اغير لون ولا انقل ملكية الاول؟؟
 

السلام عليكم
اشتريت عربية رينو اوبتيما 1998 لونها اخضر بشع وعايز اغير اللون
مع العلم ان السيارة لسه مش بأسمي ومعايا توكيل بيع لنفسي والغير والتوكيل للغير
والرخصة لسه فيها لحد شهر 8 اللي جاي
ياتري ممكن اغير اللون دلوقتي وادخل افحص وانقل ملكية ولا لازم انقل ملكية وبعدين اغير اللون؟؟؟؟
اتمني حد يفيدني

رد: اغير لون ولا انقل ملكية الاول؟؟
 

متااااااااااااااااااااااا ابع

رد: اغير لون ولا انقل ملكية الاول؟؟
 

لسه متابع بردو..محدش عارف خالص؟؟

رد: اغير لون ولا انقل ملكية الاول؟؟
 

اقتباس:

المشاركة الأصلية كتبت بواسطة wael elhussiny (المشاركة 896015) السلام عليكم

أحسن حاجة قبل القلق بتاع 30 -6 غير اللون وظبط العربية
وبعدين روح على الشهر العقارى بيع العربية لنفسك بعقد مسجل
وبعدين تطلع على المرور اللى انت تابع ليه تعمل فحص وتخلص الورق
فنفس اليوم (وطبعا تكون من هناك بدرى ) ترجع على المرور التابع ليه العربية
هتجيب من هناك شهادة براءة زمة وتخلى المهندس اللى هناك يمضيلك على مطابقة البصمة
وبعدين ترجع على المرور بتاعك تقدم الورق كله وتدفع الضرايب وتستنى الرخصة لما تطلعلك

هيدولك رخصة كمبيوتر اسمها تصريح مؤقت على ما الملف يجى من المرور لكن الرخصة دى تقدر تبيع العربية بيها وتعمل اى حاجة

اما بالنسبة لل8 شهور اللى باقيين هما مش عبط ماتقلقش مش هتخسر حاجة كده كده التأمين والضريبة مدفوعين لمدة 8 شهور هتدفع بقيت السنة لو هتخليها سنة او لو هتعملها 3 سنين هتدفع فرق سنتين و اربع شهور بس :Bravo: :Bravo:

رد: اغير لون ولا انقل ملكية الاول؟؟
 

حد عندة رأي تاني....هل ينفع اغير لون العربية بعقد مسجل والعربية مش بأسمي؟؟

Re: اغير لون ولا انقل ملكية الاول؟؟
 

يا استاذ وائل
الموضوع مافيهوش آراء لكن فيه اجراءات
والاستاذ هشام تفضل مشكورا ورتب لحضرتك الاجراءات دى بالظبط
وللعلم حضرتك عشان تنقل ملكية لازم تفحص فى المرور اللى حضرتك تابع له
فا بالمنطق ماينفعش تنقل ملكية " يعنى تفحص" وبعدين تغير لون وترجع"تفحص تانى"
غير وانقل وافحص بالمرة كله مع بعضه
وبالتوفيق

رد: اغير لون ولا انقل ملكية الاول؟؟
 

محدش فاهمني
الرخصة فيها اللون اخضر ومش بأسمي
ازاي ممكن اغير اللون وادخل افحص بلون ازرق؟؟؟؟