مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   دخان أسود عامل زى الهباب (https://www.masrmotors.com/vb/showthread.php?t=119688)

ahmedraafat00 14-10-2013 03:22 PM
دخان أسود عامل زى الهباب
 
السلام عليكم
كل سنه وانتوا طيبين
وعيد سعيد علينا جميعا


انا يا جماعه العربيه عندى لما بتكون مركونه كذا يوم مطلعتش واجى ادورها فى اول 5 دقايق لما بدوس بنزين بيبقى الدوسه متقطعه كده الاستجابه مش سريعه بالاضافه ان بيطلع دخان اسود جدا عامل زى الهباب من الشكمان
بس بعد شويه لما العربيه تسخن الدخان ده مش بيظهر مهما ادوس بالاضافه ان دوسه البنزين بتقى تمام مش متقطعه
ياترى العيب ده ممكن يكون ايه ؟
وهل العيب ده ممكن يكون ليه علاقه بأستهلاك البنزين الجنونى اللى عندى انا عربيتى الجيب شيروكى 93 الصفيحتين بيعملوا 110 كيلو بس !!!!!

svneleven 15-10-2013 01:49 PM
رد: دخان أسود عامل زى الهباب
 
معقول صفيحتين يعملو 110 كم بس؟ أنا عمري ما شوفت الرقم ده قبل كده.

ahmedraafat00 16-10-2013 01:07 AM
رد: دخان أسود عامل زى الهباب
 
اقتباس:
المشاركة الأصلية كتبت بواسطة svneleven (المشاركة 922370)
معقول صفيحتين يعملو 110 كم بس؟ أنا عمري ما شوفت الرقم ده قبل كده.
اه والله ده انا هتجن

aldesha989 16-10-2013 01:33 AM
رد: دخان أسود عامل زى الهباب
 
اعمل طقم اصلاح للكربراتير لان الرقم ده صعب جدآ وغير البوجيهات وفلاتر بنزين وهواء

mr_astra 20-10-2013 11:44 AM
رد: دخان أسود عامل زى الهباب
 
العربية انجكشن ولا كربراتير؟

ahmedraafat00 23-10-2013 01:03 PM
رد: دخان أسود عامل زى الهباب
 
شكرا يا جماعه عالردود
العربيه انجكشن مش كرباتير
والمشكله النهارده الصبح روحت أسخنها شويه دورتها وسيبتها وروحت اشترى شويه حاجات ورجعت بعد حوالى 20 الى 30 دقيقه وبدوس بنزين لقيت الدوسه متقطعه كده والاستجابه مش حلوه ودخان اسود كتير طالع من الشكمان !!!!!!!! الطبيعى ان ده كان بيحصل بس بعد ما العربيه تسخن لمده 5 دقايق بتتظبط انما النهارده بالرغم انها سخنت حوالى 20 دقيقه لكن لقيت المشكله دى !!!!!!!!!
تفتكروا كده البوجيهات بايظه ؟
طبعتا انا لما اروح للميكانيكى هخليه يشيك على دورة البنزين عشان مشكلة الاستهلاك الجنونى انما الدخان ده والبنزين المتقطع ده عيب بوجيهات ؟

ahmedraafat00 28-10-2013 01:39 PM
رد: دخان أسود عامل زى الهباب
 
ألحقونى يا جماعه
العربيه دلوقتى لما بدورها بيفضل البنزين متقطع على طول وومش بتتظبط خالص وبتطلع دخان كتير هيا دايره من غير ما ادوس بنزين ولما اقرص جامد يطلع دخان اسود وكتير بببقى دايس بنزين للاخر ومفيش اى استجابه ولا بنزين واصل اصلا !!!!!! وبعدين لقيت دخان طالع من الكبوت فتحت الكبوت لقيت دخان طالع من المكان اللى بحط فيه زيت موتور مع العلم انى قيست الزيت لقيته كويس مش ناقص ولقيت دخان طالع من ناحية المروحه
انا هكلم الميكانيكى النهارده بس مبدأيا تفتكروا اكيد دي مشكله بوجيهات ولا ممكن يكون الوضع تطور ؟!


الساعة الآن 01:08 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017