|
نصيحة فى شراء لاب توب
يا جماعة انا شفت الاب توب دة فى احد المواقع وعجبنى
Brand dell Model DELL Inspiron 3521 Color Black Operating System Free Dos CPU Type Intel Core i5 Processor 3317U 1.7 GHz 3 MB Graphics AMD Radeon HD 7670M (1GB DDR3 dedicated) Screen size 15.6" Memory Size 4 GB Hard Disk 500 GB Optical Drive DVD SuperMulti Drive Graphics Card AMD Radeon HD 7670M (1 GB DDR3 dedicated) Webcam Yes Bluetooth Yes WLAN 10/100 LAN 802.11bg/n 1 x 1 (up to 150Mbps) هل هذا الكمبيوتر جيد وقوى بشكل مناسب.. اشعر ان البروسيسور ضعيف شوية.. هل من نصيحة.. ؟؟ |
رد: نصيحة فى شراء لاب توب
كور اى 5 وضعيف ؟؟؟ لا طبعا كويس
|
رد: نصيحة فى شراء لاب توب
core i5 وضعيف
طيب لييييه لو عاوز أعلى هات i7 بس ده ال dual core & core 2 due & i3 شغالييين يبقى ال i5 أحسن من كل دوووول و الاعلى منه طبعا i7 السؤال بقه سعره كام الجهاز ده ؟ :1336: |
رد: نصيحة فى شراء لاب توب
شكرا لردكم..
الجهاز الموقع بيقول ان ثمنه 4200 وعملين عليه خصم وبيبعوه 3500 جنية.. التخفيض الشديد دة هو اللى مخلينى مستغرب شوية... ولما نظرت لقيت البروسيسور 1.7 جيجاهرتز قلت دة ضعيف بس أكيد كور 5 هيخلى 1.7 اقوى من بروسيسور بنتليوم 4 بسرعة 3 جيجاهرتز مثلا.. صح الكلام دة.؟ هل السعر كويس... فى حاجة خفية مخلية الموقع الشهير دة ينزل سعرة 700 جنية مرة واحدة؟؟؟ |
رد: نصيحة فى شراء لاب توب
الجهاز ال hp probook وببصمة اليد وبالمواصفات اللى حضرتك كتبتها ثمنه 4250 تقريبا
وفيه hp envy وبالبصمة أيضا ثمنه 4400 جنيها ولكن ال dell أرخص من hp يعنى ال i5 من dell ثمنه تقريبا 3600 يعنى ال 3500 اللى معروض بيها الجهاز ده سعره الطبيعى او تخفيض 100 مثلا وبرضه شوف ال ram الافضل تكون 4 g وكارت الشاشة ال vga بالمرة يكون عالى برضة علشان ال graphics والله الموفق السعر المعروض هو سعره القريب من الطبيعى |
رد: نصيحة فى شراء لاب توب
لو سمحتى يا باش مهندسة.. يعنى ايه كمبيوتر بالبصمة
وكمان يعنى ايه hp envy ممكن شرح اكثر.. بالنسبة للميمورى فى الكمبيوتر اللى انا كاتبة فى المشاركة الاولى فالذاكرة 4 جيجا وكارت الشاشة الحقيقة شايفة رائع AMD Radeon HD 7670M واحد جيجا .. ما هو سبب رخص سعر Dell عم Hp فى ناس بتشكر فى كمبيوتر Leveno الحقيقة دول المعروضين فى مصر وطبعا السونى غالى بشكل مبالغ فيه....... لو حضرتك مكانى تختارى Dell or HP or Leveno هل فى مكان ثقه الواحد يشترى منه فى القاهرة لانى مش عارف قوى بالقاهرة... |
رد: نصيحة فى شراء لاب توب
حضرتك علشان تشترى جهاز لاب توب او كمبيوتر عموما
تروح موول كبير متخصص زى سفنكس موول او كمبيوتر موول اللى فى شارع جامعة الدول العربية فى المهندسين مثلا وتلف وتتفرج الاول فى محل واتنين وخمسة وتاخد بالك من نوع Mother board و ال processor & vga card & RAM وبرضه تشوف حضرتك محتاج الجهاز لأيه بالضبط يعنى ايه الغرض هل للاستعمال الشخصى العادى وهل للعب ال games وهل للدراسة وبالتالى حدد الامكانيات المطلوبة للجهاز حسب استخدامك بمعنى لا داعى اشترى جهاز غااالى قوى ومواصفات عالية جدا للاستخدام المتواضع العادى لان التكنولوجيا عموما بترخص كل ما ينزل الجديد اللى مواصفاته اعلى يعنى مثلا ابنى دخل كلية computer science فلازم ومضطرة اشترى حاجة لا اغيرها مثلا الا بعد 4 سنوات مثلا وتفى احتياجات الدراسة واللعب ولا اعمل updating او اغير الجهاز بعد سنة واحدة ولكن شوف استخدام حضرتك هل محتاج جهاز بالبصمة ( يعنى زى كلمة سر كده لا يفتح الا ببصمة يدك ) اعتقد لأ يبقى ليه أزود على نفسى 400 - 500 جنيه زيادة فى سعر الاب علشان خاصية زيادة مش محتاجها قوى طبعا كل واحد له زوقه فى الشراء ويستحسن جهاز معين بشكل ومواصفات محددة حدد طلباتك ولف وقارن واشترى المعقول المناسب لك لا غالى قوى بدون داعى ولا تعبان يتعبنى ولا يفى متطلباتى وتكون بطاريته تستحمل تشتغل وقت طويل قبل اعادة الشحن ويكون الجهاز لا يسخن وانا شغال وال رامات 4 معقول وال vga 1g معقول فيه لاب توب من اول 2200 جنيه ومواصفاته كافية جدا يبقى ليه اشترى غااالى قوى بدون داعى هيرخص بكره ارجو اكون وضحت لك فكرتى والله الموفق |
| الساعة الآن 02:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017