اسباب تاخر استجابه دواسه البنزين فى النوبيرا
 

يا جماعه ظهرت اليوم مشكله فى النوبيرا وهى عندما تدوس على دواسه البنزين فى اى مرحله سواء الدوسه كانت 2ملى او حتى فى اخر دوسه الدواسه بتاعه البنزين تلاقى حاجه غريبه ان العربيه تستنى من ثانيه الى حوالى 2 ثانيه ثم تستجيب و احياتا تيجى تدوس دبرياش تقوم العربيه الار بى ام ينزل مره واحده و بعدين العربيه تنطفىء ارجع اشيل رجلى من على الدبرياج و كأنى برمى لها ثم تدور تيجى تطلع بالعربيه فى وسط الزحمه لو لم تنتذر ثانيتين و انت رجلك على الدبرياج تفصل يعنى بطىء فى استجابه دواسه البنزين فى حين تم تنظيف الايدل جيدا تم تغير حساس TPS و لما لم اشهد فائده رجعت القديم تم تغير حساس الكرنك تم تغير حساس البلوك فى الموتور الحراره اسلاك البوجيه ليسه جديده 20 يوم تقريبا بيرو تم تشراء فلتر بنزين و هواء جديد بس انا شاكك فى الكمبيوتر هل هذا ممكن ولا ايه الحل و على فكره اول مره يحصل تاخر استجابه دواسه البنزين معى

رد: اسباب تاخر استجابه دواسه البنزين فى النوبيرا
 

هل غيرت شمعات الاشعال هل مشيت بيها اكثر من 25000كلم

رد: اسباب تاخر استجابه دواسه البنزين فى النوبيرا
 

هى البوابة عند حضرتك عادة ولا كهرباء؟

رد: اسباب تاخر استجابه دواسه البنزين فى النوبيرا
 

البوابه عديهعباره عن بكره بسلك لدواسه البنزين و ايدل و tps اما البوجيهات غيرتها من 20 يوم تقريبا العربيه فى الجرى بتجرى مفيش مشكله لكن فى تاخير فى استجابه الدواسه يعنى بعد ما تدوس عليها مفيش رد فعل مباشره تستنى حوالى 2 ثانيه و بعدها تتفاعل و تستجيب و تعطى المطلوب منها بس انا شاكك فى الحساس الهوا اللى فى عمه الهوا اللى فى الفلتر او حساس الشكمان او الكمبيوتر لكن ازاى اتاكد لان تكلفه الكمبيوتر عاليه نسبيا و حساس الشكمان تقريبا بحوالى 250 جنيه اما حساس الهوا معنديش فكره عن سعره هل يوجد طريقه للكشف عن العطل ده لان تم وضع العربيه على كمبيوتر اعطال و لم يظهر شىء

رد: اسباب تاخر استجابه دواسه البنزين فى النوبيرا
 

ان شاء الله حل هذه المشكلة يكمن في تغيير حساس الاوكسجين اللي علي الفرن --- واحتمال تغير علبه البيئة -- توكل علي الله وقولنا النتيجة
---- والله العظيم اعلي واعلم ---------

رد: اسباب تاخر استجابه دواسه البنزين فى النوبيرا
 

وخلي بالك عيب الحساس ده مبيظهرش علي الكومبيوتر

رد: اسباب تاخر استجابه دواسه البنزين فى النوبيرا
 

الحمد لله المشكله اتحلت العيب مطلعش من الحساسات و لا الكارته العيب طلع من طاره حساس الكرنك اللى هو الترس اللى بيلف عليه سير الدينامو و التكيف اللى هى الترس الكبير المشرشر خلف الكفر بتاع العجله اليمين الاماميه عرفته ازاى بعد ما كل الناس ما احتارت و محدش عرف العيب فين نزلت الجراج النهارده الصبحو اخذت العربيه و طلعت على الميكانيكى بتاع العربيه و بعد مناقشات هو مصمم العيب ده من حساس الكرنك اخذت مفكر ونزلت اسفل السياره و قولت له دور الموتور و بعد كده نزل معى اسفل السياره وضعت المفك على الطاره الكرنك من الجنب شفت فى رفه فى الطاره كان هناك جزء من الطاره بيضرب فى المفك و لكنه جزء بسيط جدا قولت له عندك طاره اخرى قال لى نعم عندى قولت له هات الطاره الاخرى و ركبها ممكن تكون الرفه البسيطه دى عامله مشكله فى قراءه الحساس و بالفعل تم تركيب طاره اخرى و المشكله اتحلت فهى كانت مشله من راى و راى الميكانيكى فريده من نوعها و خصوصا لما تمسك الطاره لم تلاحظ عليها شىء بالنظر و التدقيق فيها فهى سليمه لكن الرفه البسيطه دى لم تلاحظها الا وهى شغاله المشكله دى كانت مسببه قراءه خطاء على الايدل لقراءه الكمبيوتر و كانت العربيه تفصل و الموتور يبطل لما تفصل دبرياج و كانت عامله مشكله غريبه من نوعها وهى الفرامل كانت محجره و استهلاك بنزين عالى و تقطيعه فى كل مره تدوس على البنزين و تاخر فى استجابه الموتور لدواسه البنزين فعلا عيب يخلى الواحد يلف حوالين نفسه ويشكك فى كل حاجه فى العربيه لكن فى النهايه ربنا بيهدى الواحد للطريق السليم و خصوصا ان اليومين دوول كل واحد بيفتى وخلاص العيب ده ولا كمبيتور ولا صنايعى عارف يجيب العيب منينهى اخدتت وقت لاكتشافها لكن فى النهايه اتحلت لكن لما تيجى تفكر ان الطاره اتلوحت اللوحه دى ازاى متعرفش فهى رفه بسيطه للغايه بس عملت ماشكل وليس مشكله واحده بس الحمد لله اتحلت و بقت تمام وشكرا على اهتمامكم:CHUBBY~36: