|
استفسار عن سوائل العربية
السلام عليكم ورحمة الله
كل سنة وانتم طيبين يا شباب ... شكرا ليكم علي مجهودكم العظيم في المنتدي الكريم معلش انا خبرتي ضعيفة شوية في الميكانيكا فاستحملوني شوية :33: ليا استفسار كده بسرعة انهاردة لاحظت ان الماية الخضراء بتاعت العربية تقريبا علي مستوي ال MIN ويمكن تكون قربت تقل عنه كمان في اعتقادي ان المفروض تكون في المنتصف بين ال min & max هي العربية عاملة بس بتاع 240 كيلو ولسة مرحتش صيانة الالف ايه الصح المفروض اعمله هل اشتريلها ماية خضراء (صححولي المعلومة هي ال byd f3 مانوال خضراء ولا ايه ؟) ؟ وهل ده هياثر علي حاجة لما اروح اعمل الصيانة في التوكيل ولا لا ؟ اللي انا عارفه ان العربية الصيانة الاولي بتعاعتها بعد الف كيلو بس انا مش بتحرك بيها كتير هل في مدة معينة لازم اروح فيها التوكيل اعمل صيانة ولا استني لما الالف كيلو يعدوا وابقي اروح ؟ ودي صورة الماية الخضراء في العربية http://s7.postimg.org/8kwf23wcb/DSC_0369.jpg سؤال تاني انا عايز اعرف كل القرب اللي في العربية اللي فيها سوائل وازاي اشيك عليها ودي صورتهم http://s10.postimg.org/aceyc7grd/DSC_0370.jpg http://s17.postimg.org/92hgi02in/DSC_0371.jpg شكرا جزيلا مقدما |
رد: استفسار عن سوائل العربية
السلام عليكم هي الماء المفروض لا تزيد عن الmax ولا تقل عن الmin لاحظ المستوي وسخونة العربيخ لو قلت ممكن تزودها بماء من موبيل لكن الأهم معرفة سبب النقص واين التسريب والأفضل انه لو قل مستوى الماء اذهب للتوكيل حتى قبل 1000 كيلو لمعرفة السبب ومكان التسريب في الصوره التانيه زيت الفرامل وبيكون زيت باكم سواء دوت3 او دوت4 والله المستعان |
رد: استفسار عن سوائل العربية
اقتباس:
|
رد: استفسار عن سوائل العربية
انهاردة ببص علي القربة لقيت الماية نزلت تحت ال min وده من غير ما العربية تتحرك
هل ده معناه ايه ان القربة نفسها اللي بتسرب لان لحد علمي ان دورة المياة مش بتبدا غير لما الموتور يدور ولا ممكن يكون حاجة تانية بتسرب انا ان شاء الله هوديها التوكيل بس لما الاجازة تخلص كل سنة وانتم طيبين |
رد: استفسار عن سوائل العربية
مظبوط ممكن يكون من القربة نفسه او من الخرطوم ولو الفاقد قليل وغطاء القربة مش محكم وارد يكون بسبب البخر
|
رد: استفسار عن سوائل العربية
منتظر تقريرك بعد ما تروح التوكيل وتزود مياه القربة:funny25:
|
رد: استفسار عن سوائل العربية
آسف لتاخير ردي
قبل ما اروح التوكيل زودت الماية الخضراء لحد الماكس و رحت التوكيل وجالي امر الشغل و قبل ما يبدأوا في حاجة بصيت لقيت الماية زايدة عن الماكس بحاجة بسيطة ، في اعتقادي لان العربية كانت لسة سخنة ودورة المياة سخنة وزي انتم عارفين ان التمدد بيزيد مع السخونة المهم معني كده ان الماية منقصتش خلال المشوار كله ، وان الماية في الاغلب نقصت مرة واحدة المهم بعد العربية ما دخلت بحوالي نص ساعة الفني قاللي المشكلة اتحلت وقاللي ان الكوليهات كانت عايزة تتربط او يتأكد عليها طبعا انا عملت نفسي فاهم :D زي ما انتم عارفين انا مليش في الكلام ده ... فياريت لو حد يفيدنا ايه هيا الكوليهات دي ؟ (بتاعت العربية مش اللي عند الجواهرجي :) شكرا مقدما |
| الساعة الآن 02:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017