|
بفكر اشترى ستروين AX محتاج مساعدتكم ف الاختيار
السلام عليكم ورحمة الله وبركاتة أنا بفكر اجيب ستروين AX ولقيت ان فيها كماليات كتير وكمان سعرها مش عالى مقارنة بالكماليات أنا حابب اعرف هل العربية فعلا كويسة ولا كلها مشاكل كمان موضوع ان مش اى صنايعى بيتشغل فيها دة حقيقى بمعنى ان ف ناس معينة لازم اروحلها ؟؟ وهل الصنيعية دى عشان هما الوحدين اللى شغالين فيها بيبالغوا ف المصنعية بتاعتهم بالنسبة لقطع الغيار هل هيا متوفرة ولا لا وسعرها غالى ولا رخيص ؟؟ بالنسبة للعربية نفسها مريحة ف السواقة ولا متعبة اسف للاطالة بس انا حابب اعرف كل حاجة عن العربية دى من ناس معاهم فعلا ف انتظار الاجابة |
رد: بفكر اشترى ستروين AX محتاج مساعدتكم ف الاختيار
بص بالنسبة للصنايعية الاوروبى عموماً عايز صنايعية يكونو حافظين العربيه
واى عربيه فى الدنيا محتاجة تكون ليك ميكانيكى ثقة تتعامل معاه وحافظ عربيتك وبالنسبة للمعلومات عن العربيه ممكن نقول باختصار انها عربيه سعرها منافس وبسيط فى المستعمل مقارنة بحجمها وامكانياتها او بالمقارنة بالبدائل زى الفيات 128 بس مشكلتها ان قطع غيارها اغلى وصيانتها مش بسهولة ال 28 فانا رائى لو مكانتش بحالة ممتازة او جيدة جداً بلاش منها ودور على 128 وده قسم السيتروين هتلاقى فيه مواضيع كتير عنها واراء الاعضاء وتجاربهم http://www.masrmotors.com/vb/forumdisplay.php?f=18 |
رد: بفكر اشترى ستروين AX محتاج مساعدتكم ف الاختيار
اقتباس:
متشكر جداااااااااا لرد حضرتك بس برضوا محتاج اعرف موضوع قطع الغيار بتاعتها ( متوفرة ؟؟- وبتكون فرنسى معمرة يعنى ولا صينى ) ؟؟ |
رد: بفكر اشترى ستروين AX محتاج مساعدتكم ف الاختيار
يا بشبوش المرسيدس بجلاله قدرها ليها قطع غيار صينى والستروين هتلاقي ليها قطع غيار صينى وماليزى وكل حاجة بس معتقدش تلاقى قطع غيار جديدة كتير ليها ومحتاج تعرف اماكن اللى بيبيعو قطع غيار استيراد كمان
|
رد: بفكر اشترى ستروين AX محتاج مساعدتكم ف الاختيار
اقتباس:
الفكرة انى بتكلم ان كل القطع بتاعتها متوفرة واقدر اجبها ولا لا وكمان انا بسال عن القطع الاصلية الفرنسى او حتى استيراد بس تكون معمرة ... لان انا بعدت عن الفيت لانها كل لحظة عايزة قطعة وتقريبا اللى بيجيب فيات بيكون دايما عند الميكانيكى وهل ف حاجة ف مستوى سعر الستروين او اعلى شوية افضل |
رد: بفكر اشترى ستروين AX محتاج مساعدتكم ف الاختيار
توكل على الله وخليك فى الاوربى عن تجربة
قطع الغيار متوفرة الحرفيين والوكالة ووسط البلد الكماليات ومستلزمات الصالون والرفايع قليل لما تلاقيها جديد وخامات مش قد كده يبقى الاستيراد احسن قطع الغيار معمرة بشكل رهيب يعنى ركب وانسى ابو نورا جابلك الزيتونه فى الصيانة " واى عربيه فى الدنيا محتاجة تكون ليك ميكانيكى ثقة تتعامل معاه وحافظ عربيتك" انا كنت بتعامل مع واحد اسمة الحاج فرج فى شارع جسر السويس بتاع ستروين بس عفشة ميكانيكا قطع غيار اى نعم غالى حبتين بس مش مهم قصاد الشغل النضيف اللى بيطلع من تحت ايده وكله بالفصال بيمشى توكل على الله " انوى - استخير- اشترى - استمتع" |
رد: بفكر اشترى ستروين AX محتاج مساعدتكم ف الاختيار
بص يباشا الستروين ممتعه سريعه بتسحب على الطريق تكيفها لو شغال حتلاقيه جبار قطع غيارها متوفره حسب المكان الى انت فيه واستاذ ايمن قالك على كذا مكان والميكانيكي الي بيفهم هو الى يشتغل فيها إعرف ان الميكانيكي الي يقولك مبشتغلش فيها انه بيستسهل ومش عايز يتعب نفسه كل دى نصائح تم اخذها من استاذ ايمن ومن كل الاصدقاء المحترمين في المنتدى الجميل ولو استقريت عليها اسأل على اي حاجه ولو عندنا الرد حندلك إن شاء الله
|
| الساعة الآن 01:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017