مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استشارة زجاجيه (https://www.masrmotors.com/vb/showthread.php?t=114411)

queen

01-06-2013 11:31 AM

استشارة زجاجيه

:sd:
الحمد لله اولا على كل حال
للأسف الشديد وانا ماشيه فوجئت بتطاير زلطه صغيره جدا تقريبا داست عليها العربيه اللى كانت امامى وطارت ونزلت بسرعه على الزجاج الأمامى وفى لمح البصر عملت نقرة صغيره جدا هى زى نقطه وخرج منها شروخ فى محيط حوالى 2 سم كده بس الحمد لله موصلتش لتخانه الزجاج كله

افيدونى هل ممكن اصلاحها وياترى هى سرطانات الزجاج بتبدأ بحاجه زى دى وبعدين تنتشر ولا ايه؟؟؟؟
علماً بأنى باضطر اركن فى الشمس لساعات طويله والزجاج ده هو الفابريكه
وانا معلوماتى صفر فى الموضوع...

YOUNG DR.M

01-06-2013 01:02 PM

رد: استشارة زجاجيه

بسيطة ان شاء الله حصلي نفس المشكلة من اقل من شهر و صلحتها و مفيش مشاكل و يا ريت حضرتك تقولي ساكنة فين و الاخوة الاعضاء هيوصفولك اقرب حد ممكن تصلحي عنده الزجاج

ashraflotfy1

01-06-2013 06:16 PM

رد: استشارة زجاجيه

الأمر بسيط و يتصلح علشان الشرخ ما ينتشرش. أهم حاجة ما تركينيش في الشمس و ما تغسليش الزجاج لحد ما تصلحيه و بيتعمل عند دكتور خالد بتاع الزجاج و موجود واحد في شارع الميرغنى بمصر الجديدة جنب أبوشقرة في كلية البنات و ال20سم شرخ يتكلف 50 جنيه و ضمان مدي الحياة و هما كويسين عن تجربة

queen

06-06-2013 03:36 PM

رد: استشارة زجاجيه

شكرا للافادة يا جماعه وعموماً هجرب ان شاء الله دكتور خالد فى المهندسين وربنا يسهل

Hisham.Elgazzar

06-06-2013 03:53 PM

رد: استشارة زجاجيه

اقتباس:

المشاركة الأصلية كتبت بواسطة queen (المشاركة 891744)

شكرا للافادة يا جماعه وعموماً هجرب ان شاء الله دكتور خالد فى المهندسين وربنا يسهل

الإصلاح فورا قبل ما يزيد الشرخ وخمسين جنيه أحسن بكتير من 350 تمن الإزاز بالكامل لا قدر الله

queen

08-06-2013 05:05 PM

رد: استشارة زجاجيه

الحمد لله صلحتها زى نصيحه الاعضاء عند د / خالد ولقيته متخصص فى الموضوع ده وفاهم كويس وفعلا دفعت 55 جنيه بالضريبه. والشرخ اختفى بنسبه 90%:danceW7: ولا سحر ولا شعوذه والنتيجه أبهرتنى الحقيقه...
وشكرا للجميع على النصيحه وربنا ما يوريكو شروخ ابدا فى ازازكو:balloons71:

الساعة الآن 01:20 PM.