|
عمرة موتور ال128
السلام عليكم، كل عام و انتم بخير و بصحة و سعادة، سلامي لاخواني في كل منتديات السيارات مصر موتورز و نايل موتورز و غيرهم، يارب تكونوا بخير و بصحة و سعادة، انا بعتذر عن غيابي الفترة الاخيرة، اولا بسم الله الرحمن الرحيم، نبتدي الموضوع، دا اولا موضوع تفاعلي يعني انا بطالب من كل خبراء السيارات للمشاركة في الموضوع دا، انا هتكلم عن "عمرة موتور الفيات 128" انا محتاج توضحيات و اجابات صحيحة عشان انا هشد في شعري، اولا انا عايز اعرف امتى بالظبط الموتور يحتاج عمرة يعني لو واحد بيحافظ على الموتور المفروض بعد كام الف كيلو اعمل عمرة ؟ ثانيا ليه الناس بتخاف من العمرة و بتفضل تشتري استيراد ؟ ثالثا هل هناك ميكانيكي متخصص لعمل العمرة ولا اي كفتجي و خلاص ؟ رابعا نفترض ان العمرة تمت بنجاح و فترة التليين تمت بنجاح، الموتور هيعيش كام الف كيلو بعد العمرة ؟ خامسا هل ممكن اعمل عمرة مرتين لنفس الموتور ؟ ياريت اهل الخبرة يفيدوني و ياريت الناس اللي عندهم سابق خبرة في مجال العمرة يشاركوني الآراء عشان انا هتجنن مش عارف الصح من الغلط، و شكرا.
|
رد: عمرة موتور ال128
فين خبراء المنتدى، الموضوع معمول من اسبوعين و عايزين نجمع معلومات على قد ما نقدر عشان في اخ عزيز عليا عنده زاستافا ماتورها بيفوت فا عايزين نعملها عمرة، انا مستني ردود الناس
|
رد: عمرة موتور ال128
المتور اخره 3عمرات ده واحد اثنين مش محدد بكام الف انت ونسيبك حتي لو محافظ عليه جدا ده عمره الافتراضي وبتعرف لما العربيه تلقيها بدخن من الشكمان جامد ثلاثه والعمر النانيه ذي ما قولتك عمر افتراضي مش اتر والسلام عليكم ورحمت الله وبركاته
|
رد: عمرة موتور ال128
اقتباس:
و لكن بالمحافظة علي الموتور بصفة مستمرة و صياناته الدورية اقتباس:
و لكن يوجد الكثير من الصنايعية بتعمل عمرة مضبوطة 100% و بدون حدوث اي خلل و لا مشاكل مستقبلية أحيانا اللجوء لشراء موتور إستيراد يحدث خلل أو الموتور بيرزع بعد فترة لأن الموتور الأستيراد عامل زي البطيخة لا يعلم بها إلا الله وحده و أنت و حظك ممكن يطلع الموتور حلو و ممكن يطلع وحش و فيه مشاكل تظهر بعد فترة من الشراء اقتباس:
و في ناس كفتجية في كل حاجة اقتباس:
ممكن 100000 كيلو و ممكن لحد 500000 و ممكن أكتر دي حاجة بتاعت ربنا اقتباس:
في ناس بتقول 3 مرات فقط و لكن المقصود هنا هو خرط البلوك 3 مرات و لكن إذا وجد بعض الأجزاء لا تصلح .. أكيد ممكن تجيبها إستيراد أهم حاجة تكون عارف ميكانيكي فاااااااااااهم كويس و خرااااط فاهم كويس |
رد: عمرة موتور ال128
تسلملي على الرد الوافي دا يا ادهم باشا، طب عندك فكرة فين الميكانيكي و الخراط اللي عنده امانة و ضمير في القاهرة ؟
|
رد: عمرة موتور ال128
اقتباس:
و الله لا أعرف حد معين يكون في القاهرة و دة بيرجع لمجهودك و بحثك عن الصنايعي الكويس لكن علي سبيل المثال : الأسطي حمدي مخترع المانيوال بدون دبرياج لا أقصد إني أعمل دعاية لشخص بعينه لكن هذا الرجل عنده خبره لا يستهان بها و ممكن يقوم بدور الخراط كمان و بدون ما تكون التكلفة عليك كبيرة دة الأكونت بتاعه http://www.masrmotors.com/vb/member.php?u=125994 و دي بعض مواضيعه الهامة يا ريت تقراها الأول قبل أي شيء و قوللي رأيك فيه ممكن يبقي فاهم و لا لاء http://www.masrmotors.com/vb/showthread.php?t=100345 و يا ريت تشوف اللينك دة ضرووووووري جدا برده http://www.masrmotors.com/vb/showthread.php?t=111602 تمانياتي لك بالتوفييييييييييييق :Wkiss5: :Wkiss5: :Wkiss5: :Wkiss5: :Wkiss5: |
| الساعة الآن 02:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017