رينو سانديرو ستيب واي ولا نيسان صني 2013 الشكل الجديد
 

بقالي فتره طويله بسيرش على العربيات لحد ما تقريبا عجباني الستيب واي بس عيبها من وجهة نظري انها مش اتوماتيك وفقيره جدا من الكماليات
الوقتي في ناس بتمدح في النيسان صني وخصوصا ان فيها اتو فانا محتاره وعايزه اعرف رأيكوا ؟
وايه اللي افضل ؟

رد: رينو سانديرو ستيب واي ولا نيسان صني 2013 الشكل الجديد
 

الصني افضل في وسائل الامان والاوبشن (علشان سعرها اغلى) والانتشار
الستيب واي افضل في الشكل والعلو عن الارض
والعربيتين فيهم مميزات مشتركة زي الوسع الداخلي وقطع الغيار واستهلاك البنزين
والاختيار الاول والاخير لحضرتك يعني روح شوف العربيتين على الواقع وجربهم واللي تعجبك هاتها
ومبروك مقدما

رد: رينو سانديرو ستيب واي ولا نيسان صني 2013 الشكل الجديد
 

بسم الله الرحمن الرحيم
مميزات الصنى (الشكل القديم من 2010 :2013 )زيرو
1 حجم شنطه اكبر 2 محرك اقوى (118حصان) 3 قطع غيار متوفره وبسعر عقول جدا 4 سعر اعاده بيع معقول جدا 5 ثبات افضل على السرعات المرتفعه 6 جسم العربيه(الصاج) معقول جدا
7 وساتل امان جيده 8 اعتماديه عاليه (حماره شغل)
عيوب الصنى
1 استهلاك بنزين مرتفع جدا 2 صالون ضيق خصوصا فى الخلف 3 تقفيل مصرى متوسط الجوده 4تنك بنزين صغير (41)لتر 5 عفشه ناشفه نسبيا 6 ليست على مستوى عالى فى الراحه بالمقارنه بمثيلاتها فى الفئه من اليابانى او الكورى 7 منخفضه نسبيا فى المطبات المرتفعه( بطن العربيه )

مميزات السنديرو
1 مرتفعه عن الارض 2 صالون اوسع واريح 3 شكل شبابى وعصرى 4 سعر اقل 5 مستورده 6 استهلاك بنزين معقول
العيوب
1 ارتفاع سعر قطع الغياروعدم وفرتها 2 ثبات اقل على السرعات المرتفعه 3 خشونه القياده نسبيا
4 انخفاض السعر عند اعاده البيع 5 صوت المحرك مرتفع على السرعات العاليه 6 اداء تكييف متوسط
7 اداء المحرك اقل من الصنى
رأى الشخصى المتواضع ان الصنى افضل سواء الشكل القديم او الجديد (بالرغم من افضليه الشكل القديم عن الجديد )
والله اعلى واعلم وهو الموفق للافضل

رد: رينو سانديرو ستيب واي ولا نيسان صني 2013 الشكل الجديد
 

بجد شكرا على الرد بس يا مستر محمد بتكلم عن الشكل الجديد من الصني هما بيقولوا فعلا الشكل القديم الصالون ضيق بس صراحه انا شفتالشكل الجديد واسع من جوه بس سمعت عن الشكل القديم ان العفشه ناشفه بس مش عارفه المشكله دي في الجديد ولا لأ؟
وبجد شكر لكم

رد: رينو سانديرو ستيب واي ولا نيسان صني 2013 الشكل الجديد
 

الصنى احسن واوسع واكبر :pod_of_gold:

رد: رينو سانديرو ستيب واي ولا نيسان صني 2013 الشكل الجديد
 

الشكل الجديد فى الصنى عفشته ناشفه نسبيا بس افضل من القديم شويه انا جربت الشكلين فى القياده ولازلت افضل القديم لو استخدام عنيف شويه لكن لو استخدام نظيف وطرق كويسه واستخدام سيده ممكن الجديد يناسب اكتر عشان الصالون اوسع ( ملحوظه محرك الشكل القديم اقوى فى المطالع من الشكل الجديد) والله الموفق