|
وش سلندر لادا مساعدة
السلام عليكم
محتاج مساعدة فى مقاس مسامير وش سلندر لادا 2105 هى مقاسها كام يعنى ممكن اقرط على الوش بصليبة العجل مثلا ولا ماينفعش؟ تانى حاجة معلش تعبكم معايا لو حليت غطا التاكيهات وجيت شيلت الكامة لازم افك شداد الكاتينة الاول ولو شلتها كده تخلف تقسيمة ولا مالهاش علاقة؟ ولو حبيت اركب اويسيل صباب بنفسى (كاوتش صباب) ممكن اركبه بمجرد حل كامة التاكيهات من غير حل الوش بالخارج واشيل الشواكيش وفى تيلتين صغيرين على كل تاكيه والسوستة والطبق واركب الكاوتش وارجع اركب السوستة والشاكوش والكامة تانى عليهم واقفل على كده الكامة ولا الكامة ليها ظبطة ممكن تخلف ولا اعلم بطباشير قبل ماشيلها بليز المساعدة وجزاكم الله كل خير انا بحب اعمل الحاجة بنفسى واتعلم مش مسئلة فلوس والله |
رد: وش سلندر لادا مساعدة
ولا رد :fun_10_9_206[1]:هههههههههههههههه
|
رد: وش سلندر لادا مساعدة
اقتباس:
انا عارف ان حضرتك ممكن يكون عندك دخنة من الشكمان وتعريق زيت على البوجيهات بس معلش لازم الوش يتفك عارف لية لان ممكن يكون فى دليل او اكتر هو اللى بيسرب الزيت مش كاوتش الصباب اتمنى انى اكون افدتك واسف على التاخير فى الرد |
رد: وش سلندر لادا مساعدة
اقتباس:
طيب بالنسبة لوش التقسيمة العلامات بتبقى على غطاء وش التقسيمة من برة يعنى اغسلع كويس ولا العلامات بتبقى من داخل وش التقسيمة مالهوش علاقة بالغطا مثلا يوجد بوش التقسيمة 3 تروس ترس الكامة العلوى camshaft gear ترس الكامة السفلى اللى فى النص واعتقد ده بيتوصل عليه ترس الاسبراتير وطرمبة الزيت واخر حاجة ترس عمود الكرنك بالنسبة لعمود الكرنك انا ادى العربية الرابع وازق لعاية لما البستم رقم واحد او اربعة يبقى فوق خالص تمام كده اتظبط ومالهوش علاقة بالزمبة صح بالنسبة لترس الكامة اللى فى النص ليه زنبة ولا ده بره موضوع التقسيمة يعنى توصيله مع سير الكاتينة علشان ياخد حركة للاسبراتير وطلمبة الزيت بس اخر حاجة من فوق ترس الكامة وده ليه زمبة انا حطيت صورة حلوة لو كده صح يبقى تمام يابشمهندس معلش تعبك معايا http://repairguide.autozone.com/znet...52800880ca.jpg طبعا بنظبط رقم 2 مع 3 على الصورة وبنقفل غطا وش التقسيمة بجوان وجملكة وكده خلاص مافيش تقسيمة تانى وادور العربية تدور باذن الله مش هى ديه تقسيمة الكهرباء ولا بعد كل ده واقفل اعمل تقسيمة االكهرباء تانى بالمفك وبعد كده اظبط الاسبراتير على بوجيه رقم واحد من الغطا بتاعه واخر واقدم كهربا والعربية دايرة لغاية لما تستقر هو ترس الكامة فقط اللى يوجد بيه زنبة؟ |
رد: وش سلندر لادا مساعدة
اقتباس:
استغل الوضع دة ان البستم فى النقطة الميتة العليا والكامات بتعتة مقفولة بمدلول زنبة ترس الكامة متطابقة من زنبة فى غطاء التاكيهات وسقط الاسبراتير بتاعك والشاكوش بيشاور على بوجية رقم واحد فى وش الاسبراتير ومش عاوز افكرك ان لادا تقسيمتها مختلفة عن باقى العربيات المشهور فى العربيات 1 3 4 2 الادا مختلفة 1 4 3 2 |
رد: وش سلندر لادا مساعدة
كان يوم صعب من الصبح وجسمى اتكسر والله
تم فك غطاء التاكيهات اليوم وفكيت صماويل الكامة وهى 13 ورخيت سير الكاتينة جنزير وترس الكامة مش عارف اطلعه علشان الكاتينة لسه شده بعد الترخيه ضربت كشاف نور داخل وش التقسيمة من فوق لاقيت السكس بلف قلت اكيد لازم يتشال فكيته مسمارين مقاس 10 بيببه لاقيت الكاتينة رخت خالص تمام قولت الحمد لله رفعت الكامة طلعت معايا وجيبت صليبة العجل علشان اربط على وش السلندر للاسف المسامير مطلعتش 17 المسامير طلعت مقاس 19 ولاقيت مسمارين كانو محتاجين تقريط قرط على كله وجيت ابوص على الكامة زنبة مش لاقى ترس الكامة فى صامولة 17 هى اللى ربطاه فى عمود الكامة والصامولة ديه جمبها خرم وشمالها خرم بس مش لاقى زنب وغطاء التاكيهات بدور فيه من جو على زنبة مش لاقى المهم ركبت الكامة كده وخلاص وربط مسامرها وربط الكاتينة عليها وقولت زى مافهمت من المنتدى اظبط الكهربا تقسيمة اسبراتير من الساعة 10 الى الساعة 3 عمال اظبط بوجيه رقم واحد وشوية ارفع الججلة اللى ورا وادى الرابع لغاية اما بستم رقم 1 او 4 فوق وخلى الشاكوش على بوجيه رقم 1 او 4 اشيل غطاء الاسبراتير وابص اشوف فوقه بالظبط ولا لا المهم دور مش عايز تلقط يمين شمال شويه تفرقع خلفاء تقسيمة المهم البطارية فرغت تمام شيلت البطارية وروحت شحنتها حاسس ان جسمى اتكسر سيبتها ساعة رحت انا وواحد صاحبى بالعربية جبنها علشان مسافة بعيد شوية وصل دور مافيش كل شوية افط بوجيه رقم واحد وارجع اركبه واحط الكابل دور مافيش فك تانى البوجيه رقم واحد واحط مفك وسعات صبعى بيتنتر به من الظغط المهم البستم اعلى نقطة عملت كتير قولت يارب تفرقع معايا المهم فرقعت قلت الحمد لله قمت عامل صليبة لاسلاك الاسبراتير من الغطاء 1 مكان4 و2 مكان 3 دور دارت بس الصوت وحش اوى قعد اظبط الكهربا يمين وشمال اسيب تبطل صوت الكاتينة عمل حس جامد اوى ترتك ترتك ترتك قولت الحمد لله ادور واروح للمكانيكى بقى مكانينكى شاطر جدا قولتله شيلت الاسبراتير وخلاص قعد يقسم الصوت وحش برده اوى بعدين قالى الشكمان لازم يتقطع فى راجع قمت قايله بقى انى فكيت وفكيت وخلاص بقى هههههههههههههههه قالى العربية ديه كده ممكن تكون جابت صبابات ربنا يستر قالى ممككن ماتخلص النهارده قولتله اساعدك طيب واحل انا تانى قالى ماشى قعد احل تانى وجسمى متكسر والله وقولت اول مرة واخر مرة افك موتور ههههههههههههه بس ماحلتش الكامة قالى لا حليت الغطاء وهويت سير الكاتينة بس معرفتش هو عمل ايه ورفع العجلة الخلفية زى ماعملت وظبط التقسيمة تانى على فكرة انا بتهيالى ان مشدتش الكاتينة كويس وهو شدها وخلاص على كده ولا هو ظبط زبنة ترس الكامة مش عارف المهم قالى يلا نسمع صوتها حطينا غطاء التاكيهاء وقفله بايده من غير مانربط مساميره تيست دور صوت الموتور رجع ناعم تانى والحمد لله قالى انت ربنا بيحبك العربية كانت ممكن تجيب صبابات واخد 25 جنيه طيب ايه الغلط اللى عملته مش فاهم هى فى ظبطه زنب للكامة انا دورت ومالقتش ركبت الكامة وخلاص وقسمت كهرباء اسبراتير ورجعت البيت الساعة 8 بالليل شبه الجربان ههههههههههههه اخد دش وحاسس جسمى متكسر والحمد لله انها جيت على كده اصلى انا بحب اعرف كل حاجة تعليم مش اكتر . وشكر خاص جدا جدا للبشمهندس mr_astra على تعبه معايا والرد على الموضوع |
رد: وش سلندر لادا مساعدة
معلش بعتزرلك لو كنت سبب فى اجهادك
لو عاوز تعرف التقسيمة بالظبط لان الميكانيكى ما عملش اى حاجة غير ظبط التقسيمة (الكامات ) وشد الجنزير من البلف بتاعة لو عاوز تعرف الظبط ازاى فك الغطا الصاج وصور بالموبايل صورة قريبة وخلى الموبايل فوق غطا الزيت ولبرة وانا هاشاورلك على الزنبة |
| الساعة الآن 06:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017