سوال عن استيراد سيارة من الخارج
 

استحملونى اسالتى كتير
عايز اعرف هيا جمرك التيوتا او الهوندا غالى ولا مش بتنزل للمعاقين علشان مسمعتش الانواع دى لسيارات المعاقين ولو غالى بتفرق كام مثلا ؟

ولو معايا مخلص جمركى يخلصهالى على طول ولا هتبات كتير وهدفع ارضية كتير وهيا بتاخد قد ايه شحن من امريكا ل مصر

وممكن مثلا استورد عربية نوع نضيف مخبوطة يعنى عاملة حدثة كدة بس متعورة بس وكله شغال يعنى عايزة سمكرة بس علشان اللى بتتخبط برة سعرها بينزل قوى دى ممكن عادى ولا مش هينفع فى الجمارك

ياريت الافادة.
اسف على الاطالة

رد: سوال عن استيراد سيارة من الخارج
 

مفيش شرط لاستيراد السيارات للمعاقين غير ان سعة المحرك مش تزيد عن 1600 سى سى والموديل مش فوق 2009. طيعا ممكن تستورد سيارة من امريكا ولكن تأكد من حكاية الماتور لان معظم سيارات امريكا المحرك مش بيقل عن 2000 سى سى.

السياراه المستوردة يجب ان تستوفى شروط المتانة ولهذا من الصعب ان تدخل سيارة معاقين بيها مشاكل من حيث خبطات وخلافة, فأحرص فى هذا. طبعا الخدوش مش فيها مشكلة
أما عن الشحن فهذا يتوقف على كيفية الشحن ( بحرى جوى) وكذلك سواء فى كونتينر ولا على ظهر سفينة وكلة بثمنه ولكن تعمل حسابك على حاجة فى حدود 6000 جنية للشحن والتفريغ وخاصة من امريكا البعيدة عن مصر..
... بالتوفيق

رد: سوال عن استيراد سيارة من الخارج
 

شكرا ليك
طيب متعرفش حضرتك موضوع فعلن جمرك التيوتا او الهوندا غالى ولا لا يعنى لو فيه من الانواع دى موديلات لحد 2009 و 1600 وغير الشحن وكدة فيه ارضية كتير بتدفع ولا حسب قعادها لو يعنى عندك خلفية بسعر اليوم فى الارضية ياريت تفدنى

رد: سوال عن استيراد سيارة من الخارج
 

للاسف لا اعرف

رد: سوال عن استيراد سيارة من الخارج
 

فعلا اليابانى ليه شريحه معينه غالية اوى فى الجمارك علشان كده مش بييجى معاقين نهائى ..

بالنسبة للعربية انها تيجى مخبوطة او كده ممكن بس متبقاش حادثة يعنى لكن لو شويه خبطات خفيفة او متوسطه تمام ومتقلقش كل حاجة فى الجمرك بتعدى بالفلوس ..

عموما منصحكش انك تجيب عربية يابانى لانك هتدفع اكتر من تمنها بكتير لو جبت واحده من هنا هيبقى اوفرلك جامد ومتبقاش معوقين كمان ....

رد: سوال عن استيراد سيارة من الخارج
 

شكرا للمتابعة
دلوفتى انا لو استرد سيارة مثلا زى ماتركس او اى نوع من اللى موجود هنا
جبته من امريكا وفيها كل المواصفات وكل الشروط هدفع فلوس هنا يقارب من تمنها لما اشتريها من هنا بس هتفرك انى هيعينها قبل ما يجيبها وتبقا سليمة ولا انا ممكن ابقا معفى من مصاريف زى الارضية لو خلصت ورقها بدرى واستلمتها
تحياتى

رد: سوال عن استيراد سيارة من الخارج
 

انت بتتحاسب زى الشخص العادى فى كل حاجة ماعدا انهم بيخصموا 20 الف جنية من ثمن العربية وهى قيمة الأعفاء وبيحسبوا الجمرك على باقى المبلغ. فلو جبت عربية ثمنها بيقارب 20 الف جنية فأنت كدة مش بتدفع جمرك على السيارة. اما عن الارضية والمصاريف الاخرى فانت بتدفع كامل القيمة ولانك فرد مش تاجر فأكيد هتدفع كل المصاريف على عكس التاجر اللى بيعرف سكك فى الجمرك يقلل بيها قيمة المصروف على اقصى درجة

الميزة الوحيدة للفرد ألى بيستورد بنفسة سيارة انه بيجيب سيارة موثوق فيها لان برة مش بيكون فى غش والسيارة بيقول لك على كل حاجة فيها فى التقرير وعلى هذا الاساس بيتحسب الثمن. أما التجار بيشتروا العربيات الواقعة ويجبوها هنا ويعملوا انها عربية فبريكة ويبدأ الغش علشان يكبر مكسبة على اقصى درجة... لو عندك واحد فى امريكا وقادر على انك تمشى وراء الموضوع للنهاية فى الجمرك يبقى توكل على الله لانك هتكون كسبان فى النهاية ويمكن فى النهاية السعر يكون مماثل للى التاجر بيقول لك علية ولكن المكسب انك هتأخد عربية ممتازة تعتمد عليها