الي خبراء الجولف 2 ارجو المساعدة
 

السلام عليكم باختصار انا اشتريت جولف2 مو 84 وعاوز مساعدة أعضاء المنتدي في شوية حاجات
أولا عاوز أشتري مساعدين وعلبة دركسيون ايه هية الانواع الكويسة ومنين أشتريها
ثانيا لو عاوز أعمل عمرة للموتور منين أقدر أشتري الاجزاء زي البساتم وطقم الشنبر السبيكة الجوانات وايه هي الانواع الجيدة ولكم جزيل الشكر

رد: الي خبراء الجولف 2 ارجو المساعدة
 

وعليكم السلام ورحمة الله
اولا الف مبروك على الجولفاية واهنئك على الاختيار
ثانيآ هو انت هتعمل العمرة فين عند مين وهو الموتور كام سى سى
ثالثآ عندكاشرف الشهابى بشارع دمشق عنده كل حاجة اصلية للفولكس بكافة انواعه
رابعآ ارجح لك علبة دركسيون استيراد من الحرفيين ويا سلام لو كانت باور تبقى 100 100
وبالتوفيق ان شاء الله

رد: الي خبراء الجولف 2 ارجو المساعدة
 

شكرا جزيلا والله يبارك فيك العربية جولف 2 84 1300 انا جبتها وعارف ان الموتور بيودع والعفشة الامامية عايزة تتغير لات صاحبه قرص عليها وهو جاي من الاسماعيلية فجابت بييل بس ما بيبانش صوته غير لو قرصت علي الغيار بس أنا محتار أغير الموتور ,اللا أعمل عمرة ولو غيرت الموتور أركب اي موديل وخصوصا ان مشاويري كتير جدا وعاوز موتور اقتصادي في استهلاك البنزين وقطع الغيار وشكرا مرة تانية

رد: الي خبراء الجولف 2 ارجو المساعدة
 

أما بالنسبة للعمرة او التسقيط هاعملها عند مهندس اسمه سيد فكري وده عنده مركز خدمة في الصحفيين المهندسين

رد: الي خبراء الجولف 2 ارجو المساعدة
 

الجولف 2 رائعة و لى معاها عشرة أكتر من عشر سنين
و بجد مش خسارة فيها أى فلوس للتوضيب

ألف مبروك

رد: الي خبراء الجولف 2 ارجو المساعدة
 

الف شكر ليك يا حازم وياريت تفيدني بخبرتك مع الجولف

رد: الي خبراء الجولف 2 ارجو المساعدة
 

الف مبروك العربيه و ربنا يديك خيرها و يحميك من شرها
انا من رأيي شرا العبد ولا تربيته
هات موتور جولف 1300 يكون موديل عالي 90 او 91 مثلا استيراد
و تركبه و تريح دماغك منه
حتلاقيه في الحرفيين و بورسعيد