استفسار سريع بخصوص شراء سيارة بالتقسيط "ارجو المُساعدة"
 

السلام عليكم ورحمة الله وبركاته

إذا سمحتم انا عايز اشتري عربية سعرها في حدود 70 الف - 80 الف

بس عايز اعرف هل يوجد بمصر موتورز تقسيط على 90 شهر بأقل مُقدم ام لا ؟

وشُكراً جزيلا , السلام عليكم

استفسار سريع بخصوص شراء سيارة بالتقسيط "ارجو المُساعدة"
 

طيب لو سمحت يا استاذ سيف
انا سمعت من كام يوم اني ممكن اسحب عربية Speranza M12 اللي هي سعرها 76 الف
سمعت اني ممكن اسحبها بمقدم 8000 جنيه تقريباً وبقسط 950 جنيه بس مدة التقسيط كانت اكتر من 60 شهر طبعاً
مش عارف كان على 80 شهر ام 90 شهر, الكلام دا سليم يا استاذ ؟

وشُكراً جزيلاً

رد: استفسار سريع بخصوص شراء سيارة بالتقسيط "ارجو المُساعدة"
 

ممكن اعرف حضرتك سمعت الكلام دة فين
اطول فترة تقسيط لبنك ناصر بتحويل المرتب وبتكون 72 شهر
للاستفسار السريع
01225485222

رد: استفسار سريع بخصوص شراء سيارة بالتقسيط "ارجو المُساعدة"
 

أطول فترة تقسيط في بنك ناصر لمدة 90 شهر يعني 7 سنين ونص وده كلام انا متاكد منه 100% وبفايده 6.5 % فقط

رد: استفسار سريع بخصوص شراء سيارة بالتقسيط "ارجو المُساعدة"
 

طيب انا آسف جداً على الإطالة انا تعبت حضرتك معايا
-- اصل حضرتك انا واحد ظروفي على قدي انا شغال سواق بمرتب 1500 جنيه وانا اعزب
فأنا كنت عايز اشتري عربية تكون شيك وعلى قدي بحيث إنّي اقدر اقسط فيها
وطبعاً انا مقدرش اقسط في عربية غالية إلا لو كانت فترة التقسيط طويلة علشان القسط يكون خفيف
وميهمنيش ابداً الفايدة , اللي يهمني هو التقسيط ياريت يكون خفيف

-- ............

طيب إذا سمحت سؤال اخير وبعد كدا حتصل بحضرتك على طول عشان استفسر
بس انا عندي سؤال بسيط
هل ممكن اسحب عربية كيا بيكانتو "اقل فئة" ؟
بس ادفع اقل تقديمة ممكنة + اطول فترة سداد ؟ وإذا أمكن, كم حيكون التقسيط الشهري ؟
وانا ميهمنيش الفايدة ابداً يعني حتى لو الفايدة حتذيد جامد في مقابل اني ادفع قسط بسيط فأنا موافق

بإنتظار حضرتك وآسف جداً على الإطالة

مطلوب بالتقسيط Opel Astra GTC Enjoy
 

إذا سمحتم هي العربية دي ينفع تتقسط على 72 شهر بأقل قسط شهري وبأقل مُقدم ؟

وكام حيكون المقدم والقسط ؟ وشُكراً

يا جماعة هو الإعلان دا حقيقي ولا غش ؟؟؟؟؟؟؟
 

يا شباب ياريت حد يقولي الإعلان دا حقيقي ولا غش وكذب ؟؟

http://www.logtacars.com/city-motors...stallment.html

حاجة غريبة جداً بيقول ان الكيا سول 2013 بأقل قسط 1520 جنيه بس

وعلى اطول فترة سداد 90 شهر

والحاجة التانية بيقولو انك ممكن تسحبها بدون مقدم للموظفين والشركات

وممكن بدون مقدم للناس العادية بس بيقولك ان الفايدة حتزيد لـ 6 % ودا مش مهم على ما اعتقد في حالة لو حتجيب عربية زي دي

الخُلاصة يا شباب إللي اتعامل مع الموقع دا يقولي إذا كانو صادقين ام لا

ياريت تقرئو الصفحة كويس كلمة كلمة وتردو عليا .. بإنتظاركو .... في امان الله