|
هل زيت الموتور ممكن يتطاير بالاستخدام و الحرق؟؟؟
السادة / الزملاء الاعزاء كل عام انتم بخير..
انا عندى لانوس مو 99 عامله 209000 كم ..منذ فترة قصير كان مستوى الزيت فى المنتصف و قريبا كشفت عليه لقيته عند الMIN روحت لبتاع الزيت بص عليه و قالى الزيت محروق جدا و معدل اللزوجه بتاعه قل جدا (قرب لملمس الماء) قولتيله بص على الطبه اللى تحت الموتور قالى مفهاش حاجه و جمد عليها و بالمره شيك على ازيت الجير بوكس كان ناقص شويه و قالى الغطا من تحت خد خبطة صغيرة و جمد على المسامير... السؤال ..هل ممكن الحرق الشديد للزيت يؤدى لتطايره؟ مع العلم انى بغير الزيت كل 5000 كم - شل الاصفر المره دى بعد اللى حصل اضطريت اغيره عند 3300 كم ...عاوز اعرف ايه اللى ممكن يكون حصل و عمل كده فى الزيت؟ و هل ده بسبب اى عيب فى الموتور ؟؟ |
رد: هل زيت الموتور ممكن يتطاير بالاستخدام و الحرق؟؟؟
فيه ايه يا رجاله ؟ محدش عارف حاجه عن الحالة دى..؟ طيب حتى لو حالة فيها شبه منها و الزيت قل لوحده كده ..عملتوا ايه و السبب كان ايه ؟:cool:
|
رد: هل زيت الموتور ممكن يتطاير بالاستخدام و الحرق؟؟؟
السلام عليكم بص على ماكينه الزيت يعنى مبين الزيت ممكن تكون هاتبوظ وبتسرب بسيط انا عملته معى بس الزيت اتصفى كله والحمدلله فى الوقت المناسب
|
رد: هل زيت الموتور ممكن يتطاير بالاستخدام و الحرق؟؟؟
السلام عليكم العربيه عامله فوق ال200000 كم هل عملت لها عمره او شنبر من قبل هل المحرك خفيف ولا لأ هل يوجد تسريب من اي مكان هل يوجد دخان مع العادم والله المستعان |
رد: هل زيت الموتور ممكن يتطاير بالاستخدام و الحرق؟؟؟
شكرا يا باشمهندس ولاء ...
بسم الله ماشاء الله الحاجة الوحيده اللى عملتها للموتور هو خرط وش سلندر ... لانها كانت بتاكل مياه بصورة وحشة و الحمد لله دلوقتى روحت للميكانيكى امبارح و لقى تسريب زيت من عند اويل سيل اللى تحت الكويل ( البوبينة ) و تم تغييره و الحمد لله و قالى متستناش لحد 5000 كم علشان تغيير الزيت خليك بحد اقصى 4000 كم علشان تحافظ على الماكينة...و التسريب اللى كان عندك ممكن يقلل الزيت بصورة كبيرة علشان هو شغال على طول و انت ماشى... اما بالنسبة للموتور حالته كويسة و لا يوجد دخان مع العادم ....و الحمد لله |
رد: هل زيت الموتور ممكن يتطاير بالاستخدام و الحرق؟؟؟
فين مكان مبين الزيت ده ؟
|
رد: هل زيت الموتور ممكن يتطاير بالاستخدام و الحرق؟؟؟
السلام عليكم و رحمة الله و بركاته عشان نقدر نحدد أكتر إن الموتور خفيف أو لا 1 - نخلع الأربع بوجيهات بعد تسخين العربية لمدة 20 دقيقة أو بعد ما تيجي من مشوار و نشوف يا تري البوجيهات عليها تعريق زيت و لا لاء ... و أكيد طبعا هتكون مهببة كمان 2 - يا تري إستعملت زيت شنبر قبل كدة و لا لاء أنصحك بإستعمال زيت (إبرو) Oil Treatment ضعه مع زيت الموتور عند تغييره العبوة 430 ملل ب 15 جنيه و لا تنسي النوع (ABRO) http://www.abroeurope.com/images/OIL-TREATMENT.jpg 3 - تأكد تماما من ان الموتور نظيف شكلا و مضمونا من حيث وجود أي تسريب زيت أو نشع عند أي جوان أو أي أويلسيل أو من ناحية فلتر الزيت أو من كاوتشة مقاس الزيت أو من الطبة مثلا أو من عند أي بوجيه من البوجيهات 4 - واضح إن حضرتك بتقرص علي العربية شوية بلاش يكون الـــ RPM عالي و انت ماشي بلاش الكبس علي دواسة البنزين 5 - النقطة الهامة : عندك خرطوم فايظ بيكون خارج من أعلي الموتور من ناحية غطاء التاكيهات جنب غطاء الزيت بص علي خرطوم الفايظ و جرب تخلعه و انت بتسخن العربية و شوف هل في بخار أبيض أو دخان أبيض و يا تري الخرطوم نظيف و لا مليان شحم و ووساخة مثلا |
| الساعة الآن 05:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017