مشكلة فى الفتيس .. صوت حشرجة مع النقلات لما العربية بتسخن
 

السلام عليكم ورحمة الله وبركاته
تحية لكل اعضاء المنتدى وان شاء الله دايما بخير

دلوقتى انا عندى مشكلة غريبة جدا
وهيا ان العربية لما بتبدأ تسخن
واجى اجيب المارشدير بسمع صوت حشرجة جامدة والصوت بيزيد لو جبت النقله بسرعه
ولما اجيب الاول بسمع صوت طقة كدا وبردة بيزيد لو جبت النقلة بسرعة
لكن بقية الغيارات تمام جدا

وبردة بلاحظ انى لو حطيت رجلى على الدبرياج فترة طويلة - 3 ثوانى مثلا - وبعد كدا اجيب النقلة بلاقى ان الصوت بيقل جدا.
وبردة لما بقعد اجرب النقلات وانا مثبت رجلى على الدبرياج بسمع الصوت لما بجيب النقلة اول مرة بس وبعد كدا مش بيطلع اى صوت.

فمش عارف بقة هل العيب من الدبرياج ولا لأ
وبردة بقول لنفسى ان زيت الفتيس هوا اللى بيتإثر بزيادة درجه الحرارة لكن الدبرياج لأ

فقلت اخد رأيكم
علما بان العربية عاملة 3800 كيلو بس
وانا حاجز صيانة فى التوكيل بس ميعادى بعد شهر تقريبا.

Sent from my LG-P970 using Tapatalk 2

رد: مشكلة فى الفتيس .. صوت حشرجة مع النقلات لما العربية بتسخن
 

العربية نوعها ايه ؟
عامة كل العربيات المانيوال لما تيجى تجيب مارشيدير ممكن يعض معاك فيفضل متحاولش تنقل ساعتها المفروض ترجع العصايا تانى للمور و تشيل رجلك من على الدبرياج خالص و ترجع تدوس تانى و تجرب
لو بالرغم من كدا لسة برضه بينعر فكدا وصلات عصاية الدبرياج محتاجة ظبط و ديى بسيطة متاخدش ربع ساعة و يفضل تروح التوكيل متستناش للصيانة الجاية

رد: مشكلة فى الفتيس .. صوت حشرجة مع النقلات لما العربية بتسخن
 

اشكرك على ردك احمد باشا
هوا الصوت مش نعره لا هوا صوت حشرجة
والصوت بيفضل يطلع مهما كررت انى ادوس واشيل دبرياج
والغريب ان بيظهر لما العربية بتعمل مشوار وتبدأ تسخن. فتفكر ان الوصلات ممكن تكون السبب فعلا؟

والعربية نوعها Geely Emgrand EC7



Sent from my LG-P970 using Tapatalk 2

رد: مشكلة فى الفتيس .. صوت حشرجة مع النقلات لما العربية بتسخن
 

هو للاسف صعب حد يحكم على صوت من غير ما يسمعه
بس تفسيرك بتاع الزيت كدا حيبقى منطقى فانصحك طالما العربية فى الضمان تروح التوكيل فى اقرب فرصة دون انتظار الصيانة القادمة للكشف على مستوى و جودة الزيت و ايه اللى مسبب الصوت دا
و ممكن تروح لميكانيكى شاطر يحددلك المشكلة فين من غير ما يشتغل فيها على اساس تبقى رايح التوكيل و تقولهم على اللى فيها

رد: مشكلة فى الفتيس .. صوت حشرجة مع النقلات لما العربية بتسخن
 

عزيزي

دواسة الدبرياج تكون هيدروليكية اي تستعمل زيت الفرامل

اما ان يكون خزان للزيت منفصل

او يكون مشترك مع زيت الفرامل

افحص بنفسك مستوى زيت

اقراء المكتوب هل

DOT 3

ام

DOT4

ويفضل تروح للتوكيل قد يكون الجزء السفلي من دواسة الدبرياج يحتاج الى تنفس الهواء بة

مع التقدير

سيف

العراق

رد: مشكلة فى الفتيس .. صوت حشرجة مع النقلات لما العربية بتسخن
 

اشكركم على الرد والاهتمام يا رجالة.
وانا فعلا اول حاجه حاولت انى اعملها هيا انى اروح التوكيل بس للاسف مش رضوا انهم يستلموها وقالوا ان عندهم ضغط وانى لازم احجز قبل ما اجى واول حجز لسه بعد شهر.

وبصراحه خايف انى اخلى اى مكانيكى يلعب فيها وخصوصا انى فى امور الصيانة دى سيراميك.
بس بردة يا ريت لو حضراتكوا تعرفوا مكانيكى كويس و مضمون قريب من منطقة الهرم او فيصل وانا اروح اكشف عنده.

وبالنسبة للكشف على زيت الفرامل فهوا مستواه تمام
بس انا مش عارف هوا Dot 3 ولا Dot 4
فهتأكد من الموضوع دا وارجع ارد؟

وهل فيه طريقة للكشف على زيت الفتيس وهل الكشف عليه محتاج مكانيكى محترف ولا اى مكانيكى يقدر يعملها والموضوع بسيط؟

واشكركم مرة تانية على الاهتمام

Sent from my LG-P970 using Tapatalk 2

رد: مشكلة فى الفتيس .. صوت حشرجة مع النقلات لما العربية بتسخن
 

احتمال كبير تكون صامولة الكوبلن الرائيسية الى فالعجل سايبة فك العجل عند حد وقلو بصلى على صواميل الكبالن مربوطة والا لاء حصلت معايا واشتريت عربية لواحد وكالن بيبعها عشان الصوت ده وكانو قالولو ان الفتيس بايظ بعد ما اشترناها لقيت صامولة الكوبلن مفكوكة فقط الاحتمال التانى ان صامولة عمود الادارة داخل الفتيس بردو سايبة ودى بتخلى فية اصوات مشابها لعربيتك شوف الكبالن الاول