|
اختلاف المرور
لو عربية مستعملة ومركبة النمر القديمة ( اللى هى ارقام بس )و مرور السويس مثلا وانت مرورك العجوزة وعاوز تشتريها وتنقل وترخص باسمك فى مرورك وتركب نمر الجديدة ايه اللى هتعمله بالظبط وواحدة واحدة وبالتفصيل لو سمحت وشكرا
|
رد: اختلاف المرور
لو العربية رخصتها سارية بتكون سهلة
لازم يكون المالك القديم جايبلك شهادة برائة ذمة ( شهادة مخالفات ) + شهادة بحث جنائى (ان العربية مش متبلغ عنها انها مسروقة ) اشترى بعقد بيع مسجل فى الشهر العقارى تروح المرور اللى انت تابع لية (العجوزة ) تشترى اورنيك فحص ونقل ملكية بيكون معاك الطفاية والمثلث تفحص العربية فحص فنى وترفع بصمة موتور وشاسية مهندس الفحص هايكتبلك على اورنيك الفحص مطابقة بصمة تروح مرور العربية الاصلى ( السويس ) تطابق بصمة ومش مهم تروح بالعربية ترجع مرور العجوزة تدفع التامين الاجبارى لمدة سنة او 3 سنوات حسب رغبتك تروح الشباك (تجديد ونقل ملكية ) بعقد البيع المسجل+ رخصة العربية + اورنيك الفحص هايطعلك قسيمة دفع نقدية هاتروح تدفع فلوس تامين لوحات وتستلم اللوحات من شباك صرف اللوحات وترجع لموظف الشباك تانى يعملك توريدة دفع نقدية بمبلغ الضريبة اللى انت عاوزة سواء سنة او 3 سنوات وتستنى بقى اما يدولك رخصة العربية وعادة هايدولك تصريح لمدة 6 شهور لحين ورود الملف او ان الكمبيوتر عطلان |
رد: اختلاف المرور
مشكوووووووووووووووووووووو ووووووووووووووووووووووووو وور لكن انا اسمع ان مرور السويس من ساعة الثورة وهو مش بيطلع اى حاجة بالكمبيوتر كله ورق ومختوم فهل من السهل ان يكون الورق ده مضروب وكمان هيطلعوا شهادة المخالفات ازاى ؟؟ طيب وانا لما اعمل عقد البيع فى الشهر العقارى المشترى اديله كل فلوسه ولا ابقيله جزء لغاية اما اخلص انا فى المرور تبعى ؟
|
رد: اختلاف المرور
طالما جبلك شهادة المخالفات وعملك عقد البيع المسجل يبقى لازم ياخد كل فلوسة فى الشهر العقارى
معلهوش اى التزامات تانى بصراحة وخد بالك طالما معاك شهادة مخالفات بتاريخ النهردة وعملت عقد بيع مسجل يبقى اى مخالفات قديمة انت غير مطالب بيها انما لوعملت توكيل وجت مخافات بعد تاريخ شهادة المخالفات انت اللى هاتدفعها ومش هاتعرف انها مالك قديم |
رد: اختلاف المرور
طيب معلش اسالك سوال تانى هو فى رقم موتور عربية بيكون مكون من ارقام وحروف وكمان رموز (مربع مثلا ) وكمان انت تعرف تكلفة نقل ملكية عربية بى واى دى 2007 كام والترخيص يالضريبة 3 سنوات اسف على الاطالة وشكرا جزيلا
|
رد: اختلاف المرور
اعتقد ان رقم الموتور لازم يكون مكون من ارقام وحروف
لان فى العربيات اللى بتنزل باكتر من سعة لترية بيكون فى رمز بيدى مدلول على السعة اللترية كمثال العربيات الاوبل نقل ملكية بى واى دى 2007 دى طبعا انتاج محلى اعتقد ان عقد البيع المسجل ليها بحوالى 1000 جنية التامين الاجبارى بتعها 98 جنية للسنة الضريبة 167 جنية للسنة +شوية دمغات بتوصل لـ 220 جنية واورنيك الفحص وشهادة صلاحية الطفاية بحوالى 20 جنية |
رد: اختلاف المرور
2007 تقفيل صينى مش مصرى هل كده الضريبة هتختلف؟
|
| الساعة الآن 10:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017