من غير شتيمه بفكر اغير النوبيرا واجيب رينو ميجان
 

السلام عليكم
انا معايه نوبيرا 2006 ومريحاني وعارف الي فيها وتقريبا الحمد لله ملهاش مصريف
وعايز اجيب ميجن 2008 بس الناس في قول دي زباله وفي بيشعر فيها انا كلمت واحد عنده ورشه كبيره في المعره هو معرفه وقلي هتها ومتخفش بس في ناس كتيره بتشكر فيها
طب ايه الي خلاني افكر؟؟؟
الشكل والامكنيات وحجات كتيييييييير حلوه فيها
رئيكم ايه

رد: من غير شتيمه بفكر اغير النوبيله واجيب رينو ميجان
 

ليه شتيمه ؟ انا زيك معايا نوبيرا و نفسي اركب الميجان بأذن الله و فوكك من الناس اركب اللي على مزاجك مش اللي على مزاجهم مدام العربيه مدياك اللي انت عايزه

رد: من غير شتيمه بفكر اغير النوبيله واجيب رينو ميجان
 

انا كنت هجيب الميجان بس واحد قريبي كانت معاه وكانت مخلصه علي كل فلوسه وغير كده الكمبيوتر بتاعها مشكله كل 5000كيلو بيتعمله صيانه والتوكيل بتاعها غالي جدااا جدااا وموديلات 2005 و2006 كان فيها مشاكل فاحسن ابعد عن الميجان

رد: من غير شتيمه بفكر اغير النوبيله واجيب رينو ميجان
 

الميجان عربيه محترمه جدا جدا جدا بس مصروفها عالي جدا جدا جدا لو حتقدر عليه اتوكل على الله

رد: من غير شتيمه بفكر اغير النوبيله واجيب رينو ميجان
 

:clapW15:SLAM

رد: من غير شتيمه بفكر اغير النوبيله واجيب رينو ميجان
 

بس خلى بالك من حكاية اركب اللى على مزاجك دى لان مرة ركبت على مزاجى وندمت اشد الندم وخسرت فى العربية فلوس كتيررررررررررررررررر اوى

شوف دور على حاجة الناس فاهمها وقطع غيارها منتشرة وفي المعقول واللى الناس بتحبها علشان لما تبيع تحط رجل على رجل وتبعها عالطول واللى يقولك هو انا بجيب عربية علشان ابيعها قوله يعنى انا بجيب عربية علشان احطها فى المتحف فضلا محدش يعرف الظروف ايه ممكن تجيب العربية النهاردة وفجأة تحتاج فلوسها بكرة
موش كده وله ايه

رد: من غير شتيمه بفكر اغير النوبيله واجيب رينو ميجان
 

الميجان عربية كويسة جدا وركوبتها فخمة وجميلة يعني من الاخر عربية ممتازة
لكن طبعا في مصر لو هتركب عربية محترمة وفخمة الخ غالبا هتضحي باسعار قطع الغيار الرخيصة واعادة البيع وسهولة الصيانة
يعني المختصر المفيد
لو عايز تركب عربية قوية جميلة مريحة ثابتة مميزة وعندك استعداد تتحمل مصاريف الصيانة وقطع الغيار هات االميجان
لكن لو يهمك ان صيانة العربية تكون رخيصة وسهلة خلي النويبرا معاك
بس على فكرة النويبرا عربية كويسة برضه وجميلة