|
محدش سمع عن افيو شكل جديد نازلة قريب ؟؟!!
السلام عليكم كنت ناوي اجيب افيو 2014 نزلت عند الموزعين بتوع شيفرولية بس طبعا هي هي 2013 نفس الشكل والاوبشن وكل شيء فرق بس سنة الانتاج في الاوراق .. المهم ما علينا في حد معرفة ومصدر ثقة في معرض موزع معتمد لشيفرولية قاللي انة في شكل جديد للافيو هينزل شبة السونيك اللي اختفت فجأة بدون مقدمات واللي هي اصلا افيو الجديدة بتاعة 2013 بس طبعا الكلام دة للبشر اللي عايشة برة مش للغلابة اللي في مصر المهم انة قاللي انها كانت المفروض تنزل مع شهر 9 يعني اليومين دول واتأجلت لشهر 10 نظرا لظروف البلد الحالية .. طبعا اتصلت بالوكيل على رقمهم وطبعا كالعادة عايشين في مية البطيخ وكأني بسأل عن اختراع الدبابة لانهم اصلا مش عارفين انة 2014 الشكل الحالي نزلت اصلا المعارض بتاعت موزعينهم يبقى هيعرفوا 2014 شكل جديد :fun_10_1_124[1]: فهل حد عندة فكرة عن الموضوع دة بدل ما اشتري الشكل الحالي وارجع اندم لو نزل شكل جديد ولا استنى وفي الاخر يطلع مفيش حاجة .. ياريت لو حد عندة معلومة يفيدنا تحياتي للجميع |
رد: محدش سمع عن افيو شكل جديد نازلة قريب ؟؟!!
للاسف معنديش اى خبر بالمعلومة دى ولو حضرتك متاكد فى شكل جديد نازل استنى والف مبروك مقدما
|
رد: محدش سمع عن افيو شكل جديد نازلة قريب ؟؟!!
انا فعلا كنت في معرض الابيض ساعة ماكنت بحجز الافيو الاسبوع الي فات
وسالته عن موديل 2014 وقالي ان الشكل الجديد الي هو بتاع السونيك وهتبقي اغلي بس محددش السعر كام |
رد: محدش سمع عن افيو شكل جديد نازلة قريب ؟؟!!
ابعد ن الافيو الشل اللي احنا نعرفه ده ديه عربيه من افشل العربيات في مصر وسيه للغايه وتويل زباله وعداد ram بيعلي جامد والناس بتشتكي من اوي بس انت حر انا انذرتك
|
رد: محدش سمع عن افيو شكل جديد نازلة قريب ؟؟!!
اقتباس:
والله ربنا يسهل ونعرف لانة مفيش حاجة اكيدة في البلد دي مشكور على مرورك الكريم |
رد: محدش سمع عن افيو شكل جديد نازلة قريب ؟؟!!
اقتباس:
هو اللي سمعتة انها هتكون اغلي بحوالي اربع او خمس الاف بس مش دة المهم .. المهم فية ولا مفيش .. ان شاء الله حد يفيدنا في الموضوع دة تحياتي ومشكور على مرورك الكريم |
رد: محدش سمع عن افيو شكل جديد نازلة قريب ؟؟!!
اقتباس:
والله ياباشا انا عارف انها مش كويسة بالشكل اللي هو بس لو بصينا للشريحة اللي هي اقل من 100 الف في السوق دلوقتي ودة اللي اقدر علية حاليا للاسف هنلاقي انها فعلا احسن الوحشين من ناحية الاسم وقطع الغيار واعادة البيع والشكل وخلافة خصوصا بعد خروج عربيات كتيرة من الشريحة السعرية دي بعد غلاء الاسعار الرهيب اللي حصل زي جين تو مثلا وكمان اللي شجعني اني ان شاء الله مش ناوي اخليها تطول معايا يعني سنة او اتنين بالكتير وان شاء الله نجيب حاجة افضل واعلى وعلى مشكلة الار بي ام دي كانت موجودة في المانيوال بس لكن انا ان شاء الله ناوي اجيب اوتوماتيك وفي الاوتوماتيك محدش جاب سيرة العيب دة خالص خالص وسألت كذا واحد قالولي كويسة هي بس عيوبها زي ماهو معروف ضعف التكييف وعدم الثبات على السرعات العالية وعلشان كدة بسأل عن الشكل الجديد لانة رما يكون حصل تعديل في التكييف او الجنوط او مستوى الثبات مش مجرد شكل وبس والله المستعان مشكور على النصيحة ومشكور على مرورك الكريم |
| الساعة الآن 08:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017