اشتريت عربية دايو لانوس 99 ولقيت فيه مصيبة
 

اشتريت عربية دايو لانوس 99 وانا بغير السيور الميكانيكي لقى طرف الكرنك اللي راكب فيه الطنبورة مكسور منه حتة ، فقالي لازم عمرة وقال هنشيل سير التكييف عشان ميحملش على الكرنك وتمشي بيها شوية لحد ما تقرر هتعمل ايه ..وانا مضايق جدا ومش عارف اعمل ايه..ارجو من اساتذة المنتدي المحترمين المشورة المخلصة وجزاكم الله خيرا

رد: اشتريت عربية دايو لانوس 99 ولقيت فيه مصيبة
 

ياساتر يارب الله يكون ف عونك ويساعدك حد من اللى بيفهم هنا ف السيارات دى
ده انا كده قلقت جدااا لانى لسه متفرج ع عربية ف الهرم وطلعت تعبانة مع ان صورها ع الموقع المعروضة عليه كانت العكس
بس الحمد لله ما اتدبست فيها.. كان الله ف عونك

رد: اشتريت عربية دايو لانوس 99 ولقيت فيه مصيبة
 

ياساتر يارب الله يكون ف عونك ويساعدك حد من اللى بيفهم
كنت جيبه بكام ومختيش واحد معاك يكشف عليه الاول
الحمد للة

رد: اشتريت عربية دايو لانوس 99 ولقيت فيه مصيبة
 

كان الله فى عونك سعر الماتور 2500 جنيه واشترى نفسك

رد: اشتريت عربية دايو لانوس 99 ولقيت فيه مصيبة
 

ولا مصيبة ولا حاجة
حضرتك هاتجيب عامود كرنك استيراد بالسبايك بتعتة وتركبهم مكان الموجودين ودة بعد لما العامود عندك يجيب اخرة بس صعب اوى ان اكس الكرنك يتاكل منة حتة

رد: اشتريت عربية دايو لانوس 99 ولقيت فيه مصيبة
 

متقلقش مش هترمى الموتور عشان كرنك
اهم حاجة يكون صنايعى عنده ضمير هيفك الموتور ويشوف عاوز هلالات وبالمرة تشوف الدنيا فيها اه جوا الموتور
لو هتجيب كرنك بيتغير عادى لو هتصلح اللى فيها برضو بيتصلح المهم تقف على شغلك ومتسيبش الصنايعى هو اللى يقرر
حاول تكلم حمدى ميكانيكى المنتدى وهو ممكن يحل لك المشكلة دى بإذن الله ومتنساش تنقلنا التجربة بالكامل وياريت صور 01065229805

رد: اشتريت عربية دايو لانوس 99 ولقيت فيه مصيبة
 

شكرا لحضرتك وانا فعلا مقتنع بكلامك واوعدك اني انقل التجربة بس بعد ما اخوضها ..والرقم اللي حضرتك كاتبه ده رقم مين ..شكرا