مصر موتورز مجتمع السيارات - زهقت بجد من العربية

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - زهقت بجد من العربية (https://www.masrmotors.com/vb/showthread.php?t=117344)

زهقت بجد من العربية

السلام عليكم ورحمة الله وبركاته
كل سنة وحضراتكم طيبين ....
استمراراً لمشاكلي مع عربيتي الزيرو للأسف .... معايا فيرنا 2011 والحمد لله على كل شئ .... أقسم بالله العلي العظيم اني بأصين في التوكيل بالرغم من أسعارهم النار و بأحسس على العربية لدرجة ان الي ماشي ورايا ممكن يتضايق مني وباسمع كلام زي الفل من السواقين الميكروباصات .... وبالرغم من كده باسمع أصوات عجيبة في العربية و المشكله الجديدة ... بقيت بأسمع في الصالون صوت زي سكسكة أو صوت حاجة محلولة جاي من التابلوه وبالذات لما بأمش على طريق محبب ومابيبقاش ظاهر لما بامش على طريق ناعم وكمان ومباسمعهوش لما بأكون مشغل التكييف مش عارف هل لأن صوت التكييف بيبقى عالي ؟؟؟ . واعذروني على التشبيه لأني مش عارف اوصفه ولا ممكن يكون جاي من ناحية الكاوش أو حاجة محلولة في الماتور وتصورا في التوكيل مش عارفين يوصلوا لهذا الصوت بعد سنتين من الذهاب اليهم لدرجة انهم بيقولي عيش معاه تخيلوا !!! وده بعد ماحلو الكونسول الي في النص وربطوا الحاجات الي ممكن تكون السبب .
فبالله عليكم ياريت لو حد حصلوا حاجة معاه شبه كده ياريت لا يبخل علينا بالرد ... لأنك تخيل معي عربيا زيرو بتخلل وانت ماشي بيها وبتشخلل بذمتك مش حاجة تغيظ .
الحمد لله على كل شئ وأسف على الإطالة

رد: زهقت بجد من العربية

هل الازاز عندك فيه شرخ او اتغير قبل كده ؟؟؟

رد: زهقت بجد من العربية

ياباشا عندى اصوات فى العربية برضة من ساعة ما كانت زيرو وفى منها بيروح ومنها مبيروحش بس انا عندى عادى هعمل اية يعنى هى بس عشان تقفيل مصرى هتلاقى اصوات وكدة حاول تشيل من دماغك انها بايظة حط فى بالك انى التقفيل المصرى مش كويس وصدقنى عيش واستمتع طالما كويسة وصيانتها كويسة وماشية تمام

رد: زهقت بجد من العربية

للأسف فيه ناس (محسوكه) و بتدقق فى كل حاجه و مينفعش تلاقى حاجه مش مضبوطه و يطنش
للأسف أنا منهم, رغم إنى عارف أن ده جايب لى وجع دماغ مالوش لازمة و مخلينى دايماً قرفان و زهقان و متضايق و تاعبنى
هيا مش (تعقيد) هيا طبيعه فى ناس معينه بيقولو عليهم بالإنجليزى neat freak
و بيوصفهم علم النفس على أنهم أفلاطونيين (من سكان المدينه الفاضله)... بغض النظر عن كل ده

بأقول لنفسى و لأخونا صاحب الموضوع:
حاول دايماً تفضل فاكر أنك فى الدنيا مش فى الجنه, و خاصة لو أنت أكيد فى مصر

رد: زهقت بجد من العربية

اقتباس:

المشاركة الأصلية كتبت بواسطة zing0 (المشاركة 909618)

صدقني يا أخي .... العملية مش كده العربية بتاعتي مليانة أصوات غير ده كأنك راكب مراجيح مولد النبي ... بس الصوت ده رخم صوته عالي كأن فيه سلسلة مفاتيح بيت بتخبط في بعض ...صوت يجيب العصبي بجد .

رد: زهقت بجد من العربية

للاسف ساعات عشان اهمال فى التقفيل فحاجة تصبح لووس و ممكن على الحظ تبقى فى مكان صعب الوصول اليه دون خسائر
كان مرة واحد عنده النترا 2012 زيرو و كان فى صوت حاجة سايبة و من كتر ما اتجنن و كان مصمم قالوله فى التوكيل حنفك الارضية على مسئوليتك
بس الصراحة مش فاكر كان قراره ايه

فهل الصوت اللى عندك حاجة سايبة و لا تزييق من قطع التابلوه و التقفيل البلاستيك ؟

لو من التقفيل خليك راكب مش سايق و حد تانى يسوق و انت واحدة واحدة ثبت بايدك قطع بلاستيك تقفيل التابلوه و الكنسول و الابواب لغاية لما توصل للسبب
ممكن يكون من كاوتش الباب
قائمة الاحتمالات طوييييييلة

رد: زهقت بجد من العربية

اقتباس:

المشاركة الأصلية كتبت بواسطة احمد على 1999 (المشاركة 909658)

صديقي العزيز انا عملت زي ما قلتلي وضغطت ببطن ايدي جامد على الكونسولة الي في النص تحت هوايات التكييف بسنة صغير الصوت تقريباً كتم ... فهل ترى ممكن يكون ايه السبب ؟؟؟؟؟