لانسر و اوبترا
 

السلام عليكم

بصراحه يا جدعان انا معايا 504 وبشدها اليومين دول داخلى (مكنه-عفشه -كبالن)

ان شاء الله هتطلع هبيعها على طول بس بفكر احط فلوسها مقدم لعربيه زيرو

انا ركبت عربيات كتير بس اللى موتوها عجبنى واتكيفت منها ع الطريق الاوبترا والانسر والتويوتا

وطبعاً التويوتا فوقهم كلهم بس انا عايز حاجه ف حدود ال100 الف والتويوتا سعرها معدى حتى لو بصيت لل2007 منها هتبقا مستعمل طبعاً وانا مش عايز مستعمل

دورت على اسعار الزيرو لقيت الاوبترا 2013 كامله منيوال بنفس سعر الانسر 2012 1300 سى سى كامله منيوال

اصلى بحب المنيوال شويه

ف نصيحتكم ليا ايه بين العربيتين دول

واكون شاكر افضالكم جداً

واسف انى طولت عليكم

رد: لانسر و اوبترا
 

طالما مانيوال يبقي لانسر 1300.

رد: لانسر و اوبترا
 

لانسر عربية محترمة وصلي صلاة استخارة

رد: لانسر و اوبترا
 

انا لو مكانك هجيب اوبترا خصوصا انها هتبقى 1600 لكن ال لانسر 1300 واعتقد والله اعلم مالا نعلم انك لو شغلت التكييف هيبقى مش قوى وكمان سحب العربيه بيضيع ده كان فى القديم الله اعلم فى الجديد بس هتوفر معاك فى البنزين اكيد

رد: لانسر و اوبترا
 

جيب الاوبترا لو عايز لانسر جيب ال 1600 سي سي

رد: لانسر و اوبترا
 

بصراحة مقارنة صعبة جدا
العربيتين احلى من بعض
لكن الميزة في الاوبترا ان ماتورها 1600 على عكس اللانسر
لو حضرتك عايز تجيب لانسر هات ال1600
ومبروك مقدما

رد: لانسر و اوبترا
 

انا متشكر ليكو جداً على سرعه ردكم وعلى رأيكم

انا مقتنع بالعربيه اللانسر جداً ممكن اشوف منها ال1600 منيوال

بس علشان احنا داخلين على ازمه بنزين كمان فقولت اخلينى ف ال1300

وان شاء الله هشوف كده واقعد مع نفسى لما اجمع الفلوس وان شاء اله ربنا يوفقنا للى فيه الخير

وانا متشكر ليكم جداً