ليون ، كماليات،أسعار قطع الغيار، أسعار الصيانة
 

. العربية فعلاً أقل ما يقال عنها انها تحفة فنية من جميع الجهات على أساس السعر بتاعها دة .

كماليات بالهبل مثبت سرعة ،٨ أير باج ،بور ستيرنج كهربائي ،التكييف Climate Control،MP3 player ، ABS،EBD ،Traction ،Sun Roof،Fog lights ،جنوط ١٦ ، وأخيراً والجديد في 2008 والجامد فعلاً Car Kit للموبايل بلوتوث ودة أنا جربته بنفسي في المعرض بيطلع ال phone book على الشاشة وكمان رقم المتصل وممكن تتصل بواسطة ال-Voice Command يعني مللي الرقم أو إسم الشخص ويتم الإتصال



نيجي للمهم بقى ، قطع الغيار ،

أنا دخلت مخزن قطع الغيار بفسي واتكلمت مع أمين المخزن وشفت قطع الغيار بفسي موجودة من خيرات الله ما شاء الله :)


بعض الامثلة لأسعار قطع الغيار شاملة الضريبة :

طقم تيل أمامي ٣٨٥
طقم تيل خلفي ٣٣٠
سير كاتينة 201
سير دينامو ١٠٤
فلتر بنزين ١٢١
فلتر زيت ٥٠
مساعد أمامي ١٢٠١ _ للواحد
مساعد خلفي ٦٣٢ _ للواحد
طنابير أمامييه ٤٠٣_ للواحدة
فانوس أمامي ١١١٢
فانوس خلفي ٤٠٠

اسعار مناسبة جداً وخصوصاً إن دي عربية أسباني واخدة جنسية ألماني

أول صيانة عند ٥٠٠٠ كم وبتتكلف حوالي ٥٠٠ جنيه بعدها ١٠٠٠٠ كم وكمان بتتكلف حوالي ٥٠٠ جنيه بعض كدة كل ١٠٠٠٠ كم وإنت ونصيبك فهى بقى :)
الضمان ، سنتين مفتوح

أعتقد مفيش حجة بقى بعد دة كله ليه بقى مش منتشرة :)

Thanks
Eng.Sherif Shaker

رد: ليون ، كماليات،أسعار قطع الغيار، أسعار الصيانة
 

مين يشهد للعروسه ؟؟؟؟؟

تم تثبيت الموضوع للفائدة

رد: ليون ، كماليات،أسعار قطع الغيار، أسعار الصيانة
 

هيا الاسعار عامة مش وحشة لمكونات المانى المفروض جودتها عالية وتعيش اكتر بس هو سعر المساعد بصراحة عالى اوى والفانوس كمان يعنى حرام خبطة بسيطة اكصدام وفانوس مثلا هتخش فى 2000 جنية مثلا

رد: ليون ، كماليات،أسعار قطع الغيار، أسعار الصيانة
 

لا يا عم الأسعار مش مناسبة
يارب ارحمنا من البلد دي
هو الكارو هو الحل
عربية 2 حصان و لا تشغل بالك بمرور و لا قظع غيار و لا بنزين . . . . برسيم و بس:w6w20050411220634 63

رد: ليون ، كماليات،أسعار قطع الغيار، أسعار الصيانة
 

تعريف كلمة سيات باللغة الأسبانية ،،


Siempre Estamos Apretando Tornillos

:D:D:D

هاسيبوشكم شوية تدورا علي المعني ،،

بهزر يا باشمهندس شريف متزعلشي

رد: ليون ، كماليات،أسعار قطع الغيار، أسعار الصيانة
 

السلام عليكم
لالالالالالالالا بجد الاسعار حلوة جدا على عربية اسباني او الماني او من الاخر اوروبي
يا جماعة ثمن المساعد الي بتقوله عليه عالي هو هو سعر المساعد في العربية اللانسروبالنسبة للتيل الامامي ده ارخص التيل الامامي بتاع اللانسر ب 420 في التوكيل انا بيتخرب بيتي ايه ده
ده حتى فلتر الزيت ب 50 وعربيتي ب 60 اه 10 جنيه مش فرق بس برده تفرق المهم هي مش منتشرة ليه هو ايه اخبار توكيلها مش كويس يعني ولا فيه مشكلة

الوكيل كمعامله رائع وكصيانة محترفين فعلاً

غاليين بعض الشيء في أسعار العمالة ولكن بعد المقارنة لقيت إنه زي توكيلات عربيات تانية وأرخص من توكيلات اوروبيه تانية كتير

أعتقد المشكلة في ثقافات الشعب المصري

هاتشباك !! دي عربية شباب يا عم وأنا راجل صاحب عيلة!!
مع انها في UK سبورت فاميلي كار يعني للعائلة والشباب بس هتقول إيه

ودة بالنسبة لعربيات هاتشباك كتير


تاني حاجة العربية بتنزل منوال بس ودة باردو ضد الثقافة أو الموضه إلي ماشية

يعني ادفع كل دة واركب مانوال !!

أنا عاوز أوتوماتيك

وإن كان بعضهم معذورين بسبب الزحمة لكن أنا متأكد إن كتير عاوز يماشي العصر مدام العربية جديدة ويجيب ستيبترونيك :)



في رأي الليون صفقة ناجحة جداً لكن في السوق الطبيعي مش في مصر

أنا أعرف صاحب التوكيل وكان بيني وبينه دردشات على الموضوع وعلى فكرة هو كمان عنده ليون ٢٠٠٧ - ١٫٦ مانوال لكن طبعاً سبيشيال اوردر مع النافيجاتور وشاشات جوة وبارك ترونيك
وأكيد دي مش عربيته الاساسية لكن دايماً بيروح بيها الفرع الرئيسي في أرض اللواء


هو حاول يحط العربية في ماركت بوزشن كويس على أساس تسعيرها أقل من شقيقاتها بما فيها من الكماليات اللي لو جبتها في الجولف مثلاً مش هتقل عن ٢٠٠ ألف جنيه لكن العقبة الوحيدة إلي قابلته إن مجموعة VW رفضت نهائياً تزويد العربية بفتيس اتوماتيك للحفاظ على الصورة الرياضية للعربية والاتوماتيك ينزل في ٢٠٠٠ CC بس

وعوضوا دة بإنهم زودوا الاوبشنز في موديلات ٢٠٠٨ زي ال Ipod Box Connector
والبلوتوث كونكشن الكامل مع التحكم الصوتي في معظم وظائف العربية

قارن سعرها بسعر مثيلاتها اليابانيات ومتنساش انك عندك علامة VW تقريباً على كل حاجة في العربية وشوف دي صفقة رابحة واللا لأ


Thanks
Eng.Sherif Shaker