|
عاجل وهام جدا : الكفر الخلفى للكاوتش الأستبن للتيجو
يوجد كسور وشروخ عديدة فى الكفرالخلفى للكاوتش الأستبن لعربتى التيجو وعاوز اشيله وارميه خالص خصوصا وان فيه ناس بتقول ان شكل العربية من غير هذا الكفر اجمل واشيك بكتيييييير
وسؤالى هو : هل يمكن سرقة الكاوتش الأستبن فى حالة عدم وجود الكفر مع ملاحظة ان الأستبن مثبت بواسطة 4 مسامير يمكن فكهما بكل سهولة . وأرجو من خبراء المنتدى الأفادة على وجة السرعة . ولكم جزيل الشكر مقدما . اخيكم mekawy53 |
رد: عاجل وهام جدا : الكفر الخلفى للكاوتش الأستبن للتيجو
السلام عليكم اكيد سيكون سهلة السرقه ولو حد عايز يسرقه والغطاء موجود هيسرقه الحرامي ما بيغلبش ابدا حتي في الكاوتش اللى راكب في العربيه اللهم احفظنا وابعد اولاد الحرام عننا والله المستعان |
رد: عاجل وهام جدا : الكفر الخلفى للكاوتش الأستبن للتيجو
حبيبي واحد من مسامير تثبيت الاستبن يختلف عن العادي و هو قفل لا يفتح الا بمفك خاص بيه يربط على مفتاح فك مسامير الكاوتج فاطمئن سرقته ليست بهذه السهولة
|
رد: عاجل وهام جدا : الكفر الخلفى للكاوتش الأستبن للتيجو
الأخ العزيز الغالى/ سعد تيجو...اولا الف الف الف شكر على هذا الرد ولكن معذرة انا مش فاهم حاجة لأن رد حضرتك مختصر جدا ... لذا ارجو التوضيح والشرح بشكل أكبر ولكم جزيل الشكر مقدما ....وآسف جدا على تأخرى فى الرد لأننى كنت فى المستشفى لأجراء عملية القلب المفتوح
|
رد: عاجل وهام جدا : الكفر الخلفى للكاوتش الأستبن للتيجو
حضرتك شيل مسمار من الاربع او الخمس مسامير الى راكبين و جيب بداله مسمار بلقمة بتتركب فى مفتاح الصليبة علشان تقدر تفك او تربط المسمار .. اكيد حتلاقيه عند بتوع قطع الغيار او بتوع الجنوط .. ده حيصعب مهمة الحرامى لكن مش حيمنعها
|
رد: عاجل وهام جدا : الكفر الخلفى للكاوتش الأستبن للتيجو
الاخ العزيز مكاوي اولا الحمد لله على السلامة . بخصوص سؤالك التيجو موديل 2013 الكاوتش الاستبن مثبت بثلاثة مسامير واحد شكله بيختلف عن البقية و لما تريد تفتحه باستخدام مفتاح مسامير الكاوتش ستلاحظ ان المفتاح ما يركب على المسمار و الشركة عاملة مفك خاص له بتركب المفك الخاص على مفتاح مسامير الكاوتش و عندها فقط يمكن فتح المسمار الخاص و اللي مش معاه المفك الخاص لا يمكنه ان يفتح الكاوتش و اذا سيارتك موديل اخر ما اعرف اذا هذا المفك موجود او لا وكما قال احد الاخوان بالمنتدى يمكنك شراء صامولة قفل خاصة معها مفتاحها و بدل واحد من المسامير و ساحاول ان انشر صورة للتوضيح مع تحياتي
|
رد: عاجل وهام جدا : الكفر الخلفى للكاوتش الأستبن للتيجو
4 مرفق
عزيزي مكاوي و هذه الصور كما وعدتك اتمنى ان تكون الصور توضح اللي قصدته بأجابتي مع تحياتي
|
| الساعة الآن 04:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017