ايه افضل اختيار في حدود ال 200 الف ؟
 

معلش يا جماعة بس رجاءاً اللي يقول على افضل اختيار يقول بالسبب لإني معرفش اي حاجة في المجال دا فياريت اللي يحط اسم العربية يوضح كل حاجة فيها وايه المميز فيها

انا محتاج عربية شبابي وفيها اوبشنز معقولة وياريت لو قطع غيارها تكون موجودة ومتعبش عشان الاقيها وعايز اعرف الافضل اجيب حاجة زيرو في الرينج دا ولا اجيب حاجة كسر زيرو وتكون افضل ؟

ولو ينفع اجيب اودي a3 كسر زيرو حلاقيها ولا مش لا وينفع اجيبها بال 200 الف ولا لأ عشان سعرها جديد 240 اليوم

انا فكرت كتير في سيراتو 2013 اعلى فئة وتويوتا اوريس وكمان اودي a3 بس اعتقد اني ممكن ملاقيهاش كسر زيرو

انا حسيب الامر ليكو وبعدين استخير ربنا بس بردو منكم حستفاد اكيد إن شاء الله

رد: ايه افضل اختيار في حدود ال 200 الف ؟
 

فينكم يا احلا شباب ؟
اجيب الماني زي استرا ولا اجيب كوري زي النترا او كيا ؟
ولا انتو ليكو وجهة نظر تانية ؟
فينكم ؟

رد: ايه افضل اختيار في حدود ال 200 الف ؟
 

اوبل استرا سيدان الجديدة اداء شكل قوة سعر قطع غيار غالى
لو عايز صيانة رخيصة و قطع غيار محتملة شوية سيراتو او اوكتافيا او اى حاجة من المنتشر شوية طبعا مع اعتذارى انى بحط السيراتو جمب الفئات الاعلى منها بس بقول عشان سعر قطع الغيار بس
عندك عربية فاجرة مفكرتش فيها و هيا البيجو 508 و 3008 دية كروس اوفر و ال 508 تحفة فنية فاجرة
طبعا دة راى لانى راكب 308 اس دبليو و بعشقها حضرتك تقدر تنزل و تشوف و تسال على اسعار صيانات و قطع غيار و اعادة بيع لو يفرق معاك و لو ميفرقش طبعا عارف هتشترى حسب الامكانيات و الاحتياجات و الشكل
1- اوكتافيا
2- استرا
3-بيجو 508
3 مكرر - فورد فوكس
4-فولفو ( طبعا كسر زيرو)
5-اودى (طبعا كسر زيرو )
دة حسب الاقتصادية الترتيب دة مش حسب الاعلى لانى كنت هحطلك الفولفو فى الاول طبعا
لو فارق معاك اعادة البيع و الصيانة و قطع الغيار طبعا انتا عارف هتختار من فئة مختلفة غير الفئة دية

رد: ايه افضل اختيار في حدود ال 200 الف ؟
 

رد: ايه افضل اختيار في حدود ال 200 الف ؟
 

البيجو جميلة طبعاً وعربية قوية بس طبعاً القطع والصيانة حاجة فقر

هي الاوكتافيا قصدك الشكل القديم اللي هيا الفانتازيا ولا اوكتافيا التربو الشكل الجديد ؟

وحاجة كمان منين اقد اجيب الحاجة كسر زيرو لإني لو اقدر اجيب حجيب الاودي a3 كسر بس معرفش منين

مستنيك يا باشا عشان تقولي اجيب الاودي كسر منين
وشكرا

رد: ايه افضل اختيار في حدود ال 200 الف ؟
 

وبالمناسبة لو ينفع يعني الاقي مرسيدس b200 اول فئة كسر زيرو يبقى افضل من دول كلهم
هي اول فئة جديدة ب 250 الف بس مش عارف حلاقيها كسر ولا لأ

موجودة ؟

رد: ايه افضل اختيار في حدود ال 200 الف ؟
 

الاختيارات المتاحه :

bmw 116 الفئة الاولي كسر زيرو في حدود 200.000 الي 220.000
mercedes b200 كسر زيرو في حدود 230.000
كيا سبورتاج sportage زيرو في 3 درجات منها الاولي ب 210 الف والتانية ب 230 الف والتالته ب 252 الف
نيسان قشقاي زيرو سعرها 195 الف بس
سكودا يتي سفاري في منها درجتين واحده ب 230 والتانيه 250 تقريبا
شفروليه كابتيفا 4x4 كسر زيرو في حدود 250 الف
فورد فوكاس اعلي درجه في حدود 215 الف
هيونداي ix35 الجديده في منا 3 درجات واحده ب 200 الف والتانيه ب 220 والتالته ب 240 الف