لخبراء الكاوتشات
 

انا عندى الكاوتشات من سنة 2009 بس لسه الكلام ظاهر عليها ما اتمسحش و ماليها نيتروجين مقاس 13 نوع ميشلان تايلندى تيوبلس و جنوط سبور و الصراحة مش فاكر عملت بيها كام كيلو........
ياريت النصيحة و لو لازم اغيرها ايه افضل انواع الكاوتشات التيوبلس و اسعارها و هل ممكن اجيب مقاس 14 انا عربيتى لانوس...

رد: لخبراء الكاوتشات
 

حضرتك الكاوتشات معاك بقالها حوالي أكتر من 4 سنين. أظن لو معاك فلوس يا ريت تغيرها. و ميشلان طبعا ماركة محترمة. ممكن بردو تجرب بريدجستون و تويو لأن أسعارهم معقولة و أدائهم محترم. طبعا ممكن تغير الجنط ل 14 لكن حضرتك عندك جنوط اسبور. هل أنت ناوي تغيرها؟ مقاسك أظن 175/70R13. ممكن تجيب 185/60R14. لكن العربية هتكون أنشف بشكل ملحوظ.

رد: لخبراء الكاوتشات
 

اولا شكرا على الرد ......
ثانيا هتكون انشف ازاى ياريت توضيح اكثر

نصيحة وفر فلوسك وهات كوتش مقاس الفبريكا وهتلاقى اسعار كويسة 13/175/70
 

ثبات أحسن على السرعات العالية جدا جدا
لكن هتبقى ناشفة على العربية جوا البلد وتهلك العفشة أسرع شوية من كوتش الفبريكا وطبعا تكلفة عليك تجيب طقم جنط وكوتش كمان اسعار ال 14 اغلى من ال 13 على الأقل ب 50 جنيه فى الفردة الواحدة ده اقل تقدير غير تمن الجنوط وماحدش دلوقتى بيهتم بالكماليات احنا مش داخلين سبق الناس كلها عاوزة توفر مش كده ولا أه ؟ :w6w200504111340266d :fun_36_1_39[1]:

رد: لخبراء الكاوتشات
 

كومهو solus (كورى) .. انا شايف انه احسن نوع نوع فى السوق بالنسبه لسعره ....

والفرده 195\60 R14 .. انا جايبها بـ 400 جنية من اقل من سنه .. واداؤه ممتاز بصراحه ...

اهم شئ يكون انتاج جديد ....

رد: لخبراء الكاوتشات
 

طبعا زي الأخوة الأعضاء ما شرحو بالظبط العربية هتكون عفشتها ناشفة. ليه ؟ كل ما سمك الكاوتش اللي فوق الجنط الحديد يزيد بيديك مرونة أكتر مع المطبات و طبعا العكس صحيح. حضرتك المقاس القديم سمك الكاوتش حوالي 12.25 سم و المقاس اللي اقترحته علي حضرتك سمك الكاوتش 11.1 سم يعني الجديد أقل ب 1.15 سم تقريبا و ده اللي هيخليك تحس أن العربية أصبحت أنشف في المطبات لكن في المقابل هتحس بفرامل أحسن و ثبات أعلي نسبيا.

رد: لخبراء الكاوتشات
 

الفرق ما بين ال13 وال14 مش هكون محسوس خالص .. وعمر ال14 ما هيهلك العفشه ولا حتى ال15 ..

وبعدين الانوس فى منها نازل بجنوط 14 فبريكه (الانوس الكورى) .. فهيا اصلا مصممه ليه ..