ال128 والكابلن ومشاكلها ......................
 

السلام عليكم ورحمه الله
انا معايا عربية 128 زاستافا موديل 0 8المهم ولما جيت اغير الكوبلن العربيه كل شويه الكوبلن بيهرب منها وتسمع صوت رهيب اكن الماتور بتشال من مكانه قولت الكوبلن هو اللى بايظ روحت للميكانيكى قالى حكايه الورده دى نركب ورده فعلا عمل كده وبرده لاقيتها بتعمل كده راح ربط قاعده الماتور والفتيس العربيه بقيت تمام مشيت معايا بتاع شهر وبعدين رجعت تانى نفس المشكله روحت تانى قالى نركب ورده فى الكوبلن التانى فعلا العربيه بقيت كويسه بس قالى ان الشاسيه مفتوح من تحت وقالى امشى بيها كده عادى والفتيس بقى تقيل جدا وانا مش عارف اعمل ايه ومعرفش سمكرى كويس الطلب اللى انا عاوزها بقى من اعضاء المنتدى الكرام
اعمل ايه دلوقتى ولو روحت لسمكرى لازم اغير العفشه كلها ولا اجيب اكس يكون طويل شويه للكوبلن واخلص
طيب لو حد يعرف مركز صيانه كويس يعمل كل حاجه فى العربيه ويكون محترم ورايق وسعره كويس
انا من شبرا ياريت يكون المركز قريب
ابيع العربيه ولا اعمل ايه انا اتخنقت ياجماعه لانى بحس العربيه مفبقتش قوية زى الاول وعلى اصرف واخش فى المتاهه بتاعت السيات لانها كانت معايا جبتها ب3.5 وصرفت عليها 11 الاف جنيه لحد لما اتخنقت منها وبعتها مش عاوز اكرر نفس الماساه تانى وربنا يكرم الجميع

رد: ال128 والكابلن ومشاكلها ......................
 

الوردة التانية اللى ركبتها اتخن من اللازم
فكها وركب وردة اقل فى السمك شوية
عشان كدة غلط لان الاكس مش بيلف بسلاسة وهتلاقية مفهوش بوش خالص ودة غلط
هاتحس ان الفتيس بقى حركتة صعبة وعامل تزميتة فى العربية كلها

طبعا الحل العملى والانسب انك تظبط شاسية العربية عند السمكرى
خد رقم تليفون واحد اعرفة بس فى الحرفيين واحكيلة على المشكلة وشوف هاتعمل اية
بدون اى مسؤلية علية يعنى منك لية على طول وانا مش طرف

سيد السمكرى
01149732111

رد: ال128 والكابلن ومشاكلها ......................
 

انا كان عندي الشاسيه مفتوح ولفيت لفة محترمة وكل سمكري يلحم لحامين ويعمل زرجينة ويقولي خلاص ويرجع الموضوع تاني
لغاية ما واحد قالي الماتور لازم ينزل ونظبط الشاسيه علي المقاسات الصح ونعمل تقويات ومن ساعتها الحمد لله العربية تمام بس انا من الجيزة والسمكري من عندنا والموضوع دخل حوالي 700 ج
ومسالة البيع لو معاك تكمل وتجيب حاجة تريحك يبقي احسن طبعا

رد: ال128 والكابلن ومشاكلها ......................
 

رد: ال128 والكابلن ومشاكلها ......................
 

شكرا ليكم ياجماعه الاستاذ ناصر رزق ممكن تقولى التكلفه الاجماليه كام بالظبط علشان ابدا اجهز حالى وربنا يسهل وشكرا على الاهتمام

رد: ال128 والكابلن ومشاكلها ......................
 

التكلفة كالاتي
350 سمكري بعد فصال جامد
120 ميكانيكي لرفع الماتور وتركيبه
60 كهربائي لرفع الضفيرة
ممكن بفي تبص علي القواعد كلها
وكمان لو المساعدين خفاف غيرهم (استيراد 170 ج الجوز )
وربنا يعينك بس اهم حاجة تشوف سمكري كويس

رد: ال128 والكابلن ومشاكلها ......................
 

هتعمل الخطوات التالية

1- تدور على سمكرى فاتح جمبيه ميكانيكى

2- تخلى الميكانيكى يحل قواعد الموتور و الفتيس و يرفع الموتور بزاوية ميل هيبقا كده / برافعة غزال

3-هيروح السمكرى بقى بالمتر واخد القياسات بتاعة الشاسيه و يستحسن ياخد القياسات قبل ما الميكانكى يفك

4-بزرجينه بدون ما يسخن هو هيطلع عينه بس هيلمها على البارد ان شاء الله و يقفل الشاسيه مظبوط

5-هتروح على السبتية هتجيب ورد للكوبلن بالظبط على مقاس و سمك الورد الاصلى اشمعنى هناك لأن السبتيه فيها كل حاجات المعادن و هتلاقى فيها العجب

6-تطلع على التوفيقية و تجيب طقم شدادات شاسيه فوق و تحت

الميكانيكى هياخدله 50 ج - السمكرى لو هيشتغل بدون تسخين هياخدله 250 - الشدادات فى حدود 200 - الورد ب 5 ج و كده موضوعك يخلص بدون ما تطلع الموتور و تفك الضفيرة