التكييف زهقني ...... مفيش حل ؟
 

انا معايا عربيه كورولا 97 1500 سي سي انجيكشن
التكييف فيها فيه مشكله خبيثه مغلباني من اكتر من 3 سنين محدش عارف يحلها

التكيف لما بيتكبس هواء مش بيسرب خالص و بعد شحن الفريون التكييف بيكون كفائته 60 % لكن المشكله ان ان بعد اسبوع او اتنين الشحنه بتفضى خالص ..... انا جربت اكتر من صنايعي بدون حل

كله بيكبس هواء ميلقيش تسريب يشحن فريون و تتكرر المشكله .... السنه دي غيرت فلتر الفريون و شحنت و حصل نفس الموضوع


هل فيه امل اني اخد تكييف تلاجه و يفضل شغال طول الصيف حتي لو اشحنه كل صيف

رد: التكييف زهقني ...... مفيش حل ؟
 

رد: التكييف زهقني ...... مفيش حل ؟
 

فى الغالب فيه تسريب بسيط فى دورة الفريون .... و فى الغالب بيكون فى التلاجة الداخلية زى ما الباشمهندس ولاء الدين وضح .... و خلى الفنى يكبس هواء فى الدورة و يراقب العداد لمدة نصف ساعة
و يكشف كمان بمياه و صابون

رد: التكييف زهقني ...... مفيش حل ؟
 

فى حاجتين خبيثتين فى موضوع التسريب
الاولى
بلف خط الضغط و بلف خط السحب اللى الراجل بيركب عليهم العدادات
لان و العدادات راكبة مش حيسربوا لكن بعد ما يشيل العدادات لازم يتأكد ان ابر البلوف مبتسربش
و اسلم طريقة ان يحط على البلف ميه و يشوف فى فقاقيع و لا لأ
الثانية
احكام عامود الكومبريسور ( الشافط سيل ........... نسبة الى ال shaft seal )لان و الكومبريسور واقف الاحكام دا مش حيسرب لكن لما يشتغل يبتدى التسريب و الحل الوحيد لاكتشافه ان الكومريسور يتفك و يتغطس فى جردل ميه

فى استاذ تكييف فى المعادى اسمه احمد حنفى
لو وصلت معاه انه يفك التكييف كله بوصلاته بكل لواكيره و يكبسه قدامه على الارض و يفتش ملى ملى
بيعمل كدا

رد: التكييف زهقني ...... مفيش حل ؟
 

مشكلة كباس - الوصلات بتسرب من عند الكباس

رد: التكييف زهقني ...... مفيش حل ؟
 

شكرا للزملاء

بلف الضغط العالي و بلف الشحن فعلا كاشف عليهم مفيش فيهم تسريب
التلاجه و الشفط سيل ممكن ..... المشكله ان الصنايعي لما بيكبس هواء و يفضل ساعه و الضغط مش بينزل و كمان بيكشف بالصابون مفيش حاجه

انا فعلا شايف مشاركات كتير عن احمد حنفي بتاع المعادي و كل الناس بتشكر فيه لكن المشكله اني من المحله مش من القاهره

لكن ممكن ارتب يوم واروح له ان شاء الله

رد: التكييف زهقني ...... مفيش حل ؟