|
اعمل الصيانة فى التوكيل والا بره
سؤال للاخوة المتميزين فى المنتدى كل الناس بتقول ابعد عن التوكيل علشان سعرة مبالغ فيه واللانوس عربية كل الناس بتفهم فيها مش محتاجة توكيل وممكن تغير زيت بره التوكيل وتروح التوكيل لما تعمل 40 الف علشان تغير السيور والزيوت الاخرى وانا بصراحة محتار بين الرأيين اعمل ايه
افادكم الله |
رد: اعمل الصيانة فى التوكيل والا بره
التوكيل طبعا عشان الضمان
لو اتطمنت للعربية يبقى بره التوكيل طبعا |
رد: اعمل الصيانة فى التوكيل والا بره
السلام عليكم إذا كانت عربيتك قسط يبقي حاول تحافظ علي زيارة التوكيل قدر الإمكان عشان الضمان وإذا كانت كاش يبقي براحتك شوف أي مكانيكي نضيف وإعمل أي شغل فالعربيه عنده
|
رد: اعمل الصيانة فى التوكيل والا بره
لو التوكيل جنبك يبقا التزم بالصيانة في التوكيل
لكن لو التوكيل بعيد ومشوار عليك يبقا اعملها مع نفسك او بره التوكيل |
رد: اعمل الصيانة فى التوكيل والا بره
السلام عليكم
بالنسبة للتوكيل بيبقى اسعارة مبالغ فيها اكثر3 او 4 مرات من برة لانة المبلغ اللى بيأخدة متصاعد يعنى مثلا صيانة5000 بسعر وصيانة10000 يزيد مثلا150 جنية 15000 يزيد 200 جنية لحد ماتدخل على التقيل تغير سيور العربية كلها وتغير الفلاتر اللى بتتغير كل مدة ستجد انك فى مرة دفعت اكثر من 2000 جنية للصيانة بس د وانت بتكون مطمن على العربية فلو عندك حد تعرفة وبتثق فية خارج التوكيل خليك معاة وخلى التوكيل للحاجات التقيلة يارب اكون افدتك تحياتى |
رد: اعمل الصيانة فى التوكيل والا بره
طبعا افدتنى وانا ميال لرأيك اكتر شكراااااااااااااااSLAM
|
رد: اعمل الصيانة فى التوكيل والا بره
بصراحه وعن تجربه خليك بره التوكيل انا رحت التوكيل فقط في صيانه 5000 ويارتني ما رحت خدوا العربيه غيرولها الزيت والفلتر وركنوها جوه 3 ساعات مش بيعملوا فيها اي حاجة ولطعني فوق مع اني كنت بشتكي من اصوات فيها لكن للاسف العربيه خرجت بنفس العيب :k_crying77[1]: بس انا سألت ناس اصحابي ودلوني بصراحه علي راجل كويس اوي اسمه محمد دايو بس فعلا راجل محترم جدا موجود في مدينه نصر ومصنعيته رخيصه جدا يعني انا روحت خليته يغيرلي زيت وفلتر وربطلي العفشه وكشفلي ع التيل وكشف علي كل زيوت العربيه وخد مني 350 جنيه بس 300 جنيه زيت و25 جنيه فلتر و25 جنيه مصنعيه بس وانصحك لو هتروح بره التوكيل روحله وعلي فكره هو شغال دايو وشيفورليه بس وعنوانه كدة وانت جاي من اول الاوتوستراد تطلع كوبري 4.5 او ما تنزل من عليه هيبقي النادي الاهلي علي شمالك هو اول يمين اول ما تنزل من ع الكوبري كدة هتلاقيه جوه في الشارع ده تاني عماره ع الشمال :CHUBBY~36: وربنا معالك يا ريس واسف ع الاطاله |
| الساعة الآن 06:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017