مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   أخبار اللوجان معاك ايه دلوقتي ؟؟؟ (https://www.masrmotors.com/vb/showthread.php?t=112778)

sherifabden 29-04-2013 01:02 PM
أخبار اللوجان معاك ايه دلوقتي ؟؟؟
 

:fun_36_3_11[1]:بسم الله الرحمن الرحيم :fun_36_3_11[1]:

اتمنى انكم تكونوا بخير

في البداية انا اسف على قلة تواجدي في المنتدى الفترة الحالية

المهم

ياريت كل مالك للوجان يقول ايه اخبار العربية معاه من حيث المميزات والعيوب الخ والذي منه

وياريت يقول عربيته ماشية كام كيلو






elbagory2020 29-04-2013 03:41 PM
رد: أخبار اللوجان معاك ايه دلوقتي ؟؟؟
 
اقتباس:
المشاركة الأصلية كتبت بواسطة sherifabden (المشاركة 878880)

:fun_36_3_11[1]:بسم الله الرحمن الرحيم :fun_36_3_11[1]:

اتمنى انكم تكونوا بخير

في البداية انا اسف على قلة تواجدي في المنتدى الفترة الحالية

المهم

ياريت كل مالك للوجان يقول ايه اخبار العربية معاه من حيث المميزات والعيوب الخ والذي منه

وياريت يقول عربيته ماشية كام كيلو





السلام عليكم جميعا

بعد مرور شهر و نصف على شراء السياره بفضل الله و نعمه على مرتاح جدا جدا
المسافه المقطوعه 4290 كم
ربنا يباركلى فيها و يبارك لكل مالك سياره و يكفينى و يكفيكوا شر أى حادث

حسام البورسعيدى 29-04-2013 05:18 PM
رد: أخبار اللوجان معاك ايه دلوقتي ؟؟؟
 
الحمد لله العربية تمام .. هى ماشيه حوالى 38000 دلوقتى ..

الحمد لله مشتكتش منها فى حاجة ..

هى حاليا محتاجه تصليح زرار الكلاكس لانه بيعلق جامد .. ومستنى افضى شويه واوديها للكهربائى بتاى يعمله .. والريموت محتاج يتغير .. بس ..

بس العربية ما شاء الله جميله واعتماديه بشكل جميل ..

والله اخر مره سافرت بيها كانت اسكندريه والمسافه بين بورسعيد واسكندريه 300 كيلو (طريق الدولى الساحلى) اخدتهم بيها فى ساعتين بالظبط .. مع العلم ان فى حتت كانت زحمة ومطبات بالطريق .. بس ما شاء الله عليها ثبات جيد جدا مع السرعات العاليه لانى كنت ماشى 170 - 180 طول الطريق ..


انصح اى حد مقبل على اللوجان .. متخفش ومتقلقش منها والله عربية جميله واعتماديه ومش هتزعلك باذن الله ...

sherifabden 29-04-2013 07:15 PM
رد: أخبار اللوجان معاك ايه دلوقتي ؟؟؟
 
الف شكر يا رجالة على الرد
عايزين اراء اكتر

ahmed_farag 29-04-2013 09:20 PM
رد: أخبار اللوجان معاك ايه دلوقتي ؟؟؟
 
دى اول مشاركه ليا فى المنتدى دايما كنت بتابع من بعيد والمنتدى والقسم ده بالذات اقنعنى انى اجيب اللوجان رغم ان فى اراء دايما بتقلل من العربيه

العربيه بقالها معايا دلوقتى 3 شهور مانيوال كامله وعامل بيها 5500 كيلو العربيه ممتازه ومقضيه الغرض معايا لانى مكنتش اتمنى اكتر من اللى موجود فيها اللى لو موجود فى اى عربيه تانيه حتبقى بسعر عالى وانا لو بفكر فى فئه عاليه بالنسبالى يبقى البى ام واى حاجه غيرها يبقى اردم لان فى الاخر تقريبا كله بيتساوى والفروقات مش كبيره واحنا مش فى تراك فورمولا عشان افكر فى اكتر من اللى بتدهولى اللوجان ناس كتير صحابى مكنوش مقتنعين بيها برضو بس لما ركبوها ومنهم اللى جربها غيرو فكرتهم عنها وخصوصا انا ساكن فى العجمى فى اسكندريه والمنطقه هنا بتحتاج للعربيات العاليه وعلو اللوجان ميزه رهيبه فيها بالنسبالى

alaahashem 30-04-2013 12:08 AM
رد: أخبار اللوجان معاك ايه دلوقتي ؟؟؟
 
انا عندى لوجان 2011 بس استخدامى بسيط هى عامله 8000ك بس فى السنتين والحمد لله زى الفل لايوجد ايه مشاكل على الاطلاق والعربيه ممتازه فى كل الطرق المزدحمه والسريعه ولله الحمد والشكر .

عمرو عبد الحميد الجندى 30-04-2013 12:44 AM
رد: أخبار اللوجان معاك ايه دلوقتي ؟؟؟
 
السلام عليكم جمعيا
اللوجان اللى معايا مانيول فول 2013 و عامل بها 2800 و انا حريص فى استخدمها و الحقيقة العربية زى الفل بس اللى مضيقينى فيها حاجتين :
اولا : صاج العربية ضعيف فى مناطق معينة من العربية .
ثانيا و بصراحة الهجوم اللى بسمعه من بعض الناس عن اللوجان بيزعلنى وكانى دفعت الفلوس فى عربية و لا حاجة . لكن و الله العربية انا شايف انها حلوة و ممتازة و خاصة انا اشترتها بالسعر القديم


الساعة الآن 02:04 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017