|
العربية اللى حلتى باظت عوضى على الله فى الموتور
من فترة الميكانيكى قال لى أن السيارة بحاجة الى طقم شنبر فانا أفتكرت انو بيحور عليا أمبارح لقيت العربية بتطلع دخنة بيضاء من الجكمان وزيت المحرك ناقص ونزلت تحت العربية أبص على تسريبات من اى نوع علشان أن الكام يوم اللى فاتو سفرت بالعربية وعملت حوالى 600 كيلو فى يومين أول يوم اكنت تمام اليوم التانى قرصت على العربية وأنا راجع من على الطريق الدولى واكنت حاطط 150 كيلو متر بالساعة ومشيت بيها فى أدغال والعربية غرزت منى كذا مرة فى الطريق من شدة وعورتة وحكت من تحت كام مرة وكمان توجد أسباب آخرى نوع الزيت المستخدم التعاون الأحمر الخاص بمحركات الديزل وواحد قال لى فى بداية الأستخدام ليا يمشى 4000 كيلو لغاية ما تاكدت منذ حوالى غيرين للزيت أنو أمفروض أمشى بيه فى الشتاء 2000 كيلو وفى الصيف أمشى بيه 1500 كيلو وكمان اللى زاد وغطا من فترة جاى بسقط الزيت لقيتة نزل كيلو وربع مش 3.5 أو 4 لا نزل ناقص جدا وكان فى الوقت ده عندى تسريبات فى المحرك من مسامير وتقريط على وش السلندر المهم قدر الله وما شاء فعل الحمد لله على كل شئ برجاء من الأخوة الأعضاء أفدتى ما هى أفضل المواتير اللى تتجاب أستيراد للسيارة لادا 2106 أو لادا 1600 موديل 83 مع العلم أنا بأذن الله هاغير موتور ودربكوس 5 غيار وردراتير جديد وعفشة فى الكامل وبرجاء أفدتى بالأسعار وهيكلف كام الموتور بالدربكوس 5 غيار.
أخوكو محمد :01AD96~139: |
رد: العربية اللى حلتى باظت عوضى على الله فى الموتور
قدر الله وما شاء فعل اخى الكريم
عوضك الله خيراً إن شاء الله من فضلك يا محمد خد بالك ان 150كم/س بلادا 4 غيار شغل شاق جداً حاول يا محمد انك تبحث عن موتور لادا 2017 بسير وليس شداد وجنزير وجيربوكس 5غيار ولكن فى هذة الحالة من الضرورى جداً انك تغير عمود الكردان والديفرنس الخلفى بالكامل لان الجيربوكس ال5 سرعات يحتاج دائماً كرونة سريعة وإذا لم يتم التغير سوف تفقد كرونة كل فترة ولن تشعر بفرق الجيربوكس الاسعار لكل المجموعة من موتور +جيربوكس +عمودكردان +ديفرنس خلفى =5000ج مصرى |
رد: العربية اللى حلتى باظت عوضى على الله فى الموتور
ربنا يعوضك خير بإذن الله
|
رد: العربية اللى حلتى باظت عوضى على الله فى الموتور
الف شكر ليك يا باشا بس بعد أذن حضرتك مش الادا الـ 1600 بتنزل بكرونة سريعة ولا اية ولو الكرونة اللى عندى بطيئة اعرف منين والسريعة اعرف منين وبالنسبة لموتور 2107 ده من موديل كام ولية سير التقسيمة أفضل من الجنزير ومعلش هتقل عليك مش الموتير بتعت 1500 وال 1600 أحسن ولا اية وكنت بفكر فى موتور النيفا 1700 سى .سى ينفع ولا لا وتكلفتة كام والف شكر لسعه صدر حضرتك وأرجو انى مكونش تقلت على حضرتك.
أخوك محمد |
رد: العربية اللى حلتى باظت عوضى على الله فى الموتور
مجرد نصيحه يا أستاذ محمد
حضرتك عاوز تفتح على نفسك ليه؟ طقم الشنبر مش حكايه و هيريح العربية و توفر فلوس الفتيس و الكردان و خلافه الموضوع كله من 600-800 جنيه شامل المصنعيه و قطع الغيار و زيت التليين و تبقى شوفت موتورك من جوه و أطمنت عليه و تعيش و تفرم بيه زى ما أنت عاوز طبعاً حضرتك زى ما تحب بس ده مجرد رأى |
رد: العربية اللى حلتى باظت عوضى على الله فى الموتور
وجهة نظر جميلة واحترامها بس بعد اذنك فى كام حاجة اقولها وبعد كده انت اللى هتحكم الموتور بتاعى محتاج طقم شنبر والموتور ده عامل عمرتين مع جارى اللى فى الشارع قبل ما اشتريها واكيد او احتمال يكون عامل عمرة كمان يبقى اجمالى العمرات 3 عمرات للموتور يعنى فاضل عمرة واحدة بالنسبة لطقم الشنبر اللى سمعتوا انو هيعفى النصف الفواقنى للمكينة فبكدة النصف التحتنى للمحرك مش حيستحمل يبقى طقم الشنبر فلوس ورميتها فى الارض طقم الشنبر ما هو الا مجرد مسكن اما الصح اعمل عمرة وبما ان المحر عامل عمرتين ان لم تكن تلات عمرات يبقى اجيب ماكنة ورايح دماغى وكمان فى حاجة كمان ممكن لما افتح ماكنتى القيها مش خرطة الكرانك وكده يبقى مية مية واعملها عمرة ويفتح الموتور والقى عيل صغير اديلو شكولاتية ياما افتح والقى راجل عجوز عايز دواء للسل والضغط والسكر ومش بعيد يكون عنده شلل فيا مسهل لما المكنة تتحل يابن اية اللى فيها ياما عمرة يا اما موتور.
ارجو ان اكون اوضحت الفكرة وشكر لذوق حضرتك. أخوك محمد 444546 |
رد: العربية اللى حلتى باظت عوضى على الله فى الموتور
حضرتك فى مشكلتين دلوقت
اولا محدش يقدر يقول تغيير الموتور ولا لا غير لما يكشف عليه و يشوفه من جوه ثانيا الزيت اللى حضرتك بتستخدمه سئ جدا جدا جدا و ده لوحده سبب كافى لأزعاج اى مكنة ثالثا تسريب الزيت من المسامير فده بيكون المسامير خلاص فوتت ولازم تتنضف مكانها و تتغير كويس لو هتسقط موتور هتسقط معاه كرونة تناسبه و طبيعى هتحتاج تحط فتيس يتناسب مع سرعة و قدرة الموتور الجديد |
| الساعة الآن 09:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017