فقررو يخترعو حاجه اسمها الاير ماس و الاير ماس ده عبارة عن جزئين جزء بيحسب حرارة الهواء اللى داخل و جزء تانى بيحسب حرارة الهواء اللى خارج منه

الفرق فى درجات الحرارة معناه بالنسباله ان فيه زيادة بمقدار معين فى تدفق الهواء

لما يزيد المقدار ده يقوم كمبيوتر العربية مزود كمية البنزين للدوسه عشان يحافظ على النسبة 1:10 اللى هيا مثال و مش رقم ثابت و بكده العربية تجرى اسرع

لما نيجى بقى للجزء اللى بيقيس الهواء وهو خارج و فى مسافة مفيش 10 سم اللى هيا طول الحساس اساسا

فبيحصل ايه بيكون فى مقاومة صغيرة و مقاومة كبيرة المقاومة الكبيرة بتعمل ايه بتقيس القيم الكبيرة لتدفق الهواء وده مهم فى حالة التربو و الشحن العالى للهواء عموما يعنى و دية بتدى الارقام الصحيحة و بعدين مقاومة صغيرة بتقيس القيم القليلة و حساسيتها بتكون اكبر فتطلع القيم الكسرية مظبوطه

مجموع الاتنين يفهم الكمبيوتر ايه القيمة بالظبط

طيب المقاومه المتغيرة هنا بتلعب دور و هيا انها لما تلف فى اتجاه فده معناه ان الاتجاه اللى بعدت عنه مشواره كبر و قيمة مقاومته كبر و الاتجاه اللى قربت منه صغر و مقاومته قلت و حساسيته كبرت

طيب نعير دية ازاى ببساطة تدور على النت او فى كتالوج عربيتك او لحد اما اشوفلك الكتالوج بتاعك او برنامج الصيانة و تعرف قيم المقاومة دية لازم تتوزع كام كام و تظبطها بأفو ميتر حسب ما يقولك الدليل

عيد سعيد

رد: حد يعرف يظبط air flow meter
 

شكرا على المعلومات القيمه دى يااستاذ ramy بس محتاج منك حل مشكله عندى انا اشتريت عربيه اوبل فيكترا 1995 اوتوماتيك ولقيت مشكله عندى فى الا اير ماس اشتريت واحد من بورسعيد واشتغل شويه حلوين ودلوقتى رجعت المشكله تانى العربيه حريقه فى البنزين ودخانه هباب ومش مظبوطه على الطريق مفيش سحب وبتقطع ياترى الحساس عطل ولا فى حاجه ممكن تاثر عليه وتعطله حتى ارجو منك حل مشكلتى لانى انا اتبهدلت وجزاك الله خيرا:fun_36_1_47[1]:

رد: حد يعرف يظبط air flow meter
 

رد: حد يعرف يظبط air flow meter
 

الفيشة عنك كام رجل و من فضلك قيسلى خرج الفيشة اللى موصل الباور على الحساس و قيسلى بين خرج الحساس و الارضى بتاع الفيشة نفسها والكونتاكت مفتوح بدون ما تدور الموتور

ممكن يكون فى حاجه فى الريجلايتور بتاع السيركت بيطير الحساسات بكهربة عالية وممكن يكون العكس ان الحساس اللى انت جبته كان بيودع

رد: حد يعرف يظبط air flow meter