مصر موتورز مجتمع السيارات - الحمدلله العربية إتصلحت في التوكيل (القطامية) و رجعت ذي الأول

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

الحمدلله العربية إتصلحت في التوكيل (القطامية) و رجعت ذي الأول

مبدئياً أنا أسف جداً على التأخير في كتابة الموضوع

ثانياً كل الشكر لتوكيل القطامية على اهتمامهم بالعربية و الحرص على انها تطلع في أحسن صورة و أخص بالشكر أستاذ محمد رمضان و استاذة داليا

ثالثاً اخواتي و حبايبي اللي تابعوه العربية أكتر مني (مع حفظ الالقاب ) : حسام ، إيهاب ، أبو جنى

نيجي بقى للتفاصيل الفنية ذي ما بيقولوه، انتو عارفين اني كنت أخدت خبطة في العربية و دة اللينك بتاع الموضوع

http://www.masrmotors.com/vb/showthread.php?t=111879

أنا كنت محتار أصلحها برة التوكيل و ألم الموضوع ب-500-700 جنيه ولا اعملها جوا التوكيل على التأمين

و بيني و بنكو أنا كان مشكلتي اني أصلحها في التوكيل في كذا حاجة :

1- الوقت ، عشان أنا مش هعرف استغنى عن العربية وقت كبير و أنا عارف إن التصليح فالتوكيل هيخد وقت أكبر أكيد من التصليح برة
2- جودة الشغل ، بصراحة كنت خايف متطلعش كويسة و أندم إني مسلحتهش برة عند حد مشهور من بتوع السمكرة و الدوكو
3-كنت خايف العربية تتبهدل من جوة

و فعلاً خدت القرار و قلت حصلحهة برة ، و رحت لواحد في المعادي و بصرحة مستريحتش ، كان عايزني أسيب العربية الساعة 9 الصبح و أرجع أخدها الساعة 9 بليل و كنت طلبت منه اني أعد معه و هو شغال فيها ، فوجئت إنه عارض بشدة و قلي أنا معنديش زباين بيقعده و أنا شغال فسبته و مشيت

و أنا ماشي من عنده جه في دماغي أروح التوكيل و أشوف إيه النظام ، قبلت الاستاذة داليا و حكتلها على إلي بيدور في دماغي و بصرحة هي كان بالها طويل و كانت بترد على كل استفساراتي

المهم توكلت على الله و عملت المقايسة عشان ابعث شركة التأمين ، و يومين و جه مهندس التأمين عشان يعاين العربية و زبط حاجات فالمقايسة و كانت كالاتي :

1- تغيير إكسدام 275
2-تغيير شبكة 205
3-تغيير علامة شبكة 25
4-تغير مفصلات كبوت 143
5-تغيير كارترة أمامي يمين 60
6-تغيير فانوس أمامي يمين 385
7-تغيير شاسيه إكسدام 372
8-تغيير حامل إكسدام 28

العربية دخلت يوم السبت 21-4-2013 و استلمتها 30-4-2013

بصراحة العربية طالعة تحفة و الحمدلله رجعت ذي الأول