محتاااار جداً: أجيب V5 ولا لأ !؟
 

السلام عليكم و رحمة الله و بركاته.

كان عندي عربية هيونداي جيتز و كانت تحففففففففة، و بعتها من كام اسبوع عشان أجيب عربية أحدث، و اول ما بعتها من هنا الدولار زاد من هنا و اسعار العربيات اتجننت!! :sd:
المهم .. من ضمن اختياراتي، و اللي كل لما أبعد عنها أرجعلها تاني، هي الـ V5 .. بس لإنها جديدة مش لاقي فيدباك كتير عنها، و مش مانعني إني أجيبها غير تلات حاجات:
1- إنها صيني .. فخايف تفتح بوقّها معايا بعد فترة صغيرة، و ده اللي أنا سمعته عن البريليانس بشكل عام، بتفتح بقها بعد سنتين.
2- إعادة البيع .. خايف أخسر فيها كتير، لدرجة إني بفكر أشتريها كسر زيرو عشان أوفر في تمنها شوية (إيه رأيوكوا في الفكرة دي؟).
3- و أخيراً .. سعرها اللي غلي قووووووي بعد ما الدولاز زاد (أكتر من 20 ألف زيادة) ، و آدي الدولار نزل و السعر زي ما هوّا! :S .. بس عامةً كل العربيات زادت مش بس هيا.

أفيدونا أفادكم الله.
أنا محتااااااااار جداً، ولازم أحسم اختياراتي الفترة دي قبل رمضان. :(
تنصحوني بيها و لا لأ؟ و ياريت حد يكون مجربها يقولي مميزاتها و عيوبها !؟
شكرااااااااااااااااااااً، و جزاكم الله خير. :fun_36_3_13[1]:

رد: محتاااار جداً: أجيب V5 ولا لأ !؟
 

مش مسالة تجربة اعطال و كلام من ده المشكلة في سعر اعادة البيع و بس انما معظم العربيات الصيني كويسة في رايي الشخصي و يعيبها سعر اعادة البيع انا من رايي خليك في حاجة سعر اعادة البيع بتاعها كويس و سوقها حلو

رد: محتاااار جداً: أجيب V5 ولا لأ !؟
 

ممكن تقولي المبلغ اللي مع حضرتك كام ؟؟

رد: محتاااار جداً: أجيب V5 ولا لأ !؟
 

دكتور محمد .. موضوع السعر في إعادة البيع فعلاً مقلقني، و إن كنت اليومين دول و أنا بسأل عنها كسر زيرو لاقيت السعر مفرقش كتير، حوالي من 10 لـ 15 ألف، و دي بتنزل من أي عربية في الفئة دي. هل ده عادي!؟
و بصراحة العربية دي بالمواصفات دي بالسعر ده يعتبر مغري مقارنة بحاجات تانية ممكن تكون في فئتها، زي السبورتج و القاشقاي و الـ ix35، و ده اللي خلاني أفكر فيها، بس فعلاً موضوع إعادة البيع ده مقلقني. :k_crying77[1]:

رد: محتاااار جداً: أجيب V5 ولا لأ !؟
 

أ.شريف .. أنا بصراحة كنت حاطط رينج من 100 لـ 130 ألف، بس عربية في فئة الـ V5 لو فعلاً تستاهل ( مقارنة بأخواتها ) ممكن أزود شوية، أو أجيبها كسر زيرو.
و عشان اقول لحضرتك برضه .. كتير نصحني باللانسر مثلاً، و هي عربية محترمة و كل حاجة، بس تقليدية، ده غير إن احنا بالفعل عندنا لانسر في البيت، مش هيبقوا اتنين !!. :(

رد: محتاااار جداً: أجيب V5 ولا لأ !؟
 

دكتور محمد .. موضوع السعر في إعادة البيع فعلاً مقلقني، و إن كنت اليومين دول و أنا بسأل عنها كسر زيرو لاقيت السعر مفرقش كتير، حوالي من 10 لـ 15 ألف، و دي بتنزل من أي عربية في الفئة دي. هل ده عادي!؟
و بصراحة العربية دي بالمواصفات دي بالسعر ده يعتبر مغري مقارنة بحاجات تانية ممكن تكون في فئتها، زي السبورتج و القاشقاي و الـ ix35، و ده اللي خلاني أفكر فيها، بس فعلاً موضوع إعادة البيع ده مقلقني. :k_crying77[1]:

رد: محتاااار جداً: أجيب V5 ولا لأ !؟
 

أ.شريف .. أنا بصراحة كنت حاطط رينج من 100 لـ 130 ألف، بس عربية في فئة الـ V5 لو فعلاً تستاهل ( مقارنة بأخواتها ) ممكن أزود شوية، أو أجيبها كسر زيرو.
و عشان اقول لحضرتك برضه .. كتير نصحني باللانسر مثلاً، و هي عربية محترمة و كل حاجة، بس تقليدية، ده غير إن احنا بالفعل عندنا لانسر في البيت، مش هيبقوا اتنين !!. :(