مصر موتورز مجتمع السيارات - الأسبراتير الأكتروني

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - الأسبراتير الأكتروني (https://www.masrmotors.com/vb/showthread.php?t=119571)

amgad saeed

11-10-2013 05:35 PM

الأسبراتير الأكتروني

اكبر مشكلة بعاني منها هي كهربة العربية الأبلاتين و الكوندنسر لازم اغيرهم كل شهرين . وده طبعاً غير ان ممكن العربية تتعطل في اي مكان علشان الأبلاتين لادع . فهل ممكن تغيير كل الأسبراتير العادي إلي إسبراتير الكتروني زي الموجود في الشاهين مثلاً . علماً بان العربية لادا2107 مودل 2004 . برجاء من خبراء اللادا الرد علينا في هذا الموضوع . جزاكم الله خيراً و كل عام وانتم بخير بمناسبة عيد الأضحي المبارك

ahmscu

12-10-2013 01:12 AM

رد: الأسبراتير الأكتروني

ينفع طبعا ياباشا وتركيبه فى ربع ساعه بالضبط وهتنسى معاه كهربة العربيه خااالص والعربيه هتبقى تحفه ان شاء الله ،الاسبراتير والمشط ب 400 بتركيبهم،يفضل انك تجيب موبينه الكترونى ب85 جنيه وبوجيهات 3 شمعه يابانى من التوكيل وهتحس بعربيه تانيه خالص

amgad saeed

12-10-2013 06:52 PM

رد: الأسبراتير الأكتروني

الأسبراتير الألكتروني و كل مشتملاته اشتريها من عند مين انا هنا في الفيوم وكل الصنايعية و بياعيين قطع الغيار اكدوا انه ماينفعش ابدا مستحيل . ياريت تقولي اشتري الأسبراتير ده و كل مشتملاتة من فين و اركبهم عند مين بس يكون حد بيفهم . و شكراً

hassanin_lada

13-10-2013 06:48 AM

رد: الأسبراتير الأكتروني

بص ياباشا انا كان عندي نفس مشكلتك دي وكل شوية قرف وحاجه مايعل بيها الا ربنا بسبب ان رجلي تقيله علي البنزين وبحب اقرص والار بي ام بيعلي

لحد ما واحد ابن ناس دلني علي ميكانيكي متخصص تكهات ظبطهالي ومن ساعتها الحمدلله العربية اسد والسحب ممتاز بقالها حوالي 9 شهور وقرص بقي وشغل وربنا يعينها

نصيحة مني شوف واحد متخصص (التكهات زي الحلاق اي حلاق هيحلقلك بس مش اي واحد يطلعك عريس)

انا شغال بالموبينه العادية وابلتين وكوندونسر وسحب ممتاز وبشد بالعربية مع افيو ولانوس وبي ام قديمة وبيجو طيارة وحاجات تانية كتير والعربية رافع راسي دايما وال 130 وال 140 بيجو هوا

mr_astra

13-10-2013 10:18 AM

رد: الأسبراتير الأكتروني

موجودين استيراد فى القاهرة - عزبة شلبى
او ممكن تلاقيهم جداد عند حمدى لادا - شارع دمشق- مصر الجديدة

amgad saeed

13-10-2013 03:13 PM

رد: الأسبراتير الأكتروني

شكراً جزيلاً - ان شاء الله اسأل عند حمدي لادا - بارك الله فيكم

amrodardiry

05-12-2013 02:36 PM

رد: الأسبراتير الأكتروني

حرام عليك تركب الكتروني لانه سعرة غالي ولازم يكون معاك مشط احتياطي لو باظ اللي راكب لانه ممكن يبوظ في غسيل الموتور ولازم يركبله حساس علي عمود الاكيهات علشان يشتغل صح من الاخر اظبط الكهرباء كويس وايها بنزين 92 بين فترة والتانيه

الساعة الآن 04:42 PM.

صفحة 1 من 2

عرض 7 مشاركات من هذا الموضوع لكل صفحة