|
يعني إيه جودة؟؟؟ تعالى نفكر مع بعض
بقالي فترة عايز أكتب موضوع عن الجودة في السيارات... لإني ملاحظ إن مفهوم الجودة مش واضح لينا قوي عايز افتح نقاش نحاول نوصل فيه لتعريف واضح عشان نعرف نحكم على العربيات واحنا بنختارها فنسأل نفسنا كذا سؤال: ليه بنقول إن عربية معينة الجودة فيها عالية، وعربية تانية لأ؟؟ على أي أساس بتحكم على العربية؟؟ هل على أساس السعر؟ ولا نوع الخامات؟ ولا طول العمر؟ ولا حسن التقفيل؟ ولا الأعطال؟ ... ولا فيه حاجة تاني؟؟ ليه ممكن عربية تكون كويسة جدا من وجهة نظر ناس، ومن وجهة نظر ناس تانية سيئة جدا؟؟؟ ليه ممكن يحصل إنك تشتري عربية وبعدين تبيعها بعد مدة بسيطة؟؟ مستني مشاركاتكم ... |
رد: يعني إيه جودة؟؟؟ تعالى نفكر مع بعض
الجوده هى الاعنايه و الاهتمام فى صناعة العربيه ..
يعنى الخامات و قدرة الاستحمال و التقفيل الجيد و هو ده الى بيميز العربيات الاوربيه عن غيرها سواء يبانى او كورى او ماليزى او صينى او او ....... و بالمناسبه انا معايا بروتون جين 2 العربيه حلوه فى كل حاجه بس الخامات و التقفيل و الحاجات الى كونت فاكر انها مش فرقه هى الى مخليانى مش حابب العربيه اوى Sent from my GT-N7000 using Tapatalk 4 Beta |
رد: يعني إيه جودة؟؟؟ تعالى نفكر مع بعض
اقتباس:
|
رد: يعني إيه جودة؟؟؟ تعالى نفكر مع بعض
?????
Sent from my GT-N7000 using Tapatalk 4 Beta |
رد: يعني إيه جودة؟؟؟ تعالى نفكر مع بعض
اقتباس:
جميل جدا... يعني حضرتك بتقول إن: الجودة = العناية والاهتمام في الصناعة الجودة = الخامات + قدرة الاستحمال + التقفيل الجيد بس حضرتك بتقول إن العربية حلوة في كل حاجة... ما عدا الحاجات اللي حضرتك ذكرتها يبقى أكيد الجودة مش هي الحاجات دي بس!!! تفتكر إيه كمان؟؟ عايزين مشاركات يا جماعة !!! ... |
رد: يعني إيه جودة؟؟؟ تعالى نفكر مع بعض
انا رايي اني كلمة جودة دي كلمة عامة اوي و تشمل كل حاجة في حياتنا مش في العربيات بس لما نيجي نتكلم عن الجودة في العربية بقي يبقي لازم يتفرع منها حاجات كتيير اوي مثلا 1- جودة الخامات و دي بتشمل حاجان كتيير اوي 2- جودة التقفيل 3- الجودة في صناعات الموتور و هكذا ..... - جودة الخامات دي هتحسها اول ما تركب العربية تلاقي الفرش جلده مثلا حلو و التابلوه شكله نضيف كده و تحسه ناعم مش محبب كده ( انا ماقهمش في الحاجات دي اوي بس ده اللي بحسه يعني ) و برده فرش الباب و عصاية الفتيس و كده احنا بنحس بالحكاية دي اوي بعد مرور 3 سنين مثلا هتلاقي عصاية الفتيس اقشرت و .. و ... و... - جودة التقفيل بقي انك تلاقي كل حاجة في مكانها صح مفيش حاجة بتتلخلخ :] او بتزيق مفيش مسمار مفكوك لو مثلا قعدت يومين تدور في عربية الماني بصفة عامة عن عييب تقفيل نادرا جدا جدا لما تلاقي حاجة و بتبقي حالات فردية لو لقييت - الموتور بقي ده علي حسب الشركة و البلد و كده بس كلمة اخيرة دايما الغالي تمنه فييييييييييييييه لانه هو اللي بيعييش و انا الحمد لله جربت الالماني و الصيني |
رد: يعني إيه جودة؟؟؟ تعالى نفكر مع بعض
الجوده= التميز و بتحسها من نظرات الناس يعنى مثلا لو شوفت عربيه لاند روفر ايفوك حتتلوح و انت بتبص عليها ببساطه هى ديه الجوده بمفهوم عام
Sent from my GT-N7000 using Tapatalk 4 Beta |
| الساعة الآن 02:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017