|
لكل اللى بيقول ان اللوجان غاليه
أخواتى فى الله
السلام عليكم جميعا مش عارف ليه الكل بيهاجم اللوجان من غير ميعرفها الغريب ان العربيه فيها اوبشن مش موجود فى عربيات تانى كتير و سعرها أغلى كمان من اللوجان و الناس بتجرى ورها للأسف أحنا شعب بينساق وراء الاشاعات و التفاهات الغير حقيقيه و نيجى نحكم على السيارات أزاى مثلا أدفع فى عربيه صغيره جدا موتور 1100 سى سى و أول فئه و بـــ 81 ألف أزاى أزاى مثلا أدفع فى عربيه صغيره جدا موتور 1200 سى سى و أول فئه و بـــ 82 ألف أزى عارفين الغلط فى ايه العربيه دى لو كانت نزلت من الاول بدون تخفيض جمركى كان الناس هتشتريها و سعتها هيقول دى بالشىء الفلانى للأسف بنتجه للأسوء دائما أنتشار السيارات الصينى بطريقه غريبه و فى رأى الشخصى هيا سيارات ميدفعش فيها فلوس و كمان لو الصينى زاد تمنه برضوا الناس بتشترى و يقولوا اصلها عربيه حلوه. أللى سافر بره مصر هيعرف الكلام ده بس للأسف أحنا هنا فى مصر وعجيبه يا بلدى |
رد: لكل اللى بيقول ان اللوجان غاليه
اقتباس:
ساعات بتعوم منى فى المنعطفات |
رد: لكل اللى بيقول ان اللوجان غاليه
وبعدين قطع الغيار بتمثل النصيب الاكبر فى قرار الشراء
الموضوع مش بس سعة لترية زى ما حضرتك بتقول الموضوع اشمل من كدة بكتير وخلى بالك ما فيش عربيات بتخلى من العيوب |
رد: لكل اللى بيقول ان اللوجان غاليه
اكيد حضرتك اقصدك ب 1200 سي سي البيكانتو بس لعلم حضرتك ان العربيه ديه رائعه جدا ومن افضل العربيات الميني اللي نزلت في فئتها وسحبها ممتاز جدا غير شكلها المميز ومع صغر حجمها وسعها من جوه وسحبها ممتاز وعيوبها تكاد تكون منعدمه وانا شايفها افضل من اللوجان بمراحل وعربيه ممتازه جدا وتقفيلها متميز وعمرنا مشفنا ان بوابه البنزين بتاعتها بلاستك او الرفرف الشمال بيطبق لو حد سند عليه او لقينا حد بيشتكي من سحب العربيه او علو صوت الماتور او تعليق دواسه البنزين ده طبعا عيوب اللوجان مع احترامي لحضرتك ولكا ملاك العربيه بس ده وجهه نظري في العربيه وعدم مناسبه امكانيتها مع سعرها المرتفع جدا علي عربيه سيدان متوسطه لا ترقي امكانيتها للسعر الجديد ولا تعتبر صفقه مربحه نهائي
|
رد: لكل اللى بيقول ان اللوجان غاليه
اللوجان عربية ممتازة وكويسة وانا شخصيا اعتراضي على السياسات السعرية اللي عاملها التوكيل لكن انا مش اعتراضي على اللوجان كعربية
بالعكس دي عربية ممتازة واثبتت كفائتها ولو كانت البيكانتو افضل منها كان زمانها انتشرت دلوقتي انما انا مشفتش البيكانتو غير مرتين تلاتة انما اللوجان انتشرت جدا لكن انا مش مقتنع ابدا ان عربية يكون سعرها 70 الف وبعد كام شهر سعرها يوصل ل86 الف جنيه (دا غير انها لما نزلت اول مرة في 2010كان سعرها 50 الف ) دا نصب وجشع من التوكيل لكن دا مش معناه ــ للمرة التانية بقولها ــ ان العربية وحشة بالعكس التوكيل بيستغل اقبال الناس الشديد على العربية في انه يغليها |
رد: لكل اللى بيقول ان اللوجان غاليه
اسوا عربيه من حيث الموتور -موتور 8 صباب عفى عليه الزمن
اسواء عربيه من حيث الشكل =شكل غريب وهى داتشيا بتاعه زمان غطا تنك لازم تنزل من العربيه تفتحه شنطه لازم تنزل تفتحها مفاتيح رفع زجاج الخلفى موجوه بارضيه العربيه -تحس ان اللى اخترعها عنده حاجه فى عقله:shwt: |
رد: لكل اللى بيقول ان اللوجان غاليه
اقتباس:
موضوع ال8 صباب انا شايفه مش عيب كبير اوي يعني اي واحد يهمه ان الماتور يكون قوي وادائه كويس وصوته هادي واستهلاك بنزين قليل ودا كله موجود في اللوجان واعتقد محدش بيفرق معاه 8 صباب او 16 صباب او مليون صباب وثانيا الاوتوماتيك نازلة بماتور 16 صباب الشكل دا مسألة اذواق يعني في ناس شايفه ان شكل العربية وحش وناس تانية شايفاه كويس حتى الالنترا اللي شكلها جميل جدا ناس بتقول ان شكلها مش حلو موضوع التانك والشنطة دا عيب في العربية ويختلف من واحد للتاني يعني في واحد معندوش مشكلة في الموضوع دا ومش فارقة معاه الشنطة او تانك البنزين بتفتح من جوه او من بره او من فوق او من تحت وفي ناس تانية تفرق معاهم الحكاية دي موضوع مفاتيح الزجاج الخلفي دا عيب برضه في العربية لكن مع التعود الموضوع دا مش هيعمل مشكلة وبرضه ارجع اقول ان الموضوع دا ممكن يضايق ناس وممكن ميضايقش ناس وكل واحد ينام على الجنب اللي يريحه واللوجان زيها زي اي عربية ليها مميزات .. وليها عيوب .. |
| الساعة الآن 11:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017