|
مساعده فى وصله الصوت ضرورى
السلام عليكم
كل عام وانتم بخير انا يا جماعه عايز اركب وصله ال mp3 للعربيه عندى بس مش عارف لانها سى دى بس فناس قالتلى تجيب جهاز اسمه mp 3 حاجه كده بيكرب مكان الولاعه بيشتغل بالريموت انا كنت فاكر اسمه ونسيت المهم هل الجهاز ده كافى ولا فيه حاجات احسن مع العلم انى عايزه لتشغيل القران بس وشكرا |
رد: مساعده فى وصله الصوت ضرورى
بص يا استاذ محمد فيه اكتر من طريقة اولا لو جهاز التسجيل عندك فيه فتحة اوديو ان audio in ممكن تجيب mp3 player فيه فتحة audio out وتوصل الاتنين ببعض ثانياً ممكن تجيب FM modulator وديه وحدة زى ما حضرتك قولت بتركب فى الولاعة ويتحط فيها اى فلاشة عليها ملفات صوت بصيغة Mp3 والوحدة بتقوم بتشغيل الملفات اللى على الفلاشة وارسالها على موجة FM حضرتك تستقبلها وتسمعها من الراديو فى تسجيل العربية وديه صورتة http://sludini.tunt.lv/slud/20090630193533225.jpg يارب اكون قدرت افيدك وكل سنة وحضرتك طيب ptmnlo123per122 |
رد: مساعده فى وصله الصوت ضرورى
شكرا جزيلا يا باشا ربنا يخليك
بس انا ما فهمتش يعنى ايه اسمعها فى تسجيل الراديو ؟ او استقبلها على موجه اف ام ازاى ؟ هو سى دى وانا بصراحه ماعدتش بركز وبفهم فى الوصلات والحاجات دى ومعنى كده انه لازم اشترى فلاشه كمان ؟ مع الجهاز ده معلش يا باشا بتعبك معايا |
رد: مساعده فى وصله الصوت ضرورى
طب هى سعرها كام يا جماعه ؟
|
رد: مساعده فى وصله الصوت ضرورى
بليز يا جماعه حد يرد عليا بسرعه عشان انا نازل كمان شويه اجيبها ؟
|
رد: مساعده فى وصله الصوت ضرورى
السلام عليكم يا باشا
الجهاز ده اسمه إف إم موديوليتور (معلهش كاتبها بالعربى) و لازم تجيب فلاشة معاه كمان و على حسب مساحتها تقدر تشيل عليها ملفات اغانى او قرآن بتحط الاغانى اللى انت عايزها على الفلاشة وبعدين بتحط الفلاشة فى الجهاز ده و تحط الجهاز فى ولاعة العربية فا بيشتغل اوتوماتك فاتشتغل الاغانى و الجهاز ده مابيطلعش صوت مباشر انما بيبعت الاغانى اللى شغالة دى على موجة راديو تقدر تستقبلها على راديو العربية بتاعتك (كانك مشغل راديو عادى ) و تظبط تردد الراديوبتاع العربية على نفس التردد الموجود على الجهاز فا تسمع حضرتك الاغانى او القرآن (تقدر تغير فى تردد الجهاز زى ما انت عايز و تتبعه طبعا بتغيير التردد على راديو العربية لو الصوت يعنى مش واضح قوى) أما بالنسبة للسعر مش غالى خالص انا كنت جايبه من سنتين بحولى 70 جنيه ,, فا هو اكيد ارخص بكتير دلوقتى |
رد: مساعده فى وصله الصوت ضرورى
شكرا جزيلا يا باشا ربنا يخليك
انا جبته ب 35 بس وده كان احسن نوع موجود فيه ب 15 و 20 و 25 وجبت فلاشه 4 جيجا كنجستون ب 60 جنيه الحمد لله لسه بس موضوع التوليف ربنا يسهل و اعرف اعملها وشكرا ليك يا باشا |
| الساعة الآن 03:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017