|
أرجو الرد للاهمية ..... معروض عليا ميجان 2006 هاى لاين؟!
السلام عليكم و رحمة الله و بركاته....
أنا عضو جديد فى المنتدى بس انا متابع جيد للمنتدى! الموضوع يا جماعة انا بقالى فترة بدور على عربية و المهم انا معروض عليا عربية ميجان 2006 هاى لاين طبعا كاملة و حالتها ممتازة ... بس بصراحة انا متردد جدا بسبب الاراء المتناقضة حول هذه السيارة... انا عايز رأيكم : قطع الغيار ؟ متوفرة و ايه الاسعار؟ الصيانة و التوكيل؟ الاعتمادية و الامان؟ سعر السيارة بالامكانيات دى؟ هو بيتكلم فى 79 الف ((كتير مش كدة)) .... ياريت حد يدينى رأيوه. أفادكم الله و جزاكم كل خير عن المشورة و المساعدة. شكرا جزيلا والسلام عليكم. |
رد: أرجو الرد للاهمية ..... معروض عليا ميجان 2006 هاى لاين؟!
مستوى امان عالى
مصاريف تشغيل عالية لان الصيانة و قطع الغيار غالية لو حتجبها يفضل تتابع مع التوكيل و غالى للاسف كان فى موديل مش فاكر 2005 و لا 2006 كان قارف الناس بسبب كترة التعقيدات و اجبار السيارة صاحبها على الذهاب للتوكيل لعمل الصيانة الدورية عن طريق تعطيل الانظمة تباعا !!!! و دورية تغيير مكونات غالية على مسافات متواضعة زيى الكويلات كنت قريت زمان انها بتتغير دوريا على مسافات متواضعة مقارنة بباقى العربيات لازم تستنى اراء اكثر و سيرش اكتر عن العربية و مشاكلها و لو نويت لازم لازم فحص شامل فى التوكيل |
رد: أرجو الرد للاهمية ..... معروض عليا ميجان 2006 هاى لاين؟!
للاسف ومع كامل احترامى لمالكيها....لكن مصاريف التشغيل مش فى متناول الجميع
ومهما فتح ناس بتصلحها فى صقر قريش او غيرة هاتفضل حاجتها غالية العربية دى انا امتلكتها وكانت موديل اقل بسنتين ......عربية ممتازة وثابتة اوى لكن مع التكييف مكنتش حلوة واللى تعبنى منها ان حاجتها كانت غالية على ......فعلا مبالغ فى حاجتها اوى وبعتها خلال 3 شهور بس دة مش مقياس انها وحشة ولكنة عادة فى انا |
رد: أرجو الرد للاهمية ..... معروض عليا ميجان 2006 هاى لاين؟!
ابعد عن موديل 2005 وموديل 2006 لآن دول أكتر عربيات كان فيها مشاكل أنا كان خالى شارى العربية دى 2005 فبريكة برا وجوا على 55000 أعلى فئة وباعها بعد 3 شهور واشترى اوبل استرا وربنا يوفقك للصالح أخوك حسن شرف 01112535152 |
رد: أرجو الرد للاهمية ..... معروض عليا ميجان 2006 هاى لاين؟!
شكرا استاذ / احمد على/ mr_astra / حسن اشرف على الاهتمام و الرد السريع...
طب بالنسبة لاسعر 79 الف !!!؟؟ كتير من الاخر العبية دى شكلها عايزة فلوس و مشاوير كتير طب مع انعجبانى جدا!!! ممكن اطلب مقارنة بسيطة بين ال3 عربيات دول , بصراحة انا زرت معارض كتير و دول اكتر3 عربيات مناسبين ليا: ((الانترا / لانسر / مازدا 3 موديل)) 2006-2007 اتوماتيك و ارجو المساعدة لااسف انا معنديش خبرة جيدة فى العربيات و دى اول سيارة هشتريها و عايز اجيب حاجة من الاخر مريحة و امان و رفاهية طبعا مفيش مانع.... قطع الغيار ؟ متوفرة و ايه الاسعار؟ الصيانة خارج و داخل التوكيل؟ الاعتمادية و الامان؟ سعر السيارة بالامكانيات دى؟ .... ياريت كمان لو حد يعرف معالاض عندها العربيات دول علشان اروح اشوف ... جزاكم الله خير |
رد: أرجو الرد للاهمية ..... معروض عليا ميجان 2006 هاى لاين؟!
بالترتيب
لانسر بومة 1600 ....... جودة عالية يبانى قطع غيار رخيصة متوفرة صيانة فى اى مكان النترا ............. واسعة تكنولوجى محرك متطور cvvt اخر حاجة المازدا معرفهاش أوى بس كقطع غيار و صيانة مش فى صالحها بالمقارنة بالاتنين اللى فوق |
رد: أرجو الرد للاهمية ..... معروض عليا ميجان 2006 هاى لاين؟!
اللانسر طبعا تكسب ... المازدا شبابية اكتر و مش واسعة بالاضافة لموضوع قطع الغيار لكن الناس بتتحاكى بتسارعها و ثباتها و نعومتها .... الالانترا طبعا عربية معروفة ...
بس انا رايي بقى بما انها اول عربية ليك انا رايي ما تجيبش حاجة غالية قوي ... انا من سنة بالضبط كنت لسه متعلم السواقة و كنت عايز اجيب حاجة زيرو او حاجة عالية بس خالي نصحني اني اجيب 128 اتودك فيها مش من ناحية السواقة و بس لا كمان من الناحية الاهتمام بالعربية و الخبرة .. المهم رسيت على اني جبت لانوس مستعمل جرحتها و كسرتلها رفرف و لحمته و اتعلمت فيها ازاي اهنم بالعربية و زودت البطارية بمية حنفية و ملحت و البوية بتاعة الحوض اتاكلت بس لحقتها يعني اتعلمت فيها سواء في السواقة او اساسيات الميانيكا و غيره و لو جيت ابيعها هبيعها بنفس السعر او اخسر الف جنيه بالكتير ... ناوي اكمل بيها سنتين تاني اكون اتودكت في كل حاجة خاصة بالعربيات و بعدين ابيعها و اجيب حاجة تاني ... ارشحلك تجيب لانوس عربية ناعمة و محترمة و تستحمل و ان كنت مصر هات لانسر .. هي عبارة عن لانوس بس فئة اعلى |
| الساعة الآن 05:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017