ال flywheel او الحدافة
 

بقالى فترة بعانى من صعوبة فى نقلات الفتيس وكنت فاكر ان الموضوع دة من الدبرياج (واطى وعايز يعلى)
المهم عليتة عند الميكانيكى على الاخر
وعملية الفصل بقت فى اخر الدواسة برضو مع ان الدبرياج عالى على الاخر

المهم من يومين كدة لاحظت كمان ان العربية اما تسخن بعد مشوار طويل مثلا
الغيارات كلها بتزعق خصوصا الاولانى والمارش
واما العربية تبرد الموضوع بيبقى اخف شوية (بس موجود برضو)
المهم سئلت وعرفت ان دة من الديسك
وهاروح ان شاء الله يوم الجمعة اجيب طقم دبرياج واغيرة كلة بالمرة :pty:


المهم قريت على منتدى teamswift انك لازم وانت بتغير طقم الدبرياج تعمل
1- flywheel resurface
2-rear crankshaft seal تغيرة


فدلوقتى عشان اقول للميكانيكى اعملى الكلام دة اية هو الاسم الدارج بتاع الصنايعية لل flywheel ؟؟! هل هو الحدافة ولا الفولام ولا الاتنين واحد ولا اية بالظبط

وهل لازم فعلا انضف ال (حدافة ) دى عند الخراط وانا بغير الدبرياج ولا عادى مش مهم
وسهل انها تتفك ولا حوار ؟!
http://www.almohandes.org/vb/uploade...1188839860.jpg



والاويل سيل دة rear crankshaft seal هايبقى اسمة اويل سيل كرنك خلفى ولا لية اسم تانى (عشان ماحدش يضحك عليا بس)

وهل الكرنك لية 2 اويل سيل ؟! اصلى لسة مغير اويل سيل كرنك اللى فى وش التقسيمة

رد: ال flywheel او الحدافة
 

أسمه حدافة أو ترس الفلام أى من الأتنين أنا كنت قريت بردو على موضوع تنضيف الترس الفلام لما تيجى تغير طقم دبرياج عشان تشيل أى حاجه من الطقم القديم ويكون شغل على نظافة بس موضوع يتنظف أزاى معرفش هل لازم يروح عند خراط ولا أه بالظبط
:fun_36_3_16[1]::fun_36_3_16[1]:

رد: ال flywheel او الحدافة
 

رد: ال flywheel او الحدافة
 

طب معلش يا جماعة سؤال كمان
هو الديسك ممكن يتصلح ؟! زى ما الاسطوانة بتتملى كدة
اصلى تقريبا هادووخ برضو على طقم الدبرياج بتاعى على ما الاقية عشان الموتور عندى 1000 سى سى والموجود فى السوق بتاع ال 1300 وتقريبا الديسك حجمة اكبر فى ال 1300 :pty::01AD96~139:

رد: ال flywheel او الحدافة
 

نصيحه هات طقم دبرياج كامل وبلاش ملى الاسطوانه ومسح الديسك فى المخرطة والعك ده علشان ديسك يتمسح فى المخرطه يبقى هتحس برعشه مع الطلعه والرخامه دى بقى ..

لو طقم الـ 1300 يركب عندك هاته لو ملقتش بتاعها مش هيفرق فى حاجه

الـ fly wheel هو الفولام او الحدافه ومعروف عندنا بالفولام وده الترس اللى بيركب عليه المارش علشان ندور العربية وده ملوش علاقه بالديسك والاسطوانه الا لو كان محتاج تغيير(لو فى مشاكل فى الدواره) يبقى غيره بالمره وانت حالل الفتيس ...

رد: ال flywheel او الحدافة
 

الفولام عادة ما بيكون مصنوع من الزهر
فصعب اوى انة يحصلة تاكل زى ما بيحصل للدسك ...هانكتفى بتتنظيفة بصنفرة خشنة وبعدها ببنزين
الدسك الحالة الوحيدة فى تصليحة انة بيتشد فقط يعنى لو الريش بتعتة بقت طرية فى صنايعية بتشدة تانى
بس بينى وبينك موضوع يقلق شوية
هات الطقم جديد افضل وبامر الله هتلاقية

رد: ال flywheel او الحدافة
 

والله انا محتار كلمت كذا واحد بتاع قطع غيار واحد يقولى الطقم هو هو بتاع ال 1300 وواحد يقولى لا مختلف وواحد يقولى هاتلى الطقم القديم ونشوف
وللأسف اتأكدت من منتدى اجنبى كدة ان الفولام مختلف فى ال 1300 عن ال 1000 سى سى اتخن شوية والديسك اكبر فى ال 1300
http://www.teamswift.net/gallery/ima...image_id=22549

http://www.teamswift.net/gallery/ima...image_id=22550

ف ربنا يستر بقى والاقية جديد
لو مش كدة هاضطر اجيب ديسك واسطوانة استيراد وخلاص من عزبة شلبى
انا كلمت واحد هناك وقالى موجودين
بس طبعا انا وحظى يأما يطلعوا زبااالة يأما احسن من الجديد
انا كل اللى شايل همة اليوم بتاع بكرة دة عشان هاقعد الف هنا وهنا والوقفة عند الميكانيكى وحل الفتيس :sd: :090104~384:

اة صحيح هو ينفع اشترى الحدافة بتاعة الموتور ال 1300 واركبها عندى واجيب طقم الدبرياج الجديد ولا مش هاينفع ؟!