بالله عليكم عاجل -ماهي خطوات وقيمة جمارك نيسان التيما 2008
 

انا عاوز اعرف بالله عليكم ايه الاجراءات اللي اعملها وحادفع كام بالظبط لو عوزت انزل ب نيسان التيما 2008 امريكي الصنع اوتوماتيك -انا مليش في اللف والدوران واسمع ان الموضوع كله عباره عن دفع رشاوي وتفتيح مخ مش عارف اعمل ايه وعاوز اعرف كام بالظبط حادفع فلوس الله يكرمكم حد يحسبهالي وميعتليش صفحات تانية لاني مش عارف احسب النسبة كام وربنا يكرمك يارب

رد: بالله عليكم عاجل -ماهي خطوات وقيمة جمارك نيسان التيما 2008
 

سعة المحرك كام؟ سعرها عند الشراء كام؟ هل انت المالك الاول

رد: بالله عليكم عاجل -ماهي خطوات وقيمة جمارك نيسان التيما 2008
 

سعة المحرك 1600 والسعر عند الشراء 35 الف درهم وانا لست المالك الاول -انا المالك التاني وهي امريكية الصنع ومكتوب عليها 2.5

رد: بالله عليكم عاجل -ماهي خطوات وقيمة جمارك نيسان التيما 2008
 

لو حضرتك فى الامارات اكثر من سنة يبقى ممكن تدخل العربية دى. اما عن الجمرك فأنا مش اقدر احددة لحضرتك بالضبط بالضبط ولكن هو هيكون مبلغ بين 45 إلى 50 الف جنية حسب الأوبشن اللى فيها. لو اتوماتك هتزيد كمان فى حدود 3 الاف فتكون القيمة من 48 إلى 53 الف جنية.. والله اعلم

رد: بالله عليكم عاجل -ماهي خطوات وقيمة جمارك نيسان التيما 2008
 

طيب حضرتك حددت المبلغ علي اساس ايه وازاي اعرف طريقة دخول السيارة والجمارك المقدرة وهل فعلا الموضوع زي ما باسمع عبارة عن تفتيح مخ ورشاوي ولا ايه بالله عليك لو تعرف معلومات قولي وهل ممكن اني انزلها علي ميناء الاسكندرية ولا لازم ميناء معين؟

رد: بالله عليكم عاجل -ماهي خطوات وقيمة جمارك نيسان التيما 2008
 

حضرتك انا قدرته على اساس ان العربية بتاعة حضرتك بتستحق 40% جمرك و 15 % ضريبة مبيعات و 3% ضريبة مبيعات. يبقى المجموع 58% من ثمن السيارة تقريبا. وفى حاجة اسمها خصم استعمال وهذا يساوى 30 % تقريبا. طبعا القيم دى بتكون على قيمة السيارة جديدة وليس قديمة. يعنى مش مهم انت اشتريت العربية بكام المهم كان سعرها كام يوم ما خرجت من المصنع. وهذه السيارات بيكون لها كتاب عند الجمرك وبيطلوعا قيمة السيارة عند البيع لاول مالك.

حضرتك كمان ممن تراجع الجمارك الاسترشادية على السيارات فى الموضوع دة وهتلاقى تقريبا القيمة اللى قلت لك عليها

http://masrmotors.com/vb/showthread.php?t=80873

رد: بالله عليكم عاجل -ماهي خطوات وقيمة جمارك نيسان التيما 2008
 

ممكن حضرتك تشحن السيارة لاى ميناء فى مصر. مش شرط يعنى الاسكندرية. طبعا كل ما الميناء قرب من الامارات ونوع الشحن نفسة هيفرق معاك فى ثمن الشحن من الامارات. ابحث عن شركة شحن فى الامارات وأسال واختار اقل سعر لاقرب ميناء. طبعا يكون شخص مستنى العربية هنا ويكلف مخلص الجمركى وهو افضل حل ليك هيأخد الف ولا الفين جنية وهو اللى هيلف ويخلص لك الورق لحد ما يسلمك العربية وهو بقة يحاول يقلل لك القيمة على اقل ما يمكن. فى بعض الاماكن غير مسموح الدخول ليها إلا لمن يحمل تصريح لهذا المعظم بيستعين بمخلص جمركى.

مش عارف إذا كان ممكن تخلص الاجراءات بنفسك.