ايه الفرق بين الفئة 3 و 5 و 7 ؟
 

يعنى لو 3 عربيات نفس سنة الموديل ونفس السى سى . كل واحدة فئة . ايه الفرق بينهم ؟ ويستاهل فرق السعر ؟ وهل فى فئات تانى ؟

رد: ايه الفرق بين الفئة 3 و 5 و 7 ؟
 

عندك الفئة الاولي والثالثة والسابعة والخامسة والسادسة وفي كمان الفئة الرابعة بس مش في مصر
والاختلافات في الاسعار على حسب ترتيب الارقام يعني الفئة الاولى ارخص واحدة والسابعة اغلى وهكذا
وطبعا كل فئة عربية مختلفة عن التانية

رد: ايه الفرق بين الفئة 3 و 5 و 7 ؟
 

ما انا سؤالى ايه الاختلاف بين الفئات ؟ يعنى كماليات ولا موتور ولا شكل ولا ايه بالظبط

رد: ايه الفرق بين الفئة 3 و 5 و 7 ؟
 

ايوه طبعا الفرق كبير وفي كل حاجة كمان
بس في شوية تشابهات بينهم
يعني عندك الماتور N20 2000CC دا موجود في ال320 و 328 وال520 والX1
وطبعا الفئة الاولي عربية والفئة الثالثة عربية والفئة الخامسة عربية وكلهم مختلفين عن بعضهم
بس طبعا موضوع الفئات دا نظام تسمية عن البي ام دبليو
يعني شركة زي مرسيدس بتسمي عربياتها باسماء الابجدية الانجليزية
وشركة زي بيجو بتسمي عربياتها ب3 حروف وسطهم 0

رد: ايه الفرق بين الفئة 3 و 5 و 7 ؟
 

بص مضحكش عليك انا معرفش تفاصيل الفروق
بس طبعا فى فروق شاسعة فى ال i drive و الرؤية الحرارية و برامج الثبات و ال presafe و و و

بس عجبتنى مقولة شهيرة
لما سألوا متخصص
ايه الفرق بين الفئة ال 5 و ال 7 ؟
قالهم زيى الفرق بين القرد و البنى أدم !!!!!

رد: ايه الفرق بين الفئة 3 و 5 و 7 ؟
 

حدردش مع حضرتك على حسب معلوماتى البسيطة ...

الفئة الثالثة .... و دى بيسموها الفئة الاقتصادية ... محركاتها تبدا من 1600 سى سى و بتتدرج لغاية الموتور 2500 سى سى و الله اعلم 316 318 320 325

الفئة الخامسة ... و بيسموها الفئة المتوسطة .... و اعتقد انه محركاتها بتبدأ من 2000 سى سى ... و بتفرق عن الفئة الخامسة فى حجم العربية .. اكبر ... و الاوبشنز .. و الرفاهية و عوامل الامان
و بالنسبة للأسعار ... فى الغالب ... تمن الفئة الخامسة بيبقى اغلى كتير من الفئة الثالثة

الفئة السابعة .... ربنا يوعدنا .....الفرق بين الفئة السابعة و الخامسة زى الفرق بين الفئة الخامسة و الثالثة مرتين تلاتة مثلا
فى انتظار راى اكثر خبرة و دراية
ابو نورا ممكن يفيدنا اكتر فى الموضوع ده

رد: ايه الفرق بين الفئة 3 و 5 و 7 ؟
 

كلامك جمسل بس ليا كام ملاحظة
الفئة الثالثة اكبر ماتور ليها هوا ال3000 6 سلندر
الفرق في اسعار الفئة الخامسة والثالثة مش كبير اوي
يعني عندك ال335 ودا اكبر عربيات الفئة الثالثة سعرها متقارب من 520 اللي هيا اصغر عربيات الفئة الخامسة
لكن زي ما حضرتك قلت الفرق كبير في السعر بين الفئة الخامسة والسابعة